حوار طلاب بعثات المدربين التقنيين .. دبلوم ـ تجارب ـ مشاكل ـ تنبية ـ مساعدة ..

شباب تكفون ساعدوني

أنا الصراحة


(( شبه ميح بالإنجليزي ))

ومقابلتي يوم الأربعاء


وخايف يستبعدوني من البعثة بسبب اللغة


تكفون ساعدوني الله يوفقكم دنيا وآخره


علموني وش السواة

((( و دعواتكم لي تكفوووووووون )))

صاحي انت ؟

والله ماعندك احد يا نادر , اساسا ً انا قام يسألني وش اسمك ؟ كم عمرك ؟

بس لاني الحمدلله امشي اموري بالانجليزي فـ صرت اتكلم براحتي , وبعدين يا عزيزي احنا مسافرين نتعلم

وندرس لغة لمدة سنه , يعني فيه ناس ما يعرفون الا yes و no

لا تكبر الموضوع , امورك زينه ان شاء الله انت والباقين كلهم , وقلتلك والله على ذمة الرجال اننا كلنا مقبولين

واتوقع هالاختبار على اساس يعرفون اي مستوى بنكون بالانجليزي لاني مثل ما قلت قبل اننا بندرس شهر بأكاديمية

الجزيرة العالمية , واللي كانوا ماسكين الاختبار اليوم كانوا كلهم تبع الاكاديميه لاني اعرفهم اغلبهم المصاريه اللي كانوا موجودين , الدعوه تحديد مستوى , وسع صدرك ولا ترتبك وجاوب اللي تعرفه ولا تشيل هم ابد , وانا على فكره ما جاني تعبير ولا اي شئ , اللهم قالي البريطاني بالمقابله الثانيه اكتب 3 جمل عن نفسك بس ,

ربي يوفقك انت والجميع ان شاء الله

لا والله أكذب عليك لو قلتلك مني شايل هم


إلا والله مهتم وخايف

تكفون أدعولي

ياخي مدري ليش كل ماسمعت كلامك

أحس أني ودي أجي وأمطخك على راسك ( أمطخ راسك تعني بالقصيمي أقبل رأسك )

ياخي كلامك يوسع الصدر

ولكن إذا قمت أتخيل المقابلة وأتخيل أنه قاعد يسألني ويقولي تحدث عن نفسك بالإنجليزي أحس إني بصير درج عنده

مير ما أقول إلا يالله إني داخل عليك

يارب توفقني وأخواني الشباب

يالله ياكريم

هههههههههه فديتك والله

طيب بقولك شئ , والله ما الومك , انا الحمدلله بالانجليزي تمام واحسن من العربي , بس برضوا كنت ارجف

حتى بالعربي جلس يسألني وارجف صراحة , يوم مسكت الانجليزي ارتحت , فـ ما الومك والله

بس انت ربتها حبه حبه , زي ما تتكلم عن نفسك بالعربي تكلم بالانجليزي , وخليها بسيطه جدا ,,

اسمي فلان , عمري كذا , انولدت بالمكان الفلاني , تخرجت من كلية كذا عام كذا , تخصصي كذا , اعزب او متزوج , وبعدها قول وش تحب من هوايات سواء كوره او سباحة او اي خرابيط ياشيخ , واسكت خلاص لانك تقريبا تقول الاساسيات وخلاص , بعدين صدقني والله اقولك فيه واحد كان جنبي يمينا بالله ما ادري شلون هذا انقبل ,

استغفر الله ياربي , مع احترامي والله بس جد جد ما ادري شلون انقبل , العربي وحبه حبه عليه , كيف الانجليزي ؟؟

ومن النوع اللي فيه فهاوه طول الوقت , والله مالها داعي جالس احش خخخخخخخخخخ استغفر الله يارب


, المهم وسع صدرك زي ما قلتلك ومافي شئ , رتب امورك وقلتلك ان شاء الله كلنا رايحين , واذا تبغى مساعده انا تحت امرك حبيبي

وترجمتها:
My name is Nader

أنا عمري 24
وترجمتها:
I am 24

أنا أعزب
وترجمتها:
I am single

هوايتي هي السباحة
وترجمتها
My hobby is swimming

اخوي نادر الله يرحم والديك ويرضى عليك
احفظ لك كم جملة وركز على اللي تعبر عن شخصيتك
وترى مانيب جورج بايدن ولا اديسون فيكتور تراني مثلك حالي حالك
لاتشيل هم هذا حنا كلنا كذا يادوب نسولف كلمتين نخارج حالنا فيهم لان هذا اللي تعلمناه

فيه كتاب side by side انصحك فيه رهيب وسهل
ومو محتاجه السالفة
كون لك كم جملة واحفظها نطقا وكتابة
ربي يوفقنا جميعا