مساعدة المشرفة و مساعد الملحق الثقافي و الوزارة دمروا مستقبلي

وأنا أعرض عليك أي مساعدة تحتاجها لوجه الله ولأني مؤمن انك صادق مجتهد

الله يعطيكم العافية ، انتهى الموضوع و انحل و فرحة العيد فرحتين و لكن الميزانية انضربت للانتقال من ولاية الى ولاية و الحمدلله ع كل حال

شكلنا بندخل في الكريديت كارد نمشي فيها امورنا الين ما ينزل الراتب

إذا تبغى نفزع لك حاضرين
الناس بالناس والكل بالله

وأتوقع فيه بدل الانتقال من ولاية لولاية ارسل استفسار وتأكد

الحمد لله أولا وَ أخيرا وَ ألف مبروك ..
ياليت تكتب لنا التفاصيل وتسردها لنا .. لجل الكل يستفيد من تجربتك بما أننا تعايشنا معك وَ بكُل لحظة منها ..

بالتوفيق ,,

يمه يمه انت كتبت الي حصل لي الان ؟!!!!!
الللهم ان الفرق اني رفعت طلب تاريخ ١٠ جون والى الان الطلب معلق مع انه مر ع مدير الاقليم واللجنة لكن متوقف عند المشرفة بحجة مشكلة تقنيه.. معاملتي تقريبا بتكمل شهرين والدراسة ستبدأ ٢٤ اوغست والى الان ولا رد؟ مع العلم ان الاسبوع هذا اخر اسبوع لتحويل الاي توني للجامعه الجديدة اذا لم احول سيحولوني الى اوغست ٢٠١٦ يعني سنة من حياتي بتضيع والسبب المماطله و التاخير وشوفة النفس المشرفة لا ترد مكالمات ولا ايميلات وحسبنا الله ونعم الوكيل
هل مشرفتك يسرا محمد؟؟؟؟؟؟؟؟
لاني ناوية اقتلها لكن ابي احد يفهمني ولا يلومني ع هالفعله اخخخخخخخخ شهرين مانام الليل افكر بمصيري !!!!! اشياء كثيره متراكمة علي والسبب انتظار!!!!!!!!!!!
عقد سكن منتهي ولازم يتجدد والى الحين اماطلهم لاني مادري عن مصيري و اي توني ماتحول للحين والوقت يمر والدنيا نايمه
راح واحد الله يوفقة ويسعده للملحقية وتابع طلبي وقالو ولا يهمك الرد بيجيها بكرا ( اي قبل يومين) لكن لا حياة لمن تنادي
ارفضو مااقول لا بس يرحم امكم ليه التعليق لا ولا ايه ؟؟؟ باقي من بعثتي حقت اللغة الى ديسمبر لكن لم ادرس بهالصيفي ع اساس ماله داعي انقل في نص السمستر (واثقه ان الامور سهالات) مادريت انه ضيعو علي كوارتر الان !!!!!!!!!!!!!! اخ بس الى متى؟؟؟؟

مع العلم اني مرحلة ثامنه يعني تغيير التخصص كما يقال يمشي معي بالراحة !
مدري يذلوني على هالمرحلة والا وش الوضع؟؟؟؟؟

اي مرحلة انتي بكالرويس ولا ماستر

ماستر ....................

معقول لازم اروح الملحقية ؟؟؟؟ شفت اسعار التذاكر تو وجتني تكه؟ يعني يكفي التذكرة الي بدفعها للانتقال من الولاية في حال وافقو ؟
يكفي اني اصرف ع شخصين براتب واحد !
وشولة موقع الكتروني ومعاملات الكترونية وانتم مب قدها ؟؟؟؟؟؟؟ الى متى يعني؟؟؟؟؟
يعني اقلها يعوضونا عن التذكرة لمقابلة وجيههم يعني الموضوع بالنهاية مب غلطتنا غلطتهم وغلطة هالي موظفينهم