حوار تجمع طلاب المرحلة الثانية من برنامج الابتعاث الخارجي لأعداد المدربين التقنين

اي والله طلع صدق انك صادق

لا اللغه لازم في المرحلة الثالثة
بس انت لحقتها من المرحلة الثانية
يعني عااااااااادي
كلنا زيك ترا

ياهلا وغلا نورت يابعدي
الله يبارك فيك ويخليك ..
ومبروك لك يا بعدي .. وعقبال قرار الابتعاث ان شاء الله .. ^_^
لا يابعدي لا تكذر خاطرك ببرنامج اللغة ولا شي ..
لانه ماله دخل بالمرحلة الثانية الي انقبلت فيهآ انت .. هههه
هذا للمرحلة الثالثة المرحلة الجاية
ومبروك مره ثانية يا بعدي .. وخلاص الحين بيك كل يوم هنآ .. ^_^
تشاركنا وتسولف معنا .. مانبغى ترجع مثل الزائر هههه
ومبروك مره ثانية لك ..

محمد والله انك عسل وطيب
الله يفرحك بالقبول النهائي وانا كمان والجميع باذن الله

هلا بك زود ياقلبي ..
الخبر نازل من زمان؟ اممم ممكن مبتعث زايدين الكوكيز لاني جالس بعيد عن الجهاز وتأخرت عن الرد لأني كنت أقرأ الردود ياخوي هههههههه
ربي يبارك بعمرك وإنت والله فرحتني اتوقع أكثر واحد يسجل دخول لموقع المؤسسة كان إنت المفروض يعطوك جائزة على الإهتمام هذا > مالك أمل من المؤسسة تحصل شيء هههههه
لا أنا ياخُوي [ الكلية التقنية بالدمام ]
أنا بعَد ياخوي والحمدلله على كٌل حال .. < إن شاء الله ثنينا بنفس الدولة ونفس الجامعه والمعهد كمان
أنا اللي مستغرب منه إن تخصصات الدعم الفني والشبكات والبرمجيات أكثر المدرسين فيها اجانب ليه المبتعثين منا قليل مرة ؟
يالله الحمدلله على القبُول وإن شاء الله يوفق جميع اللي ما تم قبولهم ..

الله يحفظها ويخليها لك إن شاء الله ، اما أنا الوالدة إختلعت مفكرة وصلني الرد من أرامكُو على التحليل وشوي أقول لها إبتعاث قالت يالله الحمدلله وموفق إن شاء الله هههههههه ..
الوالدَة بدعواتها سبب توفيق من بعد الله سبحانه وتعالى .. ربي يحفظها ويخليها ..

هههههههههه أنا أخوي محمد مابيصير وجهي زي ماصار وجهك الا لما أتطمن إن أنا بسافر صحيح ، المؤسسة مؤسسة العجائب ههههههههه ..

مثل ماقلت عقبال نشوف أسمائنا بجميع المراحل وأشوف إسمك بطائرة الركاب معانا ..
ربي يوفقك وين ماتكُون بجد والله فرحتني كثير بكلامك .. ربي يدومك بصحه وعآفية . تستاهل باقة ورد ياخوي ..
لكن أنا بهديك دعوة عن ظهر قلب بالتوفيق وين ماتكُون ..
حفظك الرحمن ..

انت العسل يا بعدي ..
اللهم آمين .. ~

محمد العاني ماقولكـ الا ان الله يوفقكـ ويخليلك لعين ترجيك وياعل عيني ماتبكيك ...
فديت الطيبة اللى انت فيها ياعسل انشالله بأذن الله نكون بنفس الطائرة ياقلبي ,,,,
بس بأسألكـ ألحين لو انـآ جبت قبول من جامعة امريكية وموصى بها لدى وزارة التعليم العالي
وش رأيكـ تهقى بيوافقون ,, ولا ماعندكـ فكرة يالغلا ,,,

الله يخلي لك الوآلدة ويطول بعمرهآ ..
اي والله صدقت يا بعدي .. وربي اني لما كنت بالكلية انقهرر .. والسبب ان كل المواد التخصصية حق الحاسب يدرسونها مصريين ولا اردنيين ..
ممكن 3 مواد تخصصية فقط الي درستها عند سعوديين .. وتقريبا 8 مواد من الوزن الثقيل عند مصاريه !!
واستغرب الان اكثر ان مافي حاجة كبيرة لهذي التخصصات ..!!
وين المدربين السعوديين هم احق بهذي الفرص من الاجانب ومتأكد انا انهم كفؤ لهآ ..
شكلها مرتاحين مع المصارية وماودهم يشيلونهم .. لكن ان شاء الله ان طلاب المرحلة الثالثة وما بعدها بيكون لهم نصيب كبير من الترشيح لتخصصات الحاسب الالي ..

والنعم والله بأهل الدمام الطيبين .. جيرآنآ ..
وانا ان شاء الله اذا طلع اسمي للبرنامج التأهيلي .. بكون بمقر الدمآم .. منهآ نتشرف بمعرفتك اكثر يا بعدي
وان شاء الله سفرنآ مع بعض >>>> من الحين بدى ينشب ههههههههه

تسلم يا بعدي .. >>>> ترى والله يستحي الولد
شوف يا بعدي .. انا بقولك الي عرفته من اخوانا بالمرحلة الاولى ..
لاني اذكر ان واحد منهم راح للدكتور [ مزيد ] مو عارف اسمه بالضبط المهم انه مدير برنامج الابتعاث
وسأله : لو جبت قبول من امريكا تأخذونه وتبعثوني على نفس الجامعة ؟
رد عليه ان لازم تتوفر بالبداية بعض الشروط بالقبول .. الي هي
1- جامعة معترف فيها لدى وزارة التعليم العالي
2- جامعة مفتوح الالحاق فيها للطلاب الدارسين على حسابهم [ يعني انها ما يكون فيها تكدس طلاب سعوديين ]
3- تتم معادلة الدبلوم بالكامل .. يعني انت دبلومك 70 ساعة .. يعادلون لك 70 ساعة كاملة .. من دراسة البكالوريوس
وهذا اصعب الشروط لان الجامعات الامريكية ما تعادل لك الا تقريباً 40 الى 50 ساعة فقط كحد اقصى ..
واذا عادلت لك بهذي الكمية قول الحمد لله .. لان ناس تعادل لهم على 10 ساعات فقط
4- الجامعة تعطيك خطة الدراسة لديهم على 3 سنوات فقط ..
بحيث تكون سنة واحد للغة >> وما يقبلون لو كان اقل من سنة ..
وسنتين دراسة لتجسير الدبلوم الى بكالوريوس ..

وبعد ذالك كله .. يتم النظر الى طلبك وممكن ينرفض ويكتفون بالجامعة الي وفروها لك
وممكن تنقبل وتبتعث على نفس الجامعة ...


خلآصة .. شوف يا بعدي لو كان في جامعة امريكية تسمح لهم بهذي الشروط ..
اتوقع من زمان موقعين معها وشفت اعلانات التوقيع على كل ارجاء موقعهم ..
لكن هم نفسهم مو محصلين جامعة بهذي الشروط .. على الرغم انهم راح يدفعون لهم تقريباً
ملايين سنوياً للطلاب الي راح يدرسون عن هالجامعة ..
لكن رغم ذالك الجامعات الامريكية رافضه وهذا يدلك على قوتها وانها تلتزم بالمضمون قبل المبآلغ ..
اتمنى وضحت لك الفطرة ..