استفسار جامعة اوهايو رفضت ارسال الـ I-20 إلا بضمان مالي من الملحقية !

وعليكم السلام ورحمة الله وبركاته
حياك الله ..

الملحقية لن ترسل ضمانك المالي وهذا شيء مُستحيل لأن إسمك لم يُقيد لديهم كطالبة مُبتعثة ..
وهي ليست مسؤولة عنك بالوقت الحالي .. الجهة المسؤولة هي وزارة التعليم (وزارة التعليم العالي) ..

المطلوب منك طلب ضمان مالي عن طريق الخدمات الإلكترونية من موقع الوزارة إذا كنتِ ضمن المرحلة العاشرة !
أما إذا دارسة على حسابك الخاص .. شهادة بنكية !

و المكاتب ماجابت إلا المصايب . مبالغه بالأسعار ونكبة طلاب !!
المفروض المكتب يشرح الوضع مُسبقًا !!!

بالتوفيق ،،

اهلان ..
انا طالبة من ضمن المرحلة العاشرة وطلبت ضمان باسم الجامعه قبل التسجيل ومراسلتهم وطلع لي بعد اسبوع وارسلناه لهم ومكتوب فيه اسمي وبتوقيع من وزارة التعليم العالي بس هم طلبوا ان الملحقية ترسلهم من عندهم مو مقتنعين باللي ارسلته لهم شكله

الملحقية لن تتعامل مع الجامعة في الوقت الراهن .. لايوجد لديك ملف طالبة مُبتعثه حتى اللحظة .. لذا إنسي أمر الملحقية !
و أرسلي إيميل توضيحي للجامعة بأن الملحقية ستتكفل بجميع المصاريف في حال الوصول لبلد الإبتعاث ..

والمكتب ليه بعد ما أخذ فلوسه رمى الحمل عليك ؟!!!
صدق مافيهم خير .. نصحنا و المواضيع و الشواهد تدل على جشع المكاتب ولكن لا حياة لمن تنادي !!

بالتوفيق ،،

حاولت اراسل هالجامعة بس شغلتها شغله بريد وشيكات وحاله فاتجهت للمكتب .. طيب حاليا افهم المكتب انه يرسلو للجامعة هذا الحكي اللي قلته .. طيب ممكن بهالحالة ترفضني الجامعة ..؟؟

البريـــد و الشيك و شغلتها شغله !
هذا أمر طبيعي في جميع الجامعات وهي خطوات أساسية مع كُل جامعة !!
لن ترفضك الجامعة حتى يحين موعد دراستك بعدها يُلغى القبول !

وفري شهادة بنكية بقيمة مدة الكورس كاملًا .. إن شاء الله تقبل به !

مثل ما قالك الاخ حروف متناثرة .. فهمي الجامعة بأن الجهة المسؤولة عنك حاليا طالما انك لسة في السعودية هي وزارة التعليم العالي .. بعد وصولك لأمريكا تنتقل المسؤولية والاجراءات كلها للملحقية. فهميهم أن الملحقية مسؤولة عن الطلاب السعوديين في امريكا فقط وأن وزارة التعليم العالي هي جهة اكبر من الملحقية .. وطالما انت لسة ما جيتي امريكا فالضمان المالي الوحيد الي تقدري توفريه حاليا هو ضمان وزراة التعليم وبلغيهم انك بعد ما تجي رح ترسلي لهم ضمان مالي آخر صادر من الملحقية .. اذا لسة مصرين على رأيهم, الحل الآخر ان توفري لهم ضمان مالي شخصي من عندك!


بالتوفيق ان شاء الله