بسبب الغش تم حرماني من المادة وأحتاج مشورتكم

لا توقع على أورقه واطلب نقل من الجامعه وكمل تخصصك عادي بس المهم ما تغش واذا وقعت على الورقه احتمال كبير راح يحطونها في ملفك وماراح تقبلك الجامعات الآخرى بسبب الغش أو أنك توقع عليها وتغير تخصصك وتدرس عندهم وراح تكون الأنظار كلها عليك راح تتحسف انك غشيت وراح تنتقل من الجامعة

ملاحظه:ورقه تظلم تعتبر عن تحقيق وأخذ أقوال الطرفين وهي حاليآ مو من صالحتك لأنك مو مظلوم

وَ عليكم السلام وَ رحمــــة الله وَ بركاته
حياك الله ,,

حاول بشتى الطُرق أن تحل الموضوع بشكل ودي .. لأنه ركز على ماكتب أخوي سالــــم .. أتفق معه كُليًا .. هذه الورقة قد تضرك في المستقبل !!
حـــاول أن تتحدث معهم من جديد .. رغم أن الغِش في أمريكا ليــــس بهين !!
وَ إسأل وَ إستفسر عن العقوبات في مثل هذه الحالات, بالبحث في سياسة الجامعة !

أعانك الله ,,

السيد المقهى
ان شاءالله درس لك وهم وغم ينزاح
لكن احذر تعترف انك غشيت
اذا قالو اعترفت له قول مارس معي الضغط وخفت ان الشخص يستقصدني ولا توقع قول مارس معاي الاكراه
بعدين استغرب كيف تعترف اعرف اشخاص يسوي فعل او سلوك داون قدامك ويجحدك ويجحد عيونك بكل سفاله!

ألف شكر أخوتي
الله يجزاكم كل خير
والظاهر أن الأفضل تغيير الجامعة مثل ما قلتم لأن هالبرفسورة محتكرة مواد كثير بتخصصي

PLC
معك حق تستغرب كيف اعترفت بس غباوة بعيد عنك قلت يمكن تحل عني

شوف المفروض انك ما كنت اعترفت . على كل حال انتبه انك توقع على أي ورقة نهائيا ولاتنسى ان البروفسور عنده سلطه تقديرية يعني لو وقعت ياعالم وش يصير .
وعلى فكره ملاحظه اخيره . لايغرك أي كلام يقولونه ممكن تنزل عليها الطيبه فجأة وتصير الحنونه وبعد ماتوقعك خلاص قلبت عليك

والله يعينك

انفذ بجلدك , واعتبرها درس لك.
وحاول بقدر المستطاع انك تبحث عن ولاية اخرى لان غالب الجامعات تعمم على الجامعات داخل الولاية.
ومسألة الاعتراف ماهي غباوه على العكس انت صرحت بخطأك لها من توترك وخوفك من الموقف اللي انت كنت فيه وهي استغلت موقفك هذا.
انا ما اشجعك على الغش لانك انت ماجيت امريكا علشان تغش بل علشان تتعلم . لو السالفة كلها غش في غش كان قعدت عند اهلك وجاتك الشهادة للبيت !
ولكن الافضل وانا اخوك انك تحاول تبتعد عن هالعاده وتعود نفسك انك تجتهد بنفسك , اثبت لنفسك انك تقدر لاني اشوف انك تملك كل الوسائل اللازمة بأنك تجيب درجات عالية .
فلو اعتمدت على الغش راح تدمر عقلك ويصبح عقلك مجرد مستودع فارغ ماله فايده.
فلا تقلل من قدراتك ولا تنجرف مع الطرق السهله. صدقني كل شي بالجامعة سهل لكن يحتاج فقط شوية تركيز وفهم وامورك تكون ميه الميه.

لان مافيه احد شفته قال المادة صعبه الا اذا هو اصلاً معتمد على الغش ولا فكر يقرا كلمه من الكتاب !

فهذي نصيحة اخويه لك بغض النظر عن الخطأ اللي وقعت فيه لان ابن ادم خطاء وخير الخطائين التوابون.