حوار تجمع طلاب المرحلة الثانية من برنامج الابتعاث الخارجي لأعداد المدربين التقنين

الله يسلمــك ويطول عمرك تعبــناك ...

اليوم الابتــسامة على وجه الجميــع الله يديــمها..

اخوي ابن عبود
البنات ما عندهم مقر تهئية الا بالرياض بالمرحلة الاولى
والان في المرحلة الثانية الرياض وجده فقط ..
يعني فيه بنات مقبولين لكن مقر تهيئتهم بالرياض او جده على حسب اختيارهم

اللي ما انقبلوا (( 175 ))
منهم (( 34 )) بنت
و (( 141 )) ولد

الله يعوضهم خير

اللهم امين
الله يعوضهم بكل خير ان شاء الله
وتكون خيرة لهم

طبعا وانت جاي من الجنوب للشمال ويجيك الدائري الشرقي تروح من تحته حتى تروح يسار اذا جاتك مكتوب المكتبه العامه

روح معها يعني وانت متجه للدائري الشرقي تروح معه يسار وتبتل سيدا بيلف بك الخط ويطلع فوق كبري ويجيك

الكبري طويل شوي روح معه وشوي وتنزل مع الكبري المهم لاتلف لايمين ولا يسار سيدا اللين تجيك العليا يمين تطلع مع الكبري وتروح يمين

وتبتل سيدا اللين تجيك المملكه على يسارك وتروح مع الاشاره يسار وتبتل سيدا وبتلقى المعهد بعد الاشاره تقريبا على اليمين

اتمنى انك فهمت علي

علي اني ما ادري من وين بتجي من الشمال والا من الجنوب بس انا شرحت لك من جهت الخرج

الله يوفق ويوفق الجميع

لآ اخوي ما اظن ~ الرياض وجده مقر برنامج التهيئه يقصدون

انا من القصيم ~ والمقر في الرياض

مبروك مبروك ياشباب

الحمدلله طلع اسمي,راح الكثير ومابقى الا القليل يعتبر الحين خلصنا ثلاث ارباع الطريق ومابقى الا السهل شدو خيلكم في الدورة

والي يبغي وصف سهل ودقيق لموقع اكاديمية الجزيرة العالمية (الخبر)يقولي.

ياليت والله توصف لي يا علي
لاني بطلع السبت اخذ ورقة الادلة الجنائية
واروح عنده عشان اعرف محله وادور لي سكن قريب منه
على ان جدي وخوالي كلهم من الدمام .. لكن افضل اخذ شقة لحالي
اخذ فيها راحتي على الاخر ولا ازعجهم >> كل اشوي تغطوا بطلع ولا تغطوا بدخل ههههههه

يعطيك العافية اختي وربي كانت بتكمل فرحتنا فيك وربي
والله اني متضايق عشانك مو ويانا مدري شقولك والله
بس تكفي وقفتك ويانا حتى واسمك ما طلع
الله يوفقك ويعوضك خير واحسن من هالبعثة
واللي ربي كاتبه لك بيصير وماعليه اصبري وربي يفرجها انشاءلله

ولا يهمك محمد انا اذا فضيت اليوم ولا بكرة بمر اشوف لك شقة كويسه بجنب المعهد
انا ساكن قريب المعهد وانشاءلله اشوفلك شي يناسبك بس قولي انت لحالك ولا معك احد ؟