حوار طلاب بعثات المدربين التقنيين .. دبلوم ـ تجارب ـ مشاكل ـ تنبية ـ مساعدة ..

شباب ابسألكم كم سؤال اذا ما عليكم أمر.
هل اللي انقبل مبدئي يعتبر مقبول نهائيا ؟
طبعا انا ولله الحمد اقبلوني مبدئيا وانا سمعت من شباب يعرفوا ناس بيشتغلو في المؤسسة ان المقبول مبدئيا يعتبر مقبول نهائي بس المقابلة والاختبار تحديد مستوى.
الله يرحم والديكم ردوا علي؟
والسؤال الثاني؟
إذا قبلوني نهائيا ان شاء الله هل من الممكن اغير التخصص تبعي . انا دارس دعم فني وابي اغيره شبكات يعني في نفس قسم الحاسب الآلي بس التخصص اغيره من دعم فني الى شبكات. يمديني ولا مايمديني ؟

ردوا علي يالربع انا موعدي بكرة

السلام عليكم ورحمة الله وبركاته
أخوي AboOoOD
انا انقبلت وبكرا اختباري ان شاء الله ويوم الاحدبالليل قاعد بالدوام بشركة
وتفاجئت بأحد مدرسين التقنية اللي درسوني وقعدنا نسولف وقالي بشر قبلوك
وقلتله بس قلتله اني خايف ما اقبل نهائي قال تطمن كل اللي انقبلوا مقبولين نهائي
والله اعلم قلتله فيه فرز قال انا سألت واضمنلك 90% أنه ما فيه قرز والله أعلم
وعلى العموم الله يكتب اللي فيه الخير..

والسؤال الثاني ما ادري اخوي AbOoOoD
ما اقدر افيدك ما سألته..

السلام عليكم

مقابلتي اليوم كانت ابداع *ابداع

بالنسبه لنا حنا البنات كانت مقابلتنا على ثلاث اجزاء (اختبار تحديد المستوى_اختبار شفهي انجليزي لتحديد المستوى_المقابلة الشخصية الرئيسية بالعربي والانجليزي ايضاَ)

اختبار تحديد المستوى

عبارة عن 100 سؤال
من 1 الى 10 استماع <<انتبهوا أول ماراح تبدون السؤال ماراح يبدأ يتكلم في هالوقت انتوا اقروا السؤال وبعدها استمع وجاوب
من 11 الى 90 قواعد
من 91 الى 100 قراءة قطعه وتجاوب من خلالها
*الاختبار كان سهل الى حد ما بس مدري وش فيني جبت فيه 76 <<الحمدالله انه بس تحديد مستوى

بعدها توجهنا الى قاعه واعطونا ورقة وقلم وقالوا اكتبي اهدافك في الحياة بالانجليزي<< هاذي بدعت فيها

اختبار شفهي انجليزي لتحديد المستوى

تتوجهين لقاعه فيها بريطانية ومعها فلبينية ويكون موجود عندهم نتيجة اختبارك والتعبير اللي انتي كتبتيه ويبدون يسئلونك طبعاَ اذا كنتي شاطره بالانجليزي بيطولون معك واذا كنتي يعني راح تخلصين منهم بسرعه
اسئلتهم لي كالتالي:
تحدثي عن نفسك؟
راح تسافرين لوحدك؟
كم عدد اخواتك ؟
ماذا يعمل والدك ؟
من وين اكتسبتي اللغه ؟
أنتي عارفه نظرة المجتمع الغربي للسعودية !اذن كيف راح تتعاملين ؟
وش راح تكتسبين من الدراسه بالخارج؟
ليه تبغين تدرسين في الخارج مو في السعودية << هينا عصبت عليها قلت لها ليه فيه عندنا جامعات داخليه نقدر نكمل فيها قالت لي خلاص انا ابفتح لكم وابجيب لكم مدرسات من كل دول العالم >>أنا على طول لصقت فيها وقلت لها ابقدر لك هذا الشيء اذا سويتيه
وش أهداف برنامج الأبتعاث؟

كل هالاسئله من الفلبينيه والبريطانيه بس جالسه تراقبني وكلما قلت كلمه قالت wow والفلبينه بس تبي تحطم فيني
لكن بالنهاية أستغربت منها قالت لي "أعتقد أنك راح تمثلين دولتك بأفضل صورة "

ودعتهم بابتسامة وسلام حار <<سويت معهم صداقه لدرجه يوم جاء نهاية الدوام كنت عند البوابة سلموا علي
المقابلة الشخصية الرئيسية بالعربي والانجليزي ايضاَ

للمقابلة الشخصيه مكونه من (العميدة _مدربة انجليزي سعوديه_مدربة من نفس تخصصي)
أول مادخلت سلمت
وعلى طول العميده قالت لي وجهك مو غريب علي قلت لها اي من كثر الترزز في النشاطات
قالت اها يعني لك مساهمات خلال دراستك يلا تكلمي لي عنها؟
تكلمي عن نفسك اكثر ؟
وش اهدافك من الالتحاق بالبعثه ؟من ضمن اهدافي قلت لها ابغى اكون مدربه في المعهد
برايك راح تكوني مدربه ناجحه؟<< أنا بكل ثقه ايه
طيب وش دراك انك بتكوني ناجحه ؟
وش اعظم الأنجازات اللي حققتيها خلال فترة دراستك؟
كم معدلك بالثانويه؟
دام معدلك كذا ليه دخلتي المعهد ومارحتي تخصصي قوي باحدى الجامعات<<هينا عاد كنت في قمة الصراحه قلت لها لايغرك معدلي انه مرتفع بصراحه مافيه مكان قبلني غير معهدكم الموقر وماكنت حابه ادرس فيه بس الان صرت انصح صديقاتي بالاتحاق فيه
وش اللي خلاك تحبين الدراسه بالمعهد؟
شافت من ضمن شهادات الدورات شهادة خبره للعمل خلال الفتره الصيفيه بمستشفى الحرس كـ سكرتيرة؟؟ قالت ليه ليه رضيتي تتشغلين صيفي بغير تخصكك ؟؟

ونفس الشيء ودعتهم بابتسامة وسلام

قبل ماروح المقابله حطيت في بالي اني راح اخليها سوالف معهم وهذا اللي صار
نصيحتي للكل فقط خليكم على ثقه عاليه بانفسكم
كثير من البنات اللي سوا المقابله اسئلوهم اسئله بعيده عن التخصص مثل معلومات بالجغرافيا واخبار عالمية؟؟لية ؟؟
لاني حصلت اغلبهم ماتعبر عن نفسها بالكشل الكافي فتترك فرصه لهم يسئلونها اسئله بعيده
فخليكم حريصين ولاتعطوهم مجال يبعدوا فيكم

^^^^
^^^^

ماشاء الله بآخر لحظة

يالمرأة المختلفة

حركات يا ديفرنت , انا احرجوني بالمقابلة من قلبببببب ,

موفقه ان شاء الله , عا قالوا ان شاء الله انك راح تمثل بلدك وتكون خير سفير للبلد ,

قلنا ايه يصير خير ههههههاي



بالتوفيق ان شاء الله , على قد ان الوضع كان يخوف بس تحسين فيه متعه برضوا

واذا عالاختبار انا برضوا حسيته سهل بس مدري وش صار وجبت فوق الـ 80, الظاهر انخدعنا بكم سؤال

الحمدلله على كل حال ,

ودي من أول ماخلصت المقابلة كتبت التقرير
بس الظروف كانت ضدي
بصراحه انا استمتعت معهم كثير لدرجه اني نسيت اني بمقابلة
والاختبار فعلاَ سهل بس انا كنت ابغى اخصل بسرعه و اروح اسوي المقابلة <<مستعجلة على السوالف