خآص : المقابلات الشخصية للمرشحين وللمرشحات للمرحلة الثانية

السلام عليكم ورحمة الله وبركاته ::

شباب اليوم الاربعاء كانت مقابلتي الشخصية على الساعة سبعة ونص صباحاً وبصراحة من جد اعطيتها اكبر من حجمها...ما ابغى اطول عليكم ::
طبعا وصلت الكلية قبل الموعد بساعة ونصف> مسوي دافور ..المهم وهاتك اللطعة الى الساعة تقريبا 8 وربع بعدين وبعدها فتحوا القاعة ودخل الجميع عشان تريب الاوراق والملفات وبعدين يطلعوا كل شوية خمسة او ستة كل واحد في لجنة فيها اثنين يستقبلوه بكل اريحيه وروح مرحة غير عن اي مقابلة رحتها الله يعطيهم العافية قمة في الاخلاق والتعامل ..تقريبا نفس الاسئلة الي سئلوها للشباب بس ترى تختلف في صيغة السؤال فقط لا غير وعشان لا احد يخبص اهم شي في المقابلة تكون عارف عن تخصصك واذا سئلوك جاوب ولا توقف الين تحس انه بيدخل في سؤال ثاني ولاتتردد او تتئتأ خلك واثق من اجوبتك وترى مافي سؤال ما احد يعرف يجاوبه كلها اسئلة سهلة .. بالنسبة للانجلش ايش اسمك .. وكم عمرك .. ومن فين انت .. واذا ما عرفت اعتقد عادي ترى ماعندك مشكلة في الانجلش لانك طالع تدرسه ... وسلامتكم

وبالتوفيق للجميع .. والف مبروك للي راح تطلع اسمائهم مقدماً وارفعوا رووسنا .. وهاردلك للمبعدين مقدما وقدامكم المستقبل طويل انشالله < تفائلواا بالخير تجدوه >

تحياتي للجميع

الحمدلله اسمي مع المرشحين بس ورقة الادلة الجنائية مومعي الحل؟
وانا من القصيم

^
الحل و انا وخوتس ازهمي ع الاداره و علميهم قوليهم انكم ماعطيتون ورقه الادلة وهم راح يعطونتس إياها وخلصي شغلتس بدري مامعتس الا اسبوع

مسهم بالخيرررر

الحمد لله سويت المقابلللله وكل شي تمام ان شاءالله

كانت مقابلتي اخر فتره يوم الاربعاء 9 ونص ,,,,, وجيت من بدري والحمد لله جهزت اوراقي ودخلت اول دفعه ,,,

دخلت على اللجنه سلمت عليهم وجلست بالكرسي وسوالف عادي وش اخبارك وش مسوي <ماشاءالله انت من بريده يس متى وصلت من القصيم امس بالليل وعاتي سوالف مررحه وبعدها قالو تكلم عن تخصصك وانا عاد الي اعدل جلستي وامخمخ عليهم ويبدا ابووليد<يتفلسف عليهم واكل شي اقولهم عن تخصصي واهميته وانبسطو من كلامي المطوول وصار يسألون واجاوبهم وبعدها انا حسيت اني خلاص طولت عنددهم احس اكثر من خمس دقايق قلت الحين بيقولون تفضل اطلع حسيت اني بدعت بالمقابله ,, وبعدها سألوني عن الانجليزي قلت ماشي الحال ويسألوني وانا مااجاوب ويسألون ومااعرف وش ولا اجاوب ماجاوبت غير سؤال التعريف بالنفس والباقي مااعرف بس قلت لهم انا بصراحه جايكم بمعلوماتي من تخرجت من الكلية من 3 سنوات يعني لاتلوموني ,, وهم متفهمين الوضع وقالو انت اجتزت المقابلة ولكن ترا مستواك بالانجليزي سيئ جدا لذلك اذا كنت تبي الابتعاث لازم تجتهد بالدوره وتقتن الانقلش لان فيه كل اسبوع بيجون من بريطانيا يختبرونكم عشان القبول ببريطانيا واذا صار مستواك متدني ماراح يقبلونك ,, وشويه نصايح الله والحمد لله عطاني الاوراق الادلة الجنائيه والفحص الطبي وقالو تجي السبت ومعك هااالاوراق جاهزه قلت ابشروو ,, الحمد لله طلعت مبسوططططط ورجعت القصيم متشقق من الوناسه ,, وهذي المقابلة كانت والله يوفقنا بباقي المشوار ونجتاز الدورة التأهيليه

ونسيت اقولكم ترا اهم شي الثقه بالنفس لاني ماجاوبت شي بالانقلششش بس عشاني دخلت بثقه وتكلمت عن تخصصي وماسكتت ابد لين سكتوني هذا سببب قبولي ,, كان معكم من قلب الحدث ابووليد < برا

عندك الاسبوع هذا اختي

اول شئ راسليهم عن طريق الايميل

وحاولي تتصلين فيهم على ارقامهم

لان اخاف يعقدونك اول اسبوع بالدورة عشان الورقة

بيض الله وجهك
ماقصرت اخوي بومعن

الف شكر ابو معن

الف مبروك للجميع
والحمد لله والشكر

بالنسبة لتخصص سلامة تغذية وين ممكن يكون دولة الابتعاث ؟
والشباب اللي سبق ابتعثوهم في هذا التخصص اتمنى يفيدونا باللي يقدرون عليه.

والف شكر للجميع

موضوع راح يفيدنا كثير احنا اصحاب الدفعه الثالثه والدفعاااااااات الجديده باذن الله