إخواني سائقي الشاحنات ( أصحاب الدبلوم ) إدخلوا !

فيه بعض الجامعات قامت بزيارة السعودية وقد تحادث الطلاب مع مسؤولي الجامعات وبعضهم قام بإزالة رسوم الطلب


لكي يحمسوا الطلاب بالقدوم إلى جامعتهم



أنا قلت لك اللي حصل معي وحتى لما نت بتراسلينهم بيقولون لك نفس شيء


قدمي طلبك وإدفعي رسوم الطلب وبعدها بنراجع طلبك

اهاا .. طيب رسوم الطلب هاذي كم تكلف تقريبا؟؟

انت كم قالو لك؟؟ وبعد ما نسدد الرسوم يعطو المعادلة الأكيدة ولا توقعات؟!

تختلف الرسوم من جامعة إلى جامعة


رسوم الطلب من 30 - 100 $



لكن أغلب الجامعات تطلب 50 $

مرحبا بالجميع

فزعتكم يالربع أنا معي دبلوم من الكلية التقنية بالرياض تخصص تسويق وحالياً ادرس لغة بنيوزلندا بس للأسف مافيه ولا جامعة تعادل ساعات الدبلوم وراسلت بعض الجامعات بأمريكا بس المشكلة أنه مدري وش الجامعة الزينه وجالس أراسل على عماااه فلذلك ألي معه نفس تخصصي ويعرف جامعة كويسه وفي منطقة مناسبة وعادلوا له مواد المرجو منه يعلمني وأكون شاكر له

تحياتي من أرض الكيوي " مو لازم نك "

طيب سؤال اخير ههه

وين القى رسوم الطلب يعني تكون مكتوبة في موقعهم ولا كيف؟؟

وما جاوبت على سؤالي الثاني في النهاية يعطو المعادلة الأكيدة ولا توقعات ؟!

يعطيك العافية

ahad

بشر وش صار عليك عادلت شهادتك ( ديلوم الكترونيات صناعة وتحكم ) ولا لسى ؟؟؟

رسوم الطلب بتلقينه في موقع الجامعة


وكل جامعة لها سياستها من ناحية إعطائك المعادلة



بعض الجامعات بتقول لك كم بيعادلوا بعد ما يراجعوا طلبك


وبعضهم بيقول لك تعالي عندنا شخصياً ونشوف وضعك ونقول لك كم بنعادلك لك



أوبعضهم بتقول لك تعالي عندنا وفي نص السيمستر بنقول لك كم بنعادلك لك




بعض الجامعات تشترط معادلة المواد في WES


وبعض الجامعات تقول لك إرسلي أوراقك علطول لنا من دون أي وسيط أو معادلة

mr.rko السلام عليكم ورحمة الله وبركاته...وبعد

تكفى يا ولد انا طلعت عيوني وانا أدور جامعة تعادل لي ساعات الكلية التقنية..مع العلم اني خريج الكلية التقنية بالدمام بمعدل 3.90 من 5 قسم تقنية كهربائية.
أنا برسل الاوراق المطلوبة لشركة WES علشان تعادل لي وعلى ما تجي الاوراق أنا أرجي الله ثم أرجيك أنك تساعدني بجامعات اللي تعادل اكبر عدد ممكن من الساعات

wes يطلبون صورة من الجواز وانا جوازي منتهي منذ مبطي هل لازم اجدده قبل ما اراسلهم؟

انا اعلم ان التاخير(على قولتك) شعارك وأنت اعلم ان انتظاري واملي دايم فيك بعد الله عز وجل



المبتعث11 ينتظر الفرج من الله على يد mr.rko

حبيبي يا عسل الله يوفقك يا رب وتكتب لك البعثة بخصوص جوازك هاذي وكالة وهما ما يركضون الا حق الفلوس انت بس بالطلب لو في مكان قول لهم
( I have request renew for my passport and it is under process)

انه جوازك الجديد تحت الاجراء وانك تحتاج المعادلة as soon as possible
وما يصير خاطرك الا طيب هما يبون الجواز عشان يطابقوا الاسم على حد علمي لا اكثر

وبالتوفيق
بخصوص موضوع المعادلة حقتك اعذرني يا الغالي ما عندي اي خلفية بسبب تخصصك

ياااااااا اخوان انا خريج كلية الجبيل الصناعية تخصص تقنية معلومات واكيييييييد وابي التحق بالبعثة على خير وربنا يكتب لنا التوفيق جميعا

الى الان راسلت عدد من الجامعات واحنا بالكلية على النظام الجديد تقريبا ندرس اكثر من 71 ساعة فقط بالتخصص المهم الى الان الثلاث جامعات اللي ارسلت لهم وتباحثت معهم بخصوص موضوع المعادلة ما طلبوا مني اي معادلة من اي وكالة ولو في اي شي جديد بخبرك وابشروا بالخير راح احط لكم اسماء الجامعات وتشيكوا معهم بس اول اتاكد كم ساعة بيعادلوا لي وكم راح يبقى لي وبالتووووووووووفيق للجميع ودعواتكم يا رب

ملاحظة: اللي راسلتهم الى الان ما طلبوا مني اي معادلة من اي مكتب بس على اللي سمعتوا انه اذا تقدم بدون معادلة من هالوكالات راح يكون هناك ظلم بالمعادلة وعدم احتساب ساعات كثير وانا بنفسي ابي اتاكد من هالشي اولا وبخصوص هالوكالات انا افضل لما ادرس الانجليزي هناك بالمعهد اعمل لي المعادلة من اكثر من مكتب وبالتالي ممكن ارسل لاكثر من جامعة واتاكد وبعدها اغير الجامعة

يا اخوان نصيحة حق اللي يبي يرسل للجامعات اوراقك كاملة ومضبوطة ومرتبة وجاهزة هذول الامريكان يحبون الترتيب بالعمل انت اتقن عملك عشان هما يتقنوا عملهم وتحصل معادلة كويسة وحقة وما يكون فيها اي ظلم او اجحاف بحق الطالب