حوار تجمع طلاب المرحلة الثانية من برنامج الابتعاث الخارجي لأعداد المدربين التقنين

يا شباب صور الشهادات أعطيهم صورة طبق الاصل
والله يوفقكم جميع .....

سلام للجميع والحمد لله على سلامتكم...........
الصراحه الاسئله مره رايقه وماهي صعبه والاحلى من كذا مافيه اختبار انجليزي .......
الله يوفقك الجميع ...
يارب متى يجي يوم الثلاثاء وانتهي ........

صباح الخير ..

الاخوان اللي عندهم مقابلة اليوم ،
ربي يوفقكم ويسهل عليكم ، وييسر لكم اموركم ،
ان شاء الله الوضع سهالات ، وشدوا حيلكم ..
كل التوفيق ..




,

مرحبا ياشباب
المقابله مرة سهله اول شي قالي شنو اسمك تخصصك بالانجليزي تالي قالي عرف نفسك بالانجليزي وتالي قالي منو الكليات الي تسجل في برنامج الابتعاث طبعا كليه الجبيل وينبع وكليات التقنية وسئلني عن كلمه في تخصصي بالانجليزي قالي هذا الحرف ينطق او لاينطق وسئلني قالي شنو الشهادة الي بتحصلها من برنامج الابتعاث وقالي شنو الدوله الي تبي تروحها طبعا قتله انتو حددتو 5 دول الي اهي كوريا وجنوب افريقيا وايرلندا وبريطانيا ونبيوزلندا قالي في المانيا وامريكا انا استغربت صراحه وقالي وين سجلت في التهيئه وقالي ليه اخترت الخبر ولا اخترت جدة يعني اسئله روتينية وانا سئلته قتله هل الطلاب الي يتخرجون من البعثه راح يتوظفون كلهم قالي لا قالي بنختار الطلاب الي معدلاتهم قوية واما الباقي يشتغلون في القطاع الخاص وقالي راح تكون اللغه سنه وسنتين دراسه يعني 3 اسنين بس يعني ياشباب لاتخافون انشاله موفقين

^^
^^
بالتوفيق اخوي

بس وش جاب طاري (المانيا وامريكا )

حتى انا قالي (استراليا ) ما ادري وش سالفتهم مع هذي الدول

والله انا نفسك مستغرب بس يمكن هل المرة ضافو دول زيادة وهذا يبشر انه الي بيقبلونهم عدد كبير انشاله

^^
الله يكتب لنا اللي فيه خير

ماشاء الله عليكم ,,,,, سالوكم عن الدول ؟؟<<< ماسالوني عن الدول ولا جابو طاريها

كل الاسئلة عن الانجليزي ولا عرفت ولا سؤال الا هاو اولد يو

وعلى الله التوفيق

انا لسا باقيلي
يوم الاثنين اسافر بالسلامة
والثلاثاء اسوي المقابلة ان شاء الله وتتسهل بأذن الله
والاربعاء ارجع بأذن الله بالسلامة

شباب انا رحت اليوم الأدلة الجنائية بالاحساء<الي مايعرف مكانه تحصله ورى المرور بالضبط المبنى

الرئيسي للشرطة ادخل من البوابة الرئيسية ورح للمبني الي في الخلف وتحصل لوحة مكتوب عليها(الادلة الجنائية)

دخلت وعطيت الشرطي الورقة قال لي اجلس انتظر دورك عشان تبصم

الموقف الي صار لي هنا اني جلست جمب واحد وبعدها بشوي جاء دوره وانتبهت انه فيه كلبشات(اصداف)في رجلينه

يعني الضابط يشوفني جالس جمب واحد مجرم ماتدري قاتل له احد ولا عليه حكم اعدام,ولا يقولي شيء.المهم ماعلينا

بعد مابصمت وصارت ايدي الثنتين لونهم اسود قلت له متى اجي استلم الصحيفة قال بعد 3 أسابيع!!!!!!!

طبعا الدعوة يبغي لها واسطة والي ماعنده وش يسوي,قلت له ياطويل العمر انا عندي بعثة ولا اقدر انتظر

3 اسابيع في امكانية انها تخلص قبل,قال ممكن تخلص قبل بس انا اقول لك لانها تاخذ وقت.

بعدها رحت اللجنة الطبية في مستشفى الملك فهد عشان اسوي الفحص الطبي

بصراحة ماخذت فيه ربع ساعة الا انا مخلص كل شيء بس باقي فحص الدم قال تجي تستلم النتيجة يوم الأربعاء الجاي

المشكلة الحين مع الادلة الجنائية في احد عنده واسطة,ممكن يساعدنا؟