نصائح للمبتعثين بايرلندا خاصة واروبا عامة

يعطيك العافيه
بس كم المبلغ اللي تتوقع ان الواحد يحتاج ياخذه معه قبل لا يسافر

انا اتوقع 10000 كافيه ؟؟؟ ولا انت وش رايك

كم أحضر معي من المال حتى نزول المكافاة الاولى
سؤال دائما يتبادر الى ذهن المبتعث الجديد !!


من السعودية تدفع للعايله 660 يورو وهذا يعني 3630 للاقامه شهر واحد
بعد وصولك الى ايرلندا ،
قيمة التذكرة للباص 90 يورو لمدة 30 يوم ، واليوم اللي ما تستخدم فيه الباص ما يحسب عليك
وتطلع عليك 90 يورو = 495 ريال

العايله توفر لك فقط الفطور والعشاء .. وعليك الغدا
الغدا يكلف من 5 الى 10 يورو يومياً = اذن شهرياً = 150 الى 300 يورو

الانترنت احيانا يتم توفيره من العايله ،، او انت تشتريه بنفسك
لو شريته .. هنالك مودم تدفع فقط 25 يورو شهرياً == 140 ريال شهرياً

3630 + 495 + 140 = 4265 ريال فقط لمعيشتك ..
ومن باب الاحتياط أن تأتي كذلك بمثل هذا المبـــلغ .. للحاجة فقط ،

اذن 10000 هي مجرد اقتراح .. ونصف المبلغ سيكفيك ان شاء الله ،،

لأن المكافات ربما تتأخر من شهر الى شهر ونصف فقط ..

* للاستقبال بالمطار وتوصيلك الى عائلتك تكلف 35 - 50 يورو ... والتأمين الصحي يكلف 200 يورو .. والتأمين تعوضك عنه الملحقية لذلك احتفظ بالوصل

* لإستخراج الاقامة يجب توفير 1000 يورو في الحساب ، ولديك مهله من 3 الى 4 أشهر للذهاب الى مكتب الهجره
وقيمة الاقامه هي 150 يورو = 825 ريال


* لإستخراج بطاقة
Student travel card
لتخفيض تذكرة الباص الى 75 يورو بدلاً من 90 يورو ،
وكذلك بعض المطاعم والمحلات عليها تخفيض والسينما
قيمة هذه البطاقة هي 15 يورو = 82 ريال


* لمراسلة الملحقية بالبريد ، ربما أول شهر يكلفك 5 - 10 يورو
( المراسلة أكثر من مره )
التكلفة تصل الى 50 ريال للشهر الاول


* طباعة بعض الاوراق وشراء بعض المستلزمات خلال الشهر الاول
تكلف ربما 15 يورو = 82 ريال


* لشراء شريحة جوال وشحنها للشهر الاول ،، التكلفة تصل الى 70 يورو = 385 ريال

لذلك ذكرت لكم ، 10000 ريال ,,, لكي تكفيك ولا تحتاج الى عملية التحويل ..
ولو اسقطنا الاشياء الغير ضرورية ربما 6000 - 8000 ريال تكفي ان شاء الله
بكل بساطه الدولة تعطي الطالب 1804 يورو شهرياً ، وهذا يعني 9920 ريال !

الله يعطيك ألف عافيه وموضوع يستحق التثبيت بصراحه

هههههههههههههههههه عاد اللهم لاحسد احنا ببريطانيا جنبكم والمكافأه 1167 باوند وحاليا الباوند واليورو سوا

الله يعطيك العافيه
بالنسبه للجاكيتات اللي ذكرتها من يدلنا على محل بالرياض عنده جاكيت ضد الماء << حسب الخبره ما اتوقع لأن الصيف عندنا قرب والمحلات جابت اغراض الصيف والرياض صيف طوال السنه .

لا تنسون أن -تأخذو معكم مصحف قرأن
- خذ معاك مترجم اكتروني
- خذ معاك دفاتر واقلام توفير للجهد والمال
- خذ معاك بنادول او سولبادين للصداع
- لا تتعاطى اي نوع من الكحول قبل الرحله لأنو في ظغط ويؤثر عليك صحياً
- وايضاً خافض للحراره لأن لا قدر الله ممكن يحصل عندك تغيير جو وزكمه وصخونه وماشابهها
- لا تنسى ان تتوجه للسفاره وقت وصولك لتسجيل كافة بياناتك
ويالله ياشباب اذكرو كل المعلومات اللي ما ذكرناها لان الواحد قد ينسى وانت تذكره


مشكور ياراعي الموضوع وجزاك الله خير

ايوه نسيت شغله ياشباب
برنامج الويندوز حاولو تثبتو نسخه اصليه والبرامج ايضاً تكون اصليه عشان ماتتعرضون لأي مشكله في المطار واذا وصلتم لذيك الديره حملوا البرامج اللي تبونها .
احذف من جهازك كل شي يسيء اليك .او اي شيء يتعلق بأي نوع من انواع الارهاب مقاطع قد تراها انت عاديه ولكنها عندهم غير عاديه ايضاً المقاطع .................( ياحبكم للشرح في هالنقطه ) هههههههههههههههه لا تأخر نفسك بأشياء مالها داعي
وسلامتكم واذا تذكرت شي بذكره لكم