حوار تجمع طلاب المرحلة الثانية من برنامج الابتعاث الخارجي لأعداد المدربين التقنين

اخوي .. بالنسبة للتقديم للابتعاث من خلال ابتعاث المؤسسة العامة ..
فهو خاص بخريجين الكليات التقنية وكليتي الجبيل وينبع الصناعية فقط .. للاسف ..

اما بخصوص التقديم للابتعاث من خلال ابتعاث وزارة التعليم العالي ..
فهي مافيها ابتعاث للدبلوم .. تقدر تبتعث منها للبكالوريوس بشهادة الثانوي وتكون دراستك في مجال الطب فقط ..
ويجب ان تنطبق عليك هذي الشروط ..
مرحلة البكالوريوس (يقتصر التقديم على التخصصات الطبية فقط): 1. ألا تقل نسبة الثانوية العامة عن 90% في قسم (العلوم الطبيعية أو ما يعادلها).
2. أداء اختبار القدرات العامة على ألا تقل الدرجة عن 70%.
3. أداء الاختبار التحصيلي ، على ألا تقل الدرجة عن 75%.
4. ألا يكون قد مضى على حصوله على شهادة الثانوية العامة أكثر من 3 سنوات .

السلام عليكم,,
الموضوع جدا رائع حلو كدا نكون قلوبنا على بعض و نساعد بعض و نعرف مشاكل بعض

الأسم / أحمد
القسم/ الكهرباء و الالكترونيات
التخصص/ تقنية الالات الدقيقة
سنة التخرج/ 1431 شهر 7 ^_^
الشهادة/ جامعية متوسطة Accociated Degree
المعدل التراكمي/ 3.01 من 4
كلية ينبع الصناعية

لغتي ولله الحمد طيبة لإنو دراستنا كلها بالانجليزي و عندي خطاب من الادارة مكتوب " الى من يهمه الامر نوضح ان الكلية تدرس جميع الكورسات باللغة الانجليزية ما عدا الثقافة الاسلامية .............إلخ " << زي في الكتب XO

فهل تعتقدو انو دا الخطاب يغطي هادي الدورة المكثفة لو كانت اصلا ملزومة علينا حسب ما ذكرتو ؟

و بالنسبة لدولة الابتعاث اتمنى اني اطلع اليابان و الحمد لله حافظ حروف الكانا بس ما ادري فيه احد طلع قبل كدا ولا المعدل ممكن ما يسمح,,

بالتوفيق للجميع و كتب الله لنا الابتعاث,, آمين

الله يبشرك بالخير اختي احلى ملاك بس انا شايف مو احسن استنى القبول المبدئي من المؤسسة و بعد كدا اراسل الجامعة اللي انا ابغاها؟

لإنو صعبة اجيب القبول من الجامعة و التسجيل لسة ما بدأ ,, و زي ما انا شايف انو الين دحين محد رد عليا من الاخوان ادا كان في احد ابتعث لليابان عن طريق المؤسسة؟

والله حالة و يعشمو الطلاب و أي دول من هادي

دول الابتعاث
الولايات المتحدة الأمريكية, بريطانيا, أيرلندا, أستراليا, كندا, نيوزيلندا, ألمانيا, النمسا , فرنسا, سويسرا, السويد, هولندا, فنلندا, النرويج, اليابان, الصين, تايوان, كوريا, ماليزيا, سنغافورة, الهند
https://serv.tvtc.gov.sa/students/Sc...t/Default.aspx
ماهي مشكلة انشاء الله نجيبها

بس على قولك أختي انو أهم شي 3 سنين مع اللغة

و اليابان دراسة اللغة سنتين و مدة البكالوريوس سنتين دي سارت أربع سنين

و يقولو 3 سنين من جد ما سرت اعرف ايش اسوي؟؟؟

ياهلا اخوي احمد ..
تشرفت بمعرفتك والله ..
والله يكتب لنا مافيه الخير ..
وبالنسبة لمعدلي انا 4.86 ولله الحمد ..

اخوي سفير ينبع ..
على حسب علمس في ناس في ايرلندا على ما اتوقع
لما جاء وقت تسجيلهم بالمعاهد حق اللغة ..
اشترطوا المعاهد على المؤسسة ان تكون مدة اللغة سنة ونص + مدة دراسة التخصص سنتين
يعني المجموع 3 سنوات ونص ..
والمؤسسة وافقت .. لان هذي الخطة المناسبة لهم بالمعهد ..

وان شاء الله يكون هناك تمديد اكثر لمدة البعثه ..

لاني والله ما ادري لو سمح الله واحد حمل مادة ولا ثنتين هناك ..
وتاخر سمستر زياده بس كيف بيكون الوضع ..
يلغون بعثته على طول ؟..!!

الله يسلمك اخوي محمد العاني و اتشرف بمعرفتك ,,

بالنسبة لتمديد البعثة لا بد انهم يمددو لإنو هادي برضو الخطة المناسبة لمعهد اللغة في اليابان

اما بموضوع انهم يلغو البعثة ما ادري نسأل مين فيها ؟

عالعموم انا راسلت المؤسسة و الين دحين ما وصلني رد......

الله يوفق الجميع

وبصراحه استفدت من الموضوع كتير ..

رربي لا يحرمنا منكم ^_^

وان شاء الله كلنا مبتعثين باذن الله ..

لكن استفسار بسيط .. يطلبون الشهادة الثانوية .؟! هع

<< اخوانا في الله الكلية ضيعت شهدتنا .. والمدرسه مقفله هالحين ..

وانا خريج الكلية والوثائق معي بس تاكيد يعني ^_^..

<< احس ما عندي سالفه ..!!

سلملم