الخبر الأكيد بخصوص المرحلة الثانية + برنامج اللغة الانجليزية + دول الابتعاث

اخوي المساحة
أنا والله مثلك كان ودي بأمريكا وادري انها من افضل الدول وجامعاتها 100%
لكن الله يعوض علينا


اخوي سفير كلية ينبع
أنا معك في انو الدول اكثر
وازيدك من الشعر بيت هي اصلا 21 دولة لكن ما ادري ليش يبون يوقعون اتفاقيات جديده
لكن
يمكن وانت تدرس لغة يضمون اليابان من ضمن دول الابتعاث وبعدها تقدر تختار جامعة يابانية
لكن ما اتوقع لأن تغيير الدولة ممنوع عندنا (( أقصد برنامج اعداد المدربين التقنيين ))

وملحوظة مهمة
اصلا المؤسسة ماتعترف بالقبول اللي تجيبه انت
هم اللي يختارون الجامعات والمعاهد بكيفهم
بس اكيد ان اختيارهم راح يكون ع حسب التخصصات المتاحة واعتراف التعليم العالي فيها وبرضه اكيد انو راح يكون بينهم تواصل من قبل

لكن الله يوفقنا وبس

يعطيك العافيه
وماقصرت

توقعت يكون من دول الابتعاث شي جديد مثل كندا
ربي يوفق الجميع

الله يعافيك

نقول ان شاء الله انهم يطلعون في الفتره هذي امريكا او كندا
لكن حاليا لا توجد الا 4 دول فقط كما ذكرت سابقا
بريطانيا - ايرلندا - نيوزلندا - كوريا الجنوبية

سلام عليكم
متى راح يبدا التسجيل في هذا البرنامج الخاص بالمؤسسه العامة ؟

لا يكوووون بدا وانا مدري ؟؟؟؟؟؟؟

واذا جبت لهم شهاده دبلوم من معهد اهلى والنسبه عاليه والمعهد تحت اشراف المؤسسه وخلصت اختبار المؤسسه الشامل راح يقبلوها ؟؟؟

مع جزيل لشكر

لاتعبون حالكم وتجيبون قبول المؤسسه هي اللي تختار لكم الدوله وتجيب لكم القبول
حنا كانت 21 دوله اختاروا فقط 3 دول منها وهي بريطانيا وايرلندا ونيوزلندا
امريكا وكندا ارفضتنا لان يقولون مايعادلون ساعات اللي درسناها بالكليه التقنيه يعني تدرس من جديد

طيب عندي قبول من جامعة في امريكا في ولاية اوهايو
هل يقبلونها ام لا

كوريا الجنوبية مين بيروح هناك

التسجيل راح يبدأ ان شاء الله في 4 رمضان

وبالنسبة للقبول
مايفيدك لو جبت قبول من نفسك
لأن المؤسسة هي اللي راح تتكفل بكل شي
لأنها تتفق مع معاهد وجامعات تعادل ساعات الدراسة هنا بالسعودية

عشان كذا لاتتعبون انفسكم وتجيبون قبول

طيب اخوي انا اوراقي جاهزه
بس في غلط بسيط عندي بجواز السفر
ابي اخليه مثل الوثيقه لان الصحيح الي بالوثيقه

مع العلم اني من خرجين اخر دفعه

حبيت اسال اخوي
انا تخصصي محاسبه ومعدلي 4.01 هل محددين عدد معين بتخصص المحاسبه ؟؟
وليتك تبين وتوضح شنو الي ممكن ناخذه من الاوراق عشان اذا نسيت شي اقدر اجهزه خلال الفتره الجايه
اتمنى افادتي

هلا بك اخوي
بالنسبة للأوراق المطلوبة
شهادة الثانوية (( مترجمة )) + وثيقة التخرج (( وهذي أكيد انها راح تكون مترجمة من عند الكلية )) + السجل الاكاديمي مترجم (( تقدر تاخذه من موقع المؤسسة إذا خشيت ع يوزرك خذ نسخه من سجلك بصيغة PDF وبعدين اطبعه )) + شهادة حسن سيرة وسلوك (( برضه تكون مترجمه )) + جواز السفر صالح لغاية سنه واحدة على الأقل + صور شخصية حديثة

أتوقع هذي الاوراق المطلوبة .. ما ادري اذا في حاجة ناسيها ان شاء الله يذكرونك الاخوان

وبالنسبة لاختلاف الاسم في الجواز والوثيقة
لاااااااااااااااااااازم
لااااااااااااااااااازم
لااااااااااااااااااااازم يكون متطابق
يعني لحق على نفسك دام انه باقي تقريبا 10 ايام وحاول انك تعدل الاسم
سواء في الوثيقة
أو في الجواز .. مع اني ارجح انك تعدله في الوثيقة لأنه راح يكون أسهل لك

وبالنسبة للتخصص
مافيه عدد معين
هم يفاضلون بالمعدل وسنة التخرج
ولاتنسى برضه المقابلة الشخصية
انت لا تشيل هم
أهم شي ان اوراقك كلها اتكون سليمة وبإذن الله راح يقبلونك

وأي استفسار انا حضار

خش موقع الموسسة والبرنامج وشوفو وش كاتبين
تسليمك لوثائقك يعني التزامك بإتمام البرنامج
اه والله قهر ويقلون المقبولين 1600 طالب
وشهر ثلاثه الجاي يتخرجون من البرنامج 1600 وقبول الابتعاث قل 600
1000 وين يروحون
وشكرا