خآص : المقابلات الشخصية للمرشحين وللمرشحات للمرحلة الثانية

كيفكم ي عيال ارجوا الانتباه واخذ الحيطة لبعض الاسئلة.....

- سألني عن طموحي في اكمال الدراسة قال : تعرف وش تعطيك المؤسسة من درجة علمية؟
قلت : نعم وهي درجة البكلوريوس قال : تبي تكمل الماجستير؟ قلت : ان شاء الله..
قال : طيب المؤسسة ليست مسؤولة عن الماجستير بتعطيك البكلوريوس فقط,
هل انت موافق... قلت : اكيد طال عمرك.

-سألني عن جنوب افريقيا.. (لان الله واعلم ان الدول على حسب التخصصات)
قال : تعرف جنوب افريقيا قلت : نعم .. قال: تابعت كأس العالم "وقعد يمدحها"
ويقول كيف المتنخبات وكيف الملاعب والجماهير والناس..الخ!!
قلت : انا بروح ادرس! مابروح العب؟ "كان اختبار منهم" قالي : تمام؟؟

-سألني عن برنامج التهيئة قالي : وين اخترت البرنامج ؟؟ قلت: جدة..
قال : اي ي ي الي مكتوب قدامي الدمام وشرايك.. قلت : انا متأكد اني ادخلت في البيانات جدة!!
ولكن عاااادي تبغاني ادرس في الدمام ما طلبت شئ من عيوووني "شافني واثق"
..نط الثاني الي معه وقال : طيب تسكن في الدمام شهر كامل!!.. قلت : نعم, ماعندي اي مشكلة
"وهذا كان الاختبار الثاني"

الي باقي ما سوا المقابلة حاولو تكون اكثر اجاباتكم تبدا بالانقلش!..كيف؟
على سبيل المثال (اوكي,افكورس,اي نو,اي دونت نو,شوور,يس.نو,دون كير,بات)
من هذا القبيل

اغلب المقابلات كانت سهلة وميسرة يعني لحد يشيل هم؟؟

معليش يا شباب توني انزل الموضوع بس اعذروني تأخرت.. راح وقتي كله سفر في سفر

والله خبر يحزنا .. لكن اهم شي الرضا
وربي يعوضك خير منها ..
وتعجبني روحك الرياضية .. keep it up

والله حزنت عليك يـ اختي ..
الله يوفقك بـ غيرها وما تدرين وين الخيره فيه .. فيه ناس راحوا ابتعاث ورجعوا ما كملوا ويمكن نكون منهم حتى ..
الغربه صعبه حيل حيل حيل خاصه اول شهر .. انا سافرت لـ حالي اسبوع بغيت انجن كيف شهر ..
الله يصبرنا ويصبرك يارب ..

السلام عليكم

اول شيء تخصصي دعم فني للحاسب الالي
وصلت للكليه الساعه 8 ونص وكانوا بادين من اول ينادوا الاسماء ويدققوا على الاوراق
جلست يمكن ساع على بال ماقالوا اسمي
ولما جاء وقت التدقيق
رحت فيها
ماحصلت صوري بس حصلت صوره وحده ولا حصلت الاصل من شهادات سيسكو
وقتها كنت ببكي من القهر
بس قالت لي لآآآآآه عادي صور الدورات ماراح نحطها في ملفك
بس الصور دوري مايكفي صوره وحده اقلها ثنتين
قلت لها انا في الرياض اجيبها لكم بكرا
قالوا بنسأل نشوف
سألت وحده من اللي معاهم قالت خلاص تكفي وحده للكشف الطبي واذا خلصت المقابله نشوف تجيب لنا الباقي ولا
انتظرت يمكن نص ساعه بعدها ونآآدو على اسمي في جهة المقآبلات
انتظرت عشر دقاييق وسولفت مع كذا بنت كانوا ينتظروا مثلي
طبعا انا ميته خوف هههههه وجآت وحده من نفس تخصصي وخاصمتي ليه ليه تخآفي وتشجعني وتشجع نفسها
انا حاولت افك شوي عشان ماتخاف هي كمان هههه
ولما نادوا علي كلهم يقولوا لي سمي بالله
دخلت سلمت عليهم
جلست
قالت لهم كل عام وانتو بخير متأخر
فيه استاذه ابتسمت وردت علي وفي ثنتين ردوا ومسوين ثقل
اصلا احس حاطينهم عشان يخوفوا البنات
سألوني على طول انتي خريجة اي سنه ؟
جآوبت وسألتني يعني خريجة ها السنه ؟ قلت لاااا العام
شككتني في نفسي !!! قلت لها 1430-1431 كنت بقولها الشهر اللي تخرجت فيه ومكتوب في الوثيقه بس تلخبطت
وقلت لهم خليني اعرفكم على نفسي اول
.................
انتي كيف دخلتي الكليه ماقبلوك في الجامعه ولا كيف ؟؟
سولفت عليهم كثير ومنها ....
سألوني انتي كم نسبتك في الثانوي ؟
طب ايش هدفك غير اكمال البكالريوس لو ماحصل لك البعثه ؟
طب ليه ماحققتيه ؟
ايش سويتي بعد مااتخرجتي ؟
ليه تبغي تبتعثي ؟
ايش راح تسوي بعد ماتخلصي بعثه ؟
قلت لهم راح اتوضف عندكم وصار على وجههم علامات تعجب
وقالوا من وين جبتي ها الكلام ؟؟ برضوا شكيت في نفسي بس مابينت
شوي وانجن كيف من وين جبت ها الكلام بس سكت وقلت بجاوب هههههه احسهم يستهبلون
قلت مكتوب في الية البرنامج في موقع المؤسسه انو اجباري اشتغل في المؤسسه على قد دراستي
لما تخلصي المده ايش بيكون وضعك ؟
قلت لي الحريه الاختيار انو اكمل في نفس الوظيفه اذا كانو يبغوني او لا
ايش يتتوضفي عندنا ؟
قلت مدربه قالت يمكن مانوضفك مدربه يمكن نوظفك وظيفه اداريه
قلت كيف يعني اداريه
قالت يعني تسوي صيانه لحواسيب الكليه
قلت والله مو شينه يعني حلوه
بس انا احس انو عندي قدره اقدر اوصل المعلومه للطالبات وهذا شيء مو كثير تلاقيه في المدرسين او المدربين
يعني احيانا تلاقي مدربه اوكي بس مااتعرف تشرح ماتعرف توصل المعلومه لاذهانهم مايستفيدوا شيء منها
فـ انا شايفه في نفسي القدره اني افهم طالبات بودي اكون مدربه اكثر
سألوني
طب لو جآك عرض وظيفي اكبر واحسن من اللي انتي فيه تقبلي ؟
قلت وقتها اقرر بس انا حآآسه بأنتماء لهذا المعهد ونفسي اخدمه
قالوا طب يمكن يجي فتره وتقولي خلاص انا خدمت المعهد واحس اني انجزت فيه وعندك عرض وظيفي احسن بتوافقي
غصب اجاوب على السؤال ههههههههه
قلت اذا فيه تطور لمهاراتي ويعطيني مجال احدث بياناتي او احسنها رآآح اوافق مافي انسان مايبغى الافضل
كمان سألوني ليه قلتي انو هدفك بكالوريوس ليه ماقلتي ماجستر يعني مو مفكره تكملي ماجستير ؟
قلت حاليا هذا هدفي
لما اخلص البكالوريوس رآح افكر مااحب استبق الاحداث

والله سألوني اشياء كثير
واجاوب عليهم بأريحيه لكن مو تآآآمه
لان دقروا لي من ناحية المرافق كيف بيترك وظيفته كيف بيسوي
اكثر شيء طولت فيه بالكلام سآلفة المرافق لانه موظف
بس مايأثر على قبولي في البعثه ولا
واجوبتي عليهم كآنت كويسه
لاننا مخططين كل شيء مو كل شيء يعني حاطين في بالنا اشياء واساسيات

الحين جينا للتمهيد للانجليزي
قالوا كيفك في الانجليزي ؟
قلت حلوه بس محادثه موش مره
يعني اقدر اقرا اقدر اكتب وكمان ادرس اخواني انجليزي
هنا وحده نطت كيف تقولي ماتعرفي انجليزي وتدرسي اخوانك
قلت لا اعرف انا ماقلت مااعرف انا اقول في المحادثه,,, يعني اتخاطب مع احد موش ولا بد
اشرح لاي احد وافهم كل شيء
قالوا طيب مافكرتي تطوري لغتك
قلت الا فكرت دخلت معهد للغه ولا استفدت شيء
يعيدوا نفس الشيء اللي اخذه في الثانوي والمتوسط
مالقيت ممارسه للغه مالقيت تشجيع بأني اتخاطب انجليزي
بعدها دخلوا في موضوع المرافق مره ثانيه ههههههههه
ونسيوا الانجليزي
وسألوني وين تبغي تبتعثي وليش ؟
قلت لهم بريطانيا وامريكا
قالوا مافي امريكا هههههههههه كنت بقول انا عارفه
بس قلت ليه مافيه !!في تعريف البرنامج في الموقع اول دوله كاتبينها الولايات المتحده !!!<<استعباط هههه

بعدها خلاص شوي ويطلعوني بس قالوا باقي انجليزي وبحكم انهم طولوا معي ماسمح انهم يتكلموا انجليزي كثير
بس سؤال واحد
تكلمي لي عن نفسك ؟
تكلمت بشيء بسيط ونسيت اللي انا مجهزته وقلت لهم آخر جمله واهم جمله اخذتها من تعبير محمد


اللي سألتني السؤال ابتسمت احس الجمله بطله

قالوا لي روحي شوفي ايش بيسووا مع صورك ولما جيت اطلع قلت لهم اسعدتني معرفتكم مع انكم ملاقيف
خخخخ امزح من غير ملاقيف ماقلتها

اللي قآبلوا معي ثلاثه وحده مادرستني بس اعرفها ومسكت معانا اشياء تدريبيه

فهمت من كل الموضوع سووووولفي عليهم وادخلي من موضوع واطلعي من موضوع
شتتيهم ههههه لان هم مو كثير يقابلوا واتوقع حتى هم مرتبكين والاسئله يقولونها بلخبطه


الحمد لله الحمد لله ماادري كيف صوتي صار عآآلي

صح سألوني لو ماقبلتي في البعثه يصير راح هدفك الاول ايش بتسوي ؟
قلت بدور على وظيفه او اكمل مستحيل مايحطوا في السعوديه نفس تخصصي بكالريوس اكيد راح يحطوا في سنه من السنين خخخخخ اهم شيء بينت لهم اني متفااائله
وكمان ذكرت لهم اني في سبب ثاني خلاني ابغى اكون مدربه
لان عندي امثله احتذي بها واقول لهم اسماء استاذاتي مدرباتي الشاطرات
وهم طبعا يعرفونهم

طلعت واعطوني كشف طبي وحق الجنائيه وقالوا لي لاآآآآزم الصور تجيبيها
ورايحه رايحه للمعهد لان من الربشه طلعت من غير مااودي وثيقتي للقبول والتسجيل يغيروا الاسم

الله يوفق الجميع اتمنى اكون افدتكم وافيد المراحل الجايه

انا كمان ماعطوني الورقه للكشف الطبي
يعني ماقبلوني صح؟
كنت كثير متفائله لكن ماقبلوني

الله يبارك فيك
مرره انصدمت لما قريت كلامك

طب انتي ايش سبب عدم القبول يعني مااشوف في اجوبتك شيء غلط
بس يمكن مااخذتي راحتك لما دخلتي وماصرتي ريلاكس ؟؟
ماتوقعت يسووها !!
مايقبلوا بنات
مع العلم كثير بنات ماحضروا المقابله
كثيييير

غريب والله !! .. انتم كلكم يمكن 60 بنت .. على كذا كم وحده بتبتعث ؟؟
ايش السبب طيب ؟؟ .. واشوف حتى مقابلاتكم طويله واسئلتكم معقده .. يعني متعمدين !!

لكن الله يعينكم .. ويمكن لصالحكم

لون الغيم موفقه يارب خيرهـ ان شاء الله

صرآحه الغرفه اللي دخلت فيها
اسئله وتعقيد حبتين بس اشوا قدرت اقنعهم شويه اني كفؤ
ولا اتووقعت انهم مايقبلوا احد
بس انتو متأكدين ؟؟ انهم مااقالوا اعطوهم اوراق الكشف
لان انا مااخذتها من عندهم على طول
قالت لي روحي لوحده اسمها مرام اذا ماخاب ضني وشوفي وضعك ؟
واستنيتها لما راحت للي قابلوا لي ونادتي واعطتني الصور والكشف وخلتني اوقع اتوقع حظور مدري ايش الورقه هذي وقعت وبس

والله جد مستغربه ومنصدمه كثير بنات ماحضروا المقابله زياده على كذا مايقبلوهم كلهم
اش بقى من البنات


عموما عندي فكره لترتيب هذا الموضوع بس تتنفذ بعد ماتخلص مرحلة المقابله
ان الردود غير ردود شرح المقابله تنحذف مايبقى غير المقابلات
تسهيل للمرآحل الجايه بأذن الله
ومنها مانشتت حاليا في مناقشة المقابلات

تذكرت سؤال سألوني عنه واستغربت منه ماعندي فكره عنه
قالوا لي ايش بتختآري تخصص عشان تكملي ؟؟
قلت لهم كيف يعني انا تخصصي دعم رآح اكمل دعم ولا
قالت لا في اقسام !!!راح تختاري قسم تكمليه هناك
قلت اقسام زي ايش قالت يعني اقسام الحاسب الالي وتخصصاته
قلت لها دعم فني وافضل بعده الشبكات
جآآوبت ولا ادري ايش قصدهم

البنات معقدينكم .. كل ذا اسأله واستقعاد !
ودك من يدخل عليهم ويقول على ايش كل هالاسئله ؟ هم رايحين يدرسون والا يتوظفون عالطول !

مقابلتنا يالشباب مويه مره وضحك وسواليف كأنك بـ استراحه جالس ..
بصراحة ودي ادخل على هـ البنات واشرشحهم واطلع .. قلة ادب بـ صراحة قالبينها استجواب سجينه مو طالبه !
يعني مفروض يقدرون ويقدرون ان البنات بشكل عام خوافه وترتبك .. اذا الاولاد يرتبكون شلون البنات !
كان الله في عون من بعدكم يالبنات بس

السلام عليكم ورحمة الله وبركاته
أنا كانت مقابلتي اليوم الاثنين الساعة 9.30 والله إنها أحسن مقابلة أخذتها
أولاً :- تكلم عن تخصصك ( بالعربي )
ثانيا ً :- تكلم عن نفسك ( بالعربي )
ثالثا ً :- سألني كيفك في الانجليزي قلت له والله يمشي الحال بعدين قال تكلم عن أي شيء بالانجليزي حتى لو تذكر اسمك .
رابعا ً :- لماذا تريد الابتعاث ( بالعربي )
والله كلها المقابلة سواليف

ثم أعطوني ورقة الفحص الطبي والأدلة الجنائية

وأبشركم خالي نقيب في الادلة الجنائية قال أي واحد أعطوه ورقة الأدلة الجنائية إن شاء الله أنه مقبول

هذا وتقبلو تحياتي ...