خآص : المقابلات الشخصية للمرشحين وللمرشحات للمرحلة الثانية

السلام عليكم

اليوم كان مقابلتي الساعة 7.30

دخلت وسلمت

سئلني عن اسمي ومن وين تخرجت وش تخصصك

وقالي شلونك بالانكليزي قلت له لاباس

سئلني عن تطبيق قلت تطبقت بمستشفي وتعاملت مع اجانب الخ قال اخ ممكن تعيد الي قلتة بالانكليزي [ قال موظف ثاني ترا انكليزي مو معيار للقبول فية دورة بس نبي نشوف شلونك بلغة]

ثم سالني قال لا طلعت برا بتبزوط [ بهسوال حاول تثبت انك رايح تدرس مو تلعب]

وانتهت مقابلة اقل من 5 دقايق

الله يطمن بالكم ويكتب لكم الخير بالبعثه يارب


بسأل ما سالوكم وش سويتوا بعد التدريب

واذا انتم موظفين ولا لا


اممممممممممم اعترفتوا انكم موظفين لان فيه شرط انه مايكون موظفين

السلام عليكم ,,,,,,,,
مقابلتي كانت اليوم الاحد الساعة سبع ونص , وبالنسبة لي انا دخلت على الوقت ودققوا اوراقي ثم انتظرت الين نادوني وخذوني ودخلوني على مطوع وثاني
المهم اول مادخلت سألني من وين انت ومن أي كليه واي تخصص وبعدها قالي (هاو يو ماريد؟) قلت يس
قال سؤال ثاني (الظاهر كيف زوجتك او وشسمها , يستهبل يعني يدري اني مدري وش السؤال) قلت أي سنقل
قام يضحك وقال انت تقول انك متزوج , ثم بعدها قالي هاو اولد يو وجاوبته ثم قالي هاو كو فروم قلت أي كوم السلي قام يضحك قال ماتعوق معك بالجواب ثم قالي سؤالي معناه من وين انت قلت انا من الرياض بالعربي طبعا
ثم قالي سؤال بالانجليزي معناه تحدث عن الرياض (طبعا سألني ولا عرفته ثم ترجم لي ) جاوبته قلت هي اس رياض ان سعوديه ,,,,,,,, وبلشت بعدها
ثم قال تحدث عن الرياض بالعربي , وبعدها طلع لي ورقة بالنجليزي وقال اقرا اللي فيها , وبعدها جا دور الثاني وسالني اسالة عربي كلها وش بتسوي اذا جيت و ش تخططيطك اذا جيت وش تخطيطك اذا رحت ووش ناوي تسوي ثم قام ينصحني ان الدولة خاسرة عليك ,,,,,,,,,,,,,, الخ
ثم قال خلاص انتهت المقابلة , وسالتهم فيه تصفيه قال اتوقع فيه تصفيه لكن الله يوفقك

المهم اختباري كله انجليزي ,,,,,,,(لكنهم قمه في الاخلاق)

هذي مقابلتي ,,,,,,,,,,,,, وبالتوفيق للجميع ان شاء الله

الله يوفقك ويسعدك






اسمحلي اعدلك الاسئلة علشان يستفيدو بقية الاعضاء

الأسئلة اللي جت صاحبنا ماجد الله يوفقه كالتالي:

Are you married
هل انت متزوج

تكون الأجابة لو انت متزوج
Yes,Im married
ولو كنت عزابي زي حالتي
No,Im single

السؤال الثاني:
how old are you
كم عمرك

الأجابة مثلا
I am 24 years old
وممكن انك تتفلسف شوي وتقول
I was born in Jeddah IN 1987

السؤال الثالث:
Where are you come from
من اين انت؟
الأجابة
I come from Jeddah

السؤال الرابع:
لو قلك تكلم عن نفسك هتجيك بطريقتين
اما يقول لك Speak for yourself
أو Describe yourself

طبعا الاجابة عليكم
معليش يا مجود بس حبيت اشرح الوضع خخخخخخخخخخ الله يوفق الجميع

أخوكم تكنشن

حياك الله اخوي تكنشن ولاهنت على صياغة الاسئلة , لكن فيه سؤالين يمكن مافهمتها زين انت او انا ماعبرت صح اللي هي:
Where are you come from
من اين انت؟
الأجابة
I come from Jeddah

وسؤاله كان:- وي كان فروم (على ما اعتقد) ومعناه من وين انت وانا جاوبته نفس جوابك لكن طلع خطا لانها اجابة السؤال من وين جاي اما الجواب الصح اللي هو اي فروم رياض

والثاني اللي هو تحدث عن نفسك ؟ وهو ماقالي تحدث عن نفسك , وسؤاله تحدث عن الرياض او صف لي الرياض وانا مافهمت السؤال الين ترجمه لي هو وقلت له (هي از رياض إن سعوديه, ثم وقفت ماعرفت اكمل)

لكنك ماقصرت وبيض الله وجهك على الترجمه للشباب , والله لا يحطهم بموقف مثل موقفي اللي اليوم
وبالتوفيق للعموم

الحمدلله على سلامتي بعد اليوم هههه
طبعا انا كانت مقابلتي اليوم الاحد 7:30 الحمدلله عدت على خير
اول شي طابقوا الاوراق وبعدين دخلنا
المهم /
السلام عليكم صباح الخير
صباح النور .....الخ
س1/ تحدث عن تخصصك ومن وين تخررجت ؟
س2/ ايش الدول اللي تتوقع راح تجيك ؟
قلت انا مايهم قال طيب لو جتك سنقافورة او كوريا قلت ماعندك مشكلة
س3/ لو رحت هناك تتوقع احد يستقبلك او يودييك المعهد او الجامعة ؟
س4/ talk about any subject ؟
تكلم عن اي موضوع ؟
عاد انت ابدا بربر هههههه
تقريبا المقابلة اخذت 4 الى 5 دقايق


التوفيق للجميع ان شاء الله

بسم الله

اولاً اخوي ماجد ترا انا كنت اول دفعه طلعت وكان اسمي ( سعد النشوان ) يمكن عرفتني
ونفس اللي قابلوك هم اللي قابلوني المطوع وابو دقن خليجي ( يالبى قلوبهم ) .. قاعد رقم ( 3 ) اشوفها افضل قاعه ..
وترا اسالتك نفس اسألتي بـ الضبط .. نفسي بالضبط مره مره مره

مقابلتي

اليوم الاحد 7.30 الصباح ودخلت ثالث واحد مع اول دفعه ( احلى شيء )
تخصصي ( ادارة مكتبية ) ..

اول شيء دخلت وسلمت وقلت كل عام وانتم بخير وجلسوا يسولفون وسحبوا علي وانا جالس قاط وجهي معهم
الاسئله
1- اسمك ؟
2- خريح اي كلية ؟
3- قسمك ؟
4- اسم البرنامج ؟
5- تكلم بشكل بسيط عن تخصصك ؟
6- هل انت متزوج ؟ واذا كان الجواب لا ليش ( بالانجليزي )
( الجواب no والسبب i dont have money ) ( جلس يضحك المطوع المنسم )
7- من وين انت؟ ( بالانجليزي )
الجواب ( الرياض )
8- تكلم عن الرياض ؟ ( بالانجليزي )
انا قلت انها عاصمة السعودية واكبر مدينة سكانيه وبس , قالي كمل قلت هذا اللي ببالي الحين ..
9- جاوب ورقه فيها سطر بالانجليزي وقال اقراه ( سهل مره عن بنك الراجحي ) ؟

وقالي مستواك ممتاز وقالي ابعد عن الدشير اذا رحت هناك والبنات .. قلت لا توصي بمشيء جنب الجدار وجلس يضحك

للمعلومية المقابلة كلهم ناجحين بإذن الله حسب كلام واحد من الموجودين هناك

يارب عجــل بالفرج وانت راعيه .. كم ساعةٍ ضاقت وعــندك فرجـها

مقابلتي يوم الإربعاء 20/10 الساعه 7:30 ص .تخصصي محاسبة .

اخوان انا خذوا مني صور الشهادات وبعد المقابلة نزلت وخذت اوراق الفحص الطبي وحق البصمه الجنائيه
ورجعت معي الشهادات الاصلية
كذا تمام ؟

ابشركم الحمد لله تووني جاااااااي


خلصت المقاابلهـ الامووور سهله بأذن اللهـ ..


اتذكر من الاسئلهـ

ما هو اسم الربنامج ؟؟ وتكلم ع نفسك بالانقلش ؟؟ اممممم والباقيـ وربي سواليف وضحكـ الحمد للهـ

بس خليك ووواثقـ

تحياتيـ لكمـ جميعااا يارب يعد اسبووع الحيره ونشووف وش الساالفهـ