مساعدة امامي ساعات قليلة حتى اقرر واحتاج نصائحكم .. هل اقطع بعثتي ام لا ؟

انا مثلك اشيل هم واجيني ضعوط نفسيةكثير بس انا لسه مارحت امريكا ونفس الوقت اتمنى اني اكمل دراستي واروح البعثة رغم اني عارفة اني راح اتعب مرة مرة هناك .. بس حاول تدخل في نفسك انك اكبر من هذا الشي وانك راح تقدر تحقق حلمك وترجع احسن مما كنت
هذي الضغوط النفسية لازم انت تعالج نفسك وما تعتمد على المهدئات واقرا كثير عن الاكتئاب وعن الامراض النفسية ذي وبتشوف انك انت احسن بكثير من انك تترك نفسك وتوصل لمراحل اصعب ويمكن لو جلست بعدين بجيك شعور انك تندم ليش مارحت وتتعب
انا من رأيي انك تكمل حياتك زي ما هي بس حاول قد ماتقدر انك تعالج نفسك بنفس مو بالادوية

انا مثلك مريت بحالة نفسيه وفجأه بدون سابق انذار احس بضيقه شديده وابكي بشكل جنوني واشتر كتبي واوراقي وكنت وقتها أفكر ألغي البعثة وارجع بس أهلي كانوا يمنعوني، وأنا كنت وقتها اقول لهم انتم ماتفهموا وضعي ماتفهموا كيف حالتي. وحصلت لي تقريباً 3 مرات لدرجه ان في مره في وسط اسبوع الدراسه رجعت البلد بس ليومين ونص.ودرجاتي بدت تهبط. لكن الحمدلله صاحباتي في الغربه واهلي وقفوا معاي وانهيت دراستي بمرتبة شرف ورجعت البلد ورفعت راس أهلي. والحين رجعت قدمت من جديد عشان أدرس ماستر وفي احتمال كبير أمر بنفس التجربة لكن ماراح اخليها توقف عائق لي لأن فرحة التخرج تخليك تنسى التعب الجسدي والمعنوي والنفسي وكل شي. نصيحه لاتلغي البعثه انا الحين أحمد ربي ليل نهار اني مالغيتها لاني كنت فعلاً بندم

هذا رقمي ارجو التواصل معي للاهمية قبل تتخذ اي قرار
**(615) 603-4713‬‬

الحمدلله ع السلامه..وعقبال ماترجع بالشهادة الكبيره وترفع راس أهلك وأحبابك فيك

الحمدلله ع سلامتك ،، للاسف ماجاني اتصالك حبيت اتواصل معك شفهي وقتها واحاول اساعدك قبل تتخذ قرارك ولكن الحمدلله ،، في خدمتك اي وقت ولو تعذر الاتصال برساله نصيه منك

السلام عليكم
الحمدلله صليت الأستخارة وتوني واصل امريكا وان شاءالله مافيه شي يوقفني رغم اني تعبان واول ماوصلت تنومت بالمستشفى لكن مافيه شي راح يوقفني

جزاك الله خير والله يوفقك ويسعدك هالمكالمة ماراح انساها, مع اني مااعرفك الا انك ماقصرت

السلام عليكم

انا كنت الحمدلله مرتاح في امريكا انهيت لغة وانهيت اول سنة جامعة ولكن قبل ماانتهي من السنة الاولى في الجامعة حسيت بكأبة شديدة .. بتعب غريب وخفقان في القلب وكنت اروح المستشفى بشكل شبه يومي وحتى مرة اتصلت على الاسعاف لأني حسيت فعلاً اني بموت .. ورجعت للسعودية وجلست سنة مع تأجيل البعثة حتى اتعالج وفي الاخير ظهر هذا شيء نفسي وصرت استخدم المهدئات مع العلم ان الكأبة مازالت موجودة .. المهم قررت اني ارجع لأمريكا ولكن يوم قرب موعد سفري مرة اللي هو اليوم صرت ماابغى اروح من الكأبة والتعب النفسي وماتشجعت ابداً وصرت احس اني بأفشل في الدراسة هناكوقلت في نفسي بدخل جامعة في السعودية واجلس بين اهلي .. وفي نفس الوقت في شخص ثاني في مخي يقولي لازم تروح امريكا هذي فرصة وماتتعوض وبتندم في المستقبل
عارف ان الموضوع معقد لكن لو كنت مكاني هل تروح لأمريكا او تجلس بين اهلك وتدخل جامعة هنا واهم شيء الصحة ؟