بسبب المشرفة الدراسية و الضمان المالي .. الملحقية أوقفت الصرف !!

January 22nd, 2015, 08:57 PM

السلام عليكم ورحمة الله وبركاتو

ما ادري م وي ابداء والله لاكن بقول من يوم جيت
انا مبتعث لي سنه تقريبا
انا ابتعثت ودرست 8 شهور ورجعت السعودية بسبب تاخير الضمان المالي من سوسن عبدالماجد
واضطريت ارجع السعودية اجلس 4 شهور لان المشكلة من الضمان المالي
الضمان المالي طلبته تقول تبي اختبار نتيجة الاختبار التوفل او ايلس انا رحت ابي اختبر قالو بعد اسبوعين الاختبار وبعد الاختبار يبي لك اسبوعين النتيجة يعني شهر كامل والدراسة بتبداء بعد اسبوع واختبرته
ادق على سوسن ماترد والله المهم اضطريت اوقف البعثة والله توقيف البعثة والله اسبوعين لين خلصته والله بعد طلعت الروح ماترد الى متاخر على الرساله بعد كل 3 ايام
وسافرت والحين رجعت تاريخ 21/12/2014 جاي بدري اقدم قبول الجامعه والمهد وخلصتهم وقدمتها على سوسن والمهم قالت بعد كرسمس ترد علي وموقفين علي الصرف اكلمها افتحي الصرف لي اقل شي في شي يصرفني انا جايب معاي حق شهر كامل والله ماتوقعت كذا وشوي تماطلني ماترد علي ولا ترد على استفساراتي بالمطلوب ترد علي باشياء تافهه والله لدرجة انها ردت علي تقول انت خلصت فتره الغه 18 شهر
وانا والله مالي سنه مبتعث كيف جات 18 شهر مدري والله للحين ماترد والله اليوم الشقه الي كنت مستاجر منه قلت له انتظر حواله ابي اصرفه قالي اسف يا تدفع يا تطلع واضطريت اطلع من الشقة والحين عفشي بالسياره وكل شي بالسياره وراح انام بالسياره ومدري الى متى انا وسوسن كذا والله اترجاها والله ابيها تخلص معاملتي وطلب تعويض والله ادق عليها اليوم ماترد دقيت اكثر من 50 مره عليها ماترد ارسلت لها على اميلها ماترد ارسلت لراشد محمد السدران وارسلت له اترجاهم انه يخلص معاملتي وانا لي شهر لا خلصو ولا سوو اي شي وكل شي يبونه عندي كل شي
ارجوووكم اذا احد يعرف يساعدني في حل مشكلتي واترجاااكم بعد انتو والله الحين مقطوط بالسياره والله حتى ما احركها والله عشان البترول ماعندي فلوس ادفعه له

والله راس مالي الحين دولارين و 92 سنت هذا كل ماعندي
اذا احد يعرف اي طريقة اخلص معاملتي فيها اكون له من الشاكرين
تارخ اليوم 22/1/2015

• نشر عبر تويتر
• نشر عبر فيسبوك
• نشر عبر جوجل