حوار طلاب بعثات المدربين التقنيين .. دبلوم ـ تجارب ـ مشاكل ـ تنبية ـ مساعدة ..

الله يوفقك ويعطيك العافية

على هالبشارة بخصوص الإختبار

كندا:صعوبة الحصول على قبول بالنسبة لطلاب الماجستير والدكتوراة اما البكالوريس مدري ماسمعت عن صعوبة قبول وكذالك توجد بها مشاكل كثيره بالنسبه لاصدار الفيزا
امريكا :قريت كثير عن مشاكل تجديد الفيزا
نيوزيلندا: تكلم كثير عنها أخوي عبيد

أ

السلاام عليكم ورحمة الله وبركاته

الله يسمع منكم ويكوون ما فيه اختباار ويووفق الجميع اللهم ــ آمين

وبخصووص الدوول انا بحثت مع الشيخ قووقل وما قصر معي << لحيتن غاانمه

من جميع نواحي الايجابيات والسلبيات للدول وكذلك استشارات اشخاص عندهم خبر


وفضلت نيوزلندا في الأول ــ وما قصروا اخواني اللي سبقووني في ايجابياتها وسلبياتها
والاختيار الثاني كن بريطانيا والثالث كنداا

وياليت اخواني وخواتي باللي عنده معلومه قيمة عن الدول يفيدنا فيها

وانشاء الله نفيد ونستفيد جميعاً ـــ تحياااتي

على حد علمي

أن بريطانيا فيها عيوب كثيرة منها

غلاء المعيشة وأيضاً شعب غير محترم ومعاملته تعبانه

وانا حطيت بالأولووية عندي نيوزلنداا
وكاانت هي الأنسب الا في شي وااحد وقاعد استفسرمنه

هل جامعااتها معتمدة من قبل شركة ارامكو

ياليت اللي عنده معلوومة يفيدني

انا توني راجع من امريكا من ثلاث اسابيع .. والصيف قبل الماضي كنت بـ كندا .. كلها كانت دورات انقلش .. امريكا قعدت فيها 4 شهور وكندا قعدت فيها 3 شهور وشوي ..

انا اخترت ..
1. أمريكا (بلد الكفاااار خخخ) .. اهلي ما ودهم اني اختار امريكا لكن ما اخترتها الا عشان معادلة الساعات لأن تخصصي في كلية ينبع الصناعية معترف من هناك .. انا سافرت مع صديق لي تخرجنا سوا وطلعنا على امريكا سوا هو قدم على جامعة هناك وتم معادلة جمييييع ساعاته بما فيها ثلاث مواد تمت دراستها بالعربي وهي الثقافة الاسلامية والتربية البدنية ومادة اخرى ..
وبالنسبة للفيزا .. انا ماكلمت حتى مكتب عشان يجيبلي الفيزا .. دخلت على موقع السفارة واتبعت التعليمات والشباب في مبتعث ماقصروا .. وكلها اسبوعين والفيزا عندي .. خمس سنوات

يعيب امريكا انهم ما يلعبون كرة قدم .. يلعبون سله وبيس بول والكورة حقهم (دعابة دعابة )

2. كندا .. انا لمن سافرت كندا رحت على فانكوفر .. بصراحة ما اقدر اقول الا كما قال الشاعر
ما كنت أؤمن بالبلاد وسحرها *** حتى دهتني في الهوى فانكوفر .. (طبعا البيت محررف)
ولا تنسو انها حاصلة على افضل مدينة في العالم من ناحية المعيشة لعدة سنوات .. (بالمناسبة لندن اخذت الأسؤ في اروبا على حد علمي)
ومن ناحية الدراسة كندا بصفة عامة معايير الدراسة فيها جيييدة .. فقد حصلت تورونتو على افضل مدينة دراسية في العالم من ناحية توفير جيمع ما يحتاجه الطالب (هذه المعلومة قرأتها في مكان ما .. عشان كذا لا حد يدقر عليها خخخ)
بالنسبة للفيزا انا كلمت مكتب يجيبلي الفيزا .. ونسيت الموضوع اصلا .. وكلها شهر ونص تقريبا يدق علي راعي المكتب يقولي فيزتك عندنا (طبعا شهر ونص مدة تعتبر طويلة .. لكن راعي المكتب قالي ان في كثير قدمو بعدي وجاتهم الفيزا قبلي .. بس انا فيني مشكله خخخخ) .. ومن ناحية قبول الجامعات .. المؤسسة هي اللي بتجيب القبولات .. يعني بطيخ صيفي
بالنسبة لي اسؤا ما يعيب كندا هو بردها الغير طبيعي .. لهذا اظن بالنسبة لي ان فانكوفر هي المدينة الوحيدة اللي راح اقبل بها في كندا .. لأنها رغم بردها الا انها الأهون .. يعني اخف برد يكون في فانكوفر

3. اظن استراليا (مااسرع مانسيت) .. مدري ليش اخترتها .. لكن بصفة عامة اللغة الانجليزية نوعان .. انجليزي امريكي (وهذا هو النوع الوحيد اللي يجي معاي .. لأنه هو النوع الوحيد اللي انا متعود عليه منذ صغري .. ولا تنسو اذا كنتو من النوع اللي يتفرج افلام ترى الانجليزي اللي في الأفلام انجليزي امريكي .. وهذا ماتحصله الا في امريكا وكندا)
النوع الثاني انجليزي بريطاني .. (بالنسبة لي .. هذا ما يجي معاي مررررة .. ولمن اسمع احد يتكلم اجد صعوبة بالغة في الفهم واحيانا احس انه لغة غير الانجليزية .. طبعا انا ماني متعود عليها لكن اذا تعودت يمكن تسهل الأمور) طبعا هذي وجهة نظر شخصية بحته .. يعني لاحد يفقعني




اعرف اني طولت عليكم وفي النهاية اتمنى لكم التوفيق وين ما تروحون .. وتراها مادام انكم طلعتو من السعودية فان التعليم في كل مكان راح يكون افضل بمرااااااحل ... يعني لو كانت نيوزلندا افضل من استراليا وانا رحت استراليا .. يضل خير وخير كثييير مقارنة بما كنت انا فيه .. عشان كذا احمدو ربكم على كل حال .. والواحد مايدري وين الخير له ..

وش فيكم مدقرين عند الدول خلاااااااص انتهى امرها

mac boy

يعطيك العافية على هذي المعلومات القيمة

وفعلاً كلامك عن كندا

بردها قااااااااااااااااااااااااااارص ( قوية قارص )

وبالأخص هالفاكس بردها موت