تجمع طلاب نيوزلاندا (استفسارات وغيرة )

سلام عليكم
ياخي وش يحسون فيه هالمؤسسه
اتصل علي الزيلعي وقالي تعال عشان تستلم الفيزه وجوازك وترووووح للمؤسسه تاخذ امر الاركاب
طبعا انا ماصدقت خبر وعلى طول اركب السياره و 600 كيلو لين وصلت الرياض واخذت الفيزا الحمد لله
لكن المصيبه اني يوم رحت للمؤسسه عشان باقي الاجراءات قعدو يضحكون يقولون مين قالك انه اليوم حبيبي لا تجي لين تلقا اسمك ورحلتك بالموقع
طيب متى تنزل قالوا الله اعلم ممكن يوم الاربعاء او السبت
طبعا يقول الرحله على الصينيه وممكن يوم الخميس الثاني مو الجاي
الله يوفقنا يارب والجميع
اسف على الاطاله بس شي يقهر

السلام عليكم شباب
لو سمحتو انا بنيوزلندا ولا ادري وشلون اطلع الفيزا تكفون اللي عنده خبره يفيدنا
تحياتي لكم بالتوفيق

الله يعينك بس على فكرة المؤسسة مالها دخل الغلطان الزيلعي يتفلسف في شغلة ماله دخل فيها

حبيت أسألك؟

السؤال الأول:

انت بأي مدينة وبأي معهد ؟

والسؤال الثاني:

الفيزا مدتها سنة ولا 3 سنوات؟

انا بمدينه كرستتشرتش بمعهد cpit
والفيزا مدتها 3 سنوات
واذا كان جوازك باقيله سنه او ثنتين راح تكون على حسب جوازك

اتوقع اخوي هاذا الرابط يفيدك كثير ان شاء الله

http://www.mbt3th.us/vb/forum122/thread133335.html

اخوي انا رحتلة وعطاني بس الجواز ماعطاني لا فيزة ولاشي
وش السالفة

هههههههه اخوي رياض الفيزا تحصلها ان شاء الله باحد صفحات الجواز هي ستكر ملصق
دورها زين وتلقاها

يعطيك العافية

طيب معهد اللغة اللي راح تدرس فيه شارطين درجة في اختبار اللغة عشان يدخلوك المعهد تدرس التخصص مثال :

انا طالبين اجيب في اختبار الآي ال تي اس 6 عشان يقبلوني ادرس تخصصي

انا سألتك لان في شباب يقولوا اذا كان عنك قبول مشروط يعطوك الفيزا لمدة سنة وذا كان العكس يعطوك 3 سنوات

تحياتي