مساعدة وكالة شرعية لكن الجواز منتهي ....؟

وعليكم السلام. اكيد اذا مددت الجواز تقدر تستخدمه ولا ايش فايده التمديد

الوكالة ماتقدر تسويها الا بعد التمديد .. وتقدر تسويها كلها بنفس الوقت من القنصلية ..
اذا كانت مدينتك قريبة من احد القنصليات السعودية .. فانصحك انك تروح لهم وتخلص امورك لان بعض الاجراءات تخلصها وانت واقف !
اما اذا كانت بعيده فترسل لهم الاوراق المطلوبة مع الجواز .. هذا بالنسبة لوضعك بشكل عام ..

اما بالنسبة لسؤالك حول استخراج الوكالة بعد التمديد , نعم يتم قبولة ..

لان عملية "تجديد الجواز" من داخل امريكا تاخذ مدة لاتقل عن شهرين وهذا بسبب انهم يرسلون الجواز للسعودية وينتظرون حتى يستلمون الجواز الجديد ويرسلونه لك .. اما عملية تمديده فلا تاخذ اكثر من يوم عند القنصلية وبقية الايام ماهي الا مدة إرسال واستقبال الاوراق في البريد ..
يعني لو كنت عند القنصلية وتبي تمدد .. يعطونك التمديد في 10 دقايق وانت واقف ..

اما بالنسبة للوكالات , فهذي تتطلب حضورك .. ومسألة الشاهدين فما عندي علم بصراحة ..
ولكن افضل حل انك تكلم القنصلية التابعة لمنطقتك وتسألهم .. وراح تجد الجواب الشافي في هالخصوص ..


كل المتطلبات تجدها على صفحة القنصلية :
The Royal Embassy of Saudi Arabia, Washington, DC, USA

بالنسبة لتجديد الجواز فطريقته الحالية انك تعبيه في موقع وزارة الخارجية وتطبع النماذج وتوقعها وترسل جميع الاوراق مع الجواز الى القنصلية مع اضافة ظرف اضافي مدفوع موجهه لعنوانك مع الاوراق حتى يتم استخدامة لارسال جوازك لك ..

على فكرة جميع خدمات وزارة الخارجية الخاصة للمواطنين بالخارج معطلة في الوقت الحالي .. ولكن خدمة تجديد الجواز فقط يستخدمون النموذج فيه حتى تعبيه ثم ترفق كل المتطلبات وبعدها تطبعه وتوقعه وترسله مع بقية الاوراق للقنصلية ..
وهذا الكلام اللي قالوه لي قنصلية هيوستن يوم الثلاثاء الفائت ... لاني كنت ابي اسوي تمديد للجواز .