حوار تجمع طلاب المرحلة الثانية من برنامج الابتعاث الخارجي لأعداد المدربين التقنين

باك ،
توي راجع من البنك ، كنت اجدد البطاقة واطلع بطاقة فيزا ..
عندهم فيزا بالشحن مره ممتازة .
يعني مثلا تحول فيها 1000 ريال ، ولو صار فيها اختراق او حاجة لا سمح الله او ضاعت ،
مايقدر احد ياخذ منها غير 1000 الموجوده بس ،
الفيزة رسومها السنوية 100 ريال فقط ،
طبعا الفيزة من بنك الراجحي .. وماتاخذ يوم واحد وتطلع ..

،

بالنسبة للشباب اللي اخروهم في الادلة والفحص ،
والله اني تضايقت عليكم ليش كل هالمرمطة من بعض ضعاف النفوس الله يهديهم ،
اشبه هذا التعامل بالحسد والكراهيه ، ولا حول ولا قوة إلا بالله .
اللي من جدة وراح الادلة الجنائية ، هم قالوا لهم كلكم تخلصون يوم الثلاثاء هذا ،
تفلسف واحد وقال الله يهديه الدورة تبدأ يوم 1 /11

اما الفحص مافيه غير مستشفى مدائن الفهد , وحبذى تعرفون احد هناك ، ويخلصها لكم ،
او تطلعون على المدير وتشرحون له مع شوية هيبة عشان يعرف ان الموضوع مو اي كلام ،،

كان الله في عونكم وربي يسهل لكم ان شاء الله ..

أخوي أنا في الرياض بس المشكلة أنه فيه موقعين بالرياض الرياض -1 الرياض -2
أنا في الرياض -1 اللي على طريق الإمام ( طريق الجامعة ) وبالنسبة للتجمع والموضوع ماعندي مانع أنا معكم

مساء الجوري
اخوي انا دورتي التاهليه بالرياض في موقع 2 انا ما ادل شي بالرياض الله يستر وانا معاكم في التجمع ...

الحمدالله انا خلصت اوراق المستشفى والله بدون لا اروح المستشفى عطيتها اخوي لكن سئلني عن فصيلت الدم وعلمته وجابها لي هو راجع من المستشفى
واما الادله رحت الساعه 9ص وجابها لي صاحبي الساعه 12م من نفس اليوم
ولكم اجمل تحيه

امطااااااار .اللهم اجعلها امطار خير وبركة وعم بنفعها ارجاء البلاد .

الله يوفقكممممممممممممممممم

يآ هلا نبض ..~
انا عندي مآستر كآد الاهلي .. =) ..
طبعاً لي شهرين يمكن من طلعتها .. ومسبقة دفع .. بدون اي رسوم غير الـ 100 ريال السنوية ..
وطبعاً السحب الداخلي منها ماعليه رسوم .. لكن لو سحبت من خارج المملكة ..
ياخذون على كل عملية 35 ريال فقط .. مهما كان المبلغ المسحوب ..
انا كنت رايح اطلع الراجحي لكن الكل قالي انها فيها مشاكل كثيره ..
خاصة اني كنت ابغى اشتري فيهآ iPhone 4 من موقع Apple
وموقع ابل حظر بطاقة الراجحي ..~
لكن اتوقع بالسفر ما عليها كلام ..~ ومفيده جداً ..

هلا محمد أنا مثلك كنت أبغى أطلع ماستر كارد من الأهلي علشان اشتري ايفون ولاكنت عارف طريقتها أصلا
لاكن الحمدلله نزلوه موبايلي وبسعر حلووو جدا وشريته ..... الحين أبسألك لازم أطلع فيزا وأشحنها هنا وأسافر ,, يعني أشتري عن طريق الفيزا هذي برا السعودية؟ ولا وش النظام بالضبط ؟

^^

شباب لاهنتوا اعطونا معلومات عن الفيزا
وايش افضل بنك
والفيزا في الغالب وش تستخدم فيه
وهل في فرق بين الفيزا اللي بنطلعها بعد الدوره واللي بنطلعها الان ......معليش ترى اول مره اسمع هل المعلومات
اللي عنده خبره في هالاشياء يرد علي الله لا يهينكم

واتمنى لكم التوفيق

يا شباب لا تلحسون مخي
انا ما اعرف الفيزا زلا الماستر كاد
بس بستفسر يعني ما نطلع برى المملكه الا لازم الفيزا والا وشلون