مساعدة هل مبلغ 420 ألف كافية للمعيشة مع تكاليف دراسة الماجستير؟

و عليكم السلام

افتح صفحات الجامعات و شوف كم تكلفة دراسة الماجستير بالترم (الرسوم الدراسية) .. أنا أذكر أن جامعة كولورادو في بولدر كانت التكلفة 11000 دولار كل فصل دراسي (ماجستير) و هذا الكلام قديم مدري إذا أنهم زادوه الحين .. لكن هذي الجامعة خاصة و أتوقع أنها غالية و يمكن تلقى أرخص ، لكن يجب أن تبحث عن المعلومات .

بالنسبة للسكن .. افتح موقع Rent.com و ستستطيع الحصول على معلومات تقريبية عن السكن (إيجار) .. لكن يبي لك تبحث عن المنطقة اللي أنت تتوقع راح تسكن فيها .. بس تبي الصراحة .. الأفضل للطالب المفرد أنه يسكن مع عائلة .. تقريبا السكن مع عائلة بحدود الـ 900 دولار (تجربة شخصية في لوس أنجلوس).

الأكل و الشرب .. وجبة ماكدنوالدز بحوالي 6 دولار .. و على هذا فقس .. يعني شوف أنت لو فرضا ما راح تاكل إلا ماك ، فكم وجبة تحتاج في اليوم ، و احسب .. هذا تقريبا مصروف الأكل و الشرب .. و على فكرة ، السكن مع عائلة يشمل وجبتين يوميا .. و تقدر تطلب أكل حلال و هم يعرفون هذا الشي (بس تكلم و وضح) .. و إذا تبي تعتمد على نفسك في جلب الحاجيات من السوبر ماركت و تسوي أكل بنفسك ، فأتوقع يبي يصير أرخص و أكثر صحة .

التنقلات .. إذا راح تكون في مدينة .. فتكلفة استخدام النقل العام تقريبا بـ 100 دولار شهريا .

نحسب أنا و انت حساب سريع
الفصل الدراسي بـ 11000 في فصلين دراسيين (بدون صيفي) بـ 22000 دولار في السنة ..
السكن .. مع عائلة .. بـ 12000 دولار في السنة ..
أكل و شرب .. أفترض 10 دولار يوميا .. بحوالي 4000 دولار سنويا ..
تنقلات .. 1200 دولار سنويا ..
باقي نحسب التأمين الصحي .. أنا صراحة غير متأكد من قيمة التأمين .. لكن خليني افترض 1500 دولار سنويا ..
كم صارت الحسبة الحين ؟
22000+12000+4000+1200+1500=40700دولار سنويا يعني تقريبا 150000 ريال سعودي سنويا.
سنتين ماجستير بـ 300000 ريال سعودي ..

لا تنسى هذي حسبة على السريع .. و ممكن يكون فيها أخطاء و نواقص .. و لا تنسى ما حسبت مرحلة اللغة .
لكن برضه ، الماجستير مو شرط يكون في سنتين .. فيه ماجستير أقل و ممكن يصل إلى سنة خصوصا إذا أخذت صيفي . فإذا أخذته في سنة فهذا يوفر عليك تكاليف السكن و المعيشة و التنقلات و التأمين لسنة كاملة .

مبدئيا .. أنا أتوقع 410000 ريال سعودي تكفي بالراحة .. لكن يبي لك تحسبها .. و تبتعد عن المدن الغالية مثل لوس أنجلوس .. و في المقابل لا أنصحك بالذهاب إلى قرى بهدف التوفير لأن ما أظن راح يكون هناك توفير .. فالمدينة فيها من مسهلات الحياة (كوسائل النقل العامة) ما لن تجده في القرى و البلدات الصغيرة .

[QUOTE=Linguistics Consultant;1062783021]مرحبا أخي
المبتعث هنا يأخذ ١٨٠٠ دولار وتكفيه ويعيش بها.
رسوم الجامعة تتفاوت من جامعة لأخرى بس في غالب الأحيان حوالي ١٢ ألف دولار للفصل الواحد وهناك جامعات أرخص بحوالي ٨ آلاف دولار.

إذا حسبتها بهذا الشكل راح يطلع لك المجموع تقريبا ٣٠٠ إلى ٣٤٠ ألف ريال سعودي لمدة سنتين وهذي غالبا هي مدة الماجستير في أمريكا.

كيف توفر؟

١) لا تنسى أن فترة الصيف بإمكانك ترجع السعودية وتشتري تذكرة ذهاب وعودة ب ١٠٠٠ دولار بدلا من أن تصرف ١٨٠٠ دولار بالشهر
٢) لا تنسى أنك الصيف الثاني بتكون تخرجت إن شاء الله وبكذا راح توفر مبلغ ٣ أو ٤ أشهر ما تحتاج تصرفها لأنك تكون تخرجت بإذن الله
٣) بإمكانك تحاول تبحث عن جامعة تكون مصاريف دراستها أرخص، يعني بدل ما تختار جامعة تطلب ١٢ في الفصل تجد جامعات ٧ آلاف
٤) في نظام الجامعات الأمريكية غالبا أكثر من ٩ ساعات يصبح السعر موحد بحيث لو أنت مثلا سجلت ١٢ ساعة ما راح يزيدون السعر عليك
وبكذا بأمكان تخلص عدد ساعات أكثر بنفس السعر، فإذا خلصت ١٢ ساعة في الفصل الواحد راح تكون خلصت ٢٤ ساعة في خلال سنة
وغالبا الماجستير تكون حوالي ٣٠ ساعة وبكذا تكون خلصت الماجستير في سنة ونصف فقط وبكذا تكون وفرت حق فصل دراسي كامل
٥) بإمكانك السنة الأولى تاخذ مواد في الفصل الصيفي إذا كان جامعتك تسمح بذلك، وبكذا تقدر تخلص أكبر عدد من الساعات في أقرب وقت
٦) بإمكانك البحث عن جامعات عدد ساعاتها في الماجستير قليل بحيث مثلا تكون ٣٠ ساعة بدلا من ٣٦ كما هي الحال في بعض الجامعات
٧) بإمكانك تبحث عن مدينة تكون السكن والمعيشة فيها رخيصة مثل أوكلاهوما وبكذا تكون وفرت من ال ١٨٠٠ المخصصة للمعيشة كثير
٨) بإمكانك تسكن مع شخص وتتقاسمون شقة واحدة وبكذا راح يطيح منك نصف سعر السكن وتكون وفرت أكثر وأكثر
٩) الكتب الدراسية مو لازم تشتريها تقدر تستعيرها من الجامعة أو من أمازون وتكون وفرت قيمة الكتب الدراسية


أرى أن هذا المبلغ يكفي وزيادة لكن لا تهدر كل المبلغ بإمكانك الحصول على الماجستير بنصف هذا المبلغ إذا حسبتها صح.


بالتوفيق أخي...[/
اشكرك من الاعماق بارك الله فيك وجزاك الله خير

- - - مشاركة محدثة - - -

كما اني لا زلت اتمنى من اي شخص يطلع على هذا الموضوع انه يعطني رايه
اتمنى ان تصل الردود الى سبعة ردود

أسأل الله لك التوفيق
لكن لا تنسى أن الصرف يعتمد على الشخص نفسه
فكل الحسابات السابقة بناءً على طبيعة الشخص الحاسب
انت لك متطلبات غير عن الناس
مثلاً السيارة تبي تشتري سياره او تبي بالنقل العام
تبي سكن لحالك او تبي سكن مشترك مع طلبه او عوائل ؟
فيه عوامل كثيره مثل حب السفرات او التنزه وماشابه
المهم اختر المدينة والولاية بعناية وبعد تدقيق وتمحيص
وتذكر ان امريكا عايشه على الضرائب
يعني تشتري جهاز الكتروني عليه ضريبه , اكل , حتى الخطوط السريعة
يعني فيه اشياء تزيد حسبة الصرف ماتكون حاسب لها حساب
المهم انا أنصحك بخوض التجربه وعدم التردد ولو شفت انك بتفلس تقدر ترجع للسعودية وتكسب الخبرة
لأني واثق مليون بالميه ان نظرتك راح تتغير
الله يوفقك في دينك ودنياك

يا أخوي أنت و الإخوة اللي تتكلمون عن الضرايب حسستوني أن الضرايب 100% ، تراها إن كثرت 13% أو رقم بهذي الحدود ، يعني اللي تلقاه بـ 100 دولار تبي تدفعه 113 دولار أو شيء من هذا القبيل
المهم يا أخي هو إثراء الإخوة السائلين بتجاربنا الشخصية ، يعني بأمثلة و أرقام حقيقية ندفعها (بضرايب بدون ضرايب ما يهم المهم هو أن هذي هي التكاليف الملموسة اللي تبي تندفع)

مادام انك عارف هالمعلومه شي طيب
ومادامت ماتفرق معك 13 % تعال هنا والله يوفقك ان شاء الله
حبينا نحط المعلومة اللي عندنا
انا عن نفسي ومع اني على حساب الدولة الضريبة تفرق معي
خصوصاً إن الـ100.000 فيها 13.000 وانا شخصياً اعتبره ماهو بسيط هالمبلغ .
مع العلم ان ضريبة الاكل تختلف عن ضريبة الاجهزة الكهربائية
بالتوفيق ياغالي