حوار طلاب بعثات المدربين التقنيين .. دبلوم ـ تجارب ـ مشاكل ـ تنبية ـ مساعدة ..
حوار طلاب بعثات المدربين التقنيين .. دبلوم ـ تجارب ـ مشاكل ـ تنبية ـ مساعدة ..
تنبيه: هذا الموضوع قديم. تم طرحه قبل 5378 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "يعطيك العافية
وياررب تتسهل امورك مع الأدلة الجنائية
- الادلة الجنائية قريبه مره من الشميسي , والملك فهد ,7 "
رحت لها قبل كم شهر وسويت بصمه ,, بس بالضبط ناسي مكانها ,
عموما ان شاء الله اني بروح السبت
الله يوفق الجميع
لا تنسون الصوره الشخصية - يا ناااااس ترى قالي الملازم تبيها في ثواني انا اخلصا بس جب لي تختيم من وزارة الخارجية قلت لة متأكد قالي تأخذ منك ساعة ولا تزيد عنها وش اسبوع والله كثيرة ,.7 "
- 7 "اخوي وين سويتهاابشركم الحمد لله سويت الفحص الطبي وطبعا كلهن عند دكتور واحد خخخخخخخخخخخخخخخخ حتى ختم مدير المستشفى معه لا اشاعه ولا تصوير ولا هم يحزنون الحمد لله طبعا بدون واسطه اتوقع ان المستشفيات كلها كذا
والادله الجنائيه سويت البصمات والحمد لله والنتيجه يوم السبت تطلع طبعا لازم صوره على ماقال اخوي وبعدين يعني الله يجزاه خير ولا كانو رجعوني وطبعا صوره بطاقه الاحول
ننتظر النتيجه النهائيه ان شاء الله مقبولين كلنا يارب
علمنا خويي راح لمستشفى الملك سعود للامراض الصدرية وخلص اموره واخذوا منه 550ريال - 7 "سويتها في مستشفى حائل العاماخوي وين سويتها
علمنا خويي راح لمستشفى الملك سعود للامراض الصدرية وخلص اموره واخذوا منه 550ريال - 7 "مين اللي قالك اخوي انه باسبوع ماتاخذ يوم عندهميا ناااااس ترى قالي الملازم تبيها في ثواني انا اخلصا بس جب لي تختيم من وزارة الخارجية قلت لة متأكد قالي تأخذ منك ساعة ولا تزيد عنها وش اسبوع والله كثيرة ,.
المصدر: http://www.mbt3th.us/vb/forum13/thread166424-93.html#ixzz0l6DIzQU8
حفاظاً على حقوق الكاتب نرجو عدم حذف المصدر مبتعث
انا جيتهم اليوم الاربعاء اخر الدوام وسويتها وقالي تعال يوم السبت وخذها لاننا خلاص بنقفل - 7 "
اليوم وانا خارج بعد مااخذت اوراق الفحص والجنائيه
قلتله متى تطلع النتائج قالي خلال هالاسبوعين
وتابع الموقع
والله شكل الشغله مطووووووله - 7 "بسم الله الرحمن الرحيم
أصبحنا وأصبح الملك لله
الساعة الآن 6:00 صباحاً
قمت وغسلت ولبست وتوكلت على الله بإتجاه كلية الأتصالات
المهم أنا سويت فيها ذكي وقلت خلني أوقف سيارتي بعيد عن الكلية عشان أبعد عن الزحمة ومنها رياضة مشي على الصباح
وقفت سيارتي عند المحلات الي شرق الكلية ودقيتها رجليه الحين الساعة 6:35 صباحاً
وأنا أمشي بجنب سور الكلية أدور على مدخل ومن زود الذهانه رحت لآخر مدخل لأني قريت عنده لوحة عليها اسم البرنامج قبل أصفط سيارتي
المهم دخلت أدربي راسي ادور مبنى رقم 15 وأنا رايح جاي بين هالمباني ولا لقيت مبنى 15
المهم والقالي هاك الرجال ابن الحلال وقلتله وين مبنى 15 قالي هذا الي جنبك
طبعا هذا المبنى قد مريت من عنده ولا دريت أنه هو
طبعاً فيه لوحات إرشادية
لكن شرهتك عن الي درا عنها وإلا قراها إلا عقب
المهم دخلت القاعة تقريباً الساعة 7:10 صباحاً ( أكيد صباحاً أجل عصراً )هههههه ولكن شوفو المشي وشلون
جلست بالقاعة وانتظرت لين جوا الشباب الي ياخذون الأوراق وبدأوا يصوتون بالأسامي ويوم قال اسمي وانا اروح لمه
وقالي : وش عندك اشوفك تمتر الكلية رايح جاي من فجر الله ؟ ( صار جالس يشوفني أكرف رايح جاي وشكله قال خله عشان يخس )
قلت : خلها على ربك والله ضيعت لكن الحمد لله تيسرت الأمور .
المهم أخذوا الملف وانتظرنا لين قالوا لنا اتبعوا هالرجال
وطلعنا معه فوق و انتظرنا بالقاعة
بعدين نادوا على اسمي وقمت وصار نصيبي في لجنة رقم 8 ( بصراحة لجنة على كيف كيفك )
سلمت وجلست وقرأ أسمي وطلع واحد منهم يعرف ولد عمي الي يدرس بالكلية وقعد يسألني عنه ( قلت بنفسي تمام هذي بشارة خير إن شاء الله )
قالي تكلم عن نفسك
قلت ابشر واقعد اهذ عليهم معلقتي الي جالس ارددها طول الطريق من القصيم لين دخلت الرياض
قالي ماشاء الله حلو
بعدين قالي انت متخرج من عام 1429 وش سويت من يوم تخرجت لين الحين ؟
قلت الصراحة اشتغلت واخذت خبرة كويسة عن سوق العمل
قالي وش الأشياء الي كسبتها من سوق العمل ؟
وقعدت اعدد عليه
وبعدين قال وش ابرز المشاكل الي واجهتها بالموقع ؟
وسردت عليه قصة حياتي العملية وأبرز المعارك << أقصد أبرز المشاكل
بعدين عطاني نظرة وقالي بسألك سؤال وجاوبني قلت سم
قال كيفك مع الإنجليزي ؟
قلت الصراحة دمار
وجلسوا يضحكون
قالي عموماً هي مالها دخل بالتقييم عندي ولكن تبيني اسألك قلت اسأل
وقام يسأل سؤال طويل مادري وش يقول
قلت اصبراصبر بس قضينا مدري وش تقول يوم فقع ضحك خويه الثاني
قال ولا يهمك
وبعدين أخذنا دردشة طويلة شوي ( الصراحه فله انبسطت معهم )
وقالي الثاني أنا عندي هاللغز وأبيك تحله
قلت سم ( مع إني ما أحب الألغاز )
قالي وأسمعوا هذا اللغز تراه موجه لكم بعد يقولون الي يحله يضمن مقعده بالبعثة << ( أمزح )
يقول اللغز:
أنت سافرت لبلد ومن يوم أنك صغير وأنت تسمع أنه فيه عم لك وأنت ما عمرك شفته بحياتك
وبعدين وانت ماشي بالشارع صدفه لقيت ذالك الرجال وقلت هذا عمي وطلع صحيح كيف عرفت ؟
يلا يا شطار ... حلوا اللغز ...
( أنتبهوا ترا فيه لغز ثاني بآخر التقرير هذا للأذكياء فقط )
المهم انا حليت اللغز وبعدين قالولي انت ماشاء الله عليك معلوماتك كويسة وشكلك مطلع والحديث معك شيق ولكن ماودنا نعطل زملائك الي برا يلا تفضل
( عاد أنا دورني ماتلقاني والله ياكشرتي انفتحت 6 بوصه من هالكلام الزين)
وقلت لهم طيب الحين أنا بسألكم
قالولي تفضل
قلت : هل صحيح أنكم بتصفون من الطلاب ؟
قال : يابن الحلال الحين مصفينكم من 3000 وشوي لين 600 وشوي وتبغا يصفون بعد ؟
لا ماراح يصفون ولا شي والله يوفقكم
قلت آمين الله يجزاكم خير ويعطيكم العافية على طيب المعاملة وسلام عليكم
طبعاً استمرت المقابلة تقريباً 20 دقيقه
المهم طلعنا وانتظرنا لين قالولنا يلا على إختبار تحديد المستوى
أهاااااا هو قالها الله لا يوريكم بديت أتنافظ من كل مكان المهم قال لواحد من الشباب خذهم لقاعة الإختبار عاد تدرون والله وش ذكرني فيه منظرنا وحنا رايحين للقاعة ؟
( ذكرني بالضحايا بعيد الضحية متجمعات وكل شوي ياخذون وحده ويذكونها هههههههههههه )
المهم دخلنا قاعة الإختبار وجلست على جهازي وقام المصري يشرح عن كيفية الإختبار طبعاً مثل ما قالوا الشباب يعطيهم العافية
وبدأنا الإختبار ...
طبعاً أنا أخذت بنصايح الشباب ( حط السماعة بأذنك على طول ويمديك تقرأ السؤال قبل لا يتكلم وركز بالأسئلة ووو ... يعطيهم العافية )
المهم أول ما بديت أتهجأ السؤال إلا وقام يقرأ السؤال والمشكلة مدري ليش حسيت أنه يلعب علي ويقرأ سؤال ثاني لأني مالقيت ولا كلمة من الي يقولها في السؤال الي عندي
عشان كذا جتني حوله بالسمع ( أدري أنه جديده بالعاده حوله بالبصر )
صرت ماأدري أصدق عيوني وأقرأ السؤال الي يبيلي خمس سنوات ونص عشان أتهجأه وإلا أصدق النصاب الي قاعد يهرج بأذني ؟
ومن ثاني سؤال قلت أقول هذا بيقعد يسولف علي هو وأخته ويتوهوني ويضيعون على الإختبار والله وأجيك وأجدع السماعة على جنب وأكمل باقي ال8 أسئلة قراأة مسوي ثقة بالنفس ههههه
المهم وأنا أحل وأتهجأ الأسئلة والأجوبه وعاصر راسي إلا وأناظر الوقت إلا الرجال داعس طلبونه وبالأخير لاحظت أنه ولا سؤال من الي عصرت راسي عليه أصلاً فهمته عشان أعرف جوابه
فقلت الحل هو أني أشغل ( حقرا بقرا ) أو ( شختك بختك ) إختصاراً للوقت عشان يمديني أكمل الأسئلة كلها
فيوم وصلت للقطعة وأنا أفتح القطعة وهات اصبعين اصبع على أكبر كلمة بالسؤال أو الي أحس أنها غريبه والأصبع الثاني يدور بالقطعه ومع كل هذا الجهد للأسف مالقيت ولا جواب
الصراحه تحطمت مدري العيب فيني أني كمخه بالأنجليزي أو هم لاعبين علي وحايسين الأختبار لأني حسيت أن القطعة مال أمه دخل بالأسئلة .
المهم عدت على خير وجلست أنتظر تطلع النتيجة
( لأني سمعت بعض الشباب الي يقول جبت 80 والي جاب 70 ) المهم ماطلعي نتيجة قلت أكيد قالوا هذا فلته ولا عندنا درجه أكبر من ال100 فخلوني بدون نتيجه هههههه واثق
المهم عدا على خير
جلست برا لين نادوا على اسمي للأختبار الشفهي بصراحه كنت خايف بالأول
لكن الحمد يوم دخلت صار حظي عند واحد مصري محترم أنا وواحد من مكة الله يوفقه
قالي وش اسمك ( بغيت أقوله مكتوب عندك بالورقة هههههه ) المهم جاوبت صح إن شاء الله
وقالي من وين أنت ؟
وكم عمرك ؟
وكيف جيت للرياض بسيارة أو في باص أو في طيارة ؟
وماهو تخصصك ؟
وبس
وكانت إجابتي عليها صح ولكن ترا لا تحسبونها شطارة مني
لأنه كان يسأل الرجال الي من مكة بالأول وبعدين يعيد علي نفس السؤال فمن جواب راعي مكه أعرف وش يبي ههههههه ( من له حيلة فل يحتال )
المهم قالي خذ اكتب خلف الورقة 4 هوايات يوم ضاعت علومي
أنا من يوم طلعت من القصيم وأنا جالس أردد وأكتب السباحة وكرة القدم الحين إبلش من وين أدبرله ثنتين ثانيات ؟؟؟!!!
المهم كتبت التالي:
1-swimming
2-football
عاد شوفوا الإختراع بالثالثه :
3-evry sports
طبعاً أقصد كل الرياضات
4-travele
طبعاً أقصد السفر ما أدري إذا صح أولأ
المهم قالي خلاص رح على مبنى 15
ورحت وأخذت ورقة الفحص والأدلة الجنائية
وطلعت من الكلية وهي حروة أذان الظهر
ختاماً هناك ملاحظتين:
1- تعامل الموظفين جداً رااااقي .
2- للأمانه أستفدت جداً من نصائح الأعضاء .
وعذراً على الإطالة
ولكن اللغز الأخير هو :
( كم مره قلت كلمة المهم في هذا التقرير ؟ هههههههه )
وأخيراً
أسئل الله العلي القدير
أن يوفقنا جميعاً وأن يرزقنا البعثة والقبول النهائي
إنه ولي ذلك والقادر عليه - ما شاء الله عليك يا نادر ابدعت تقولي طلع يعرف ولد عمك ^__^7 "
الله يوفقك ..
<< فيني ضحك من الحين :-#