اهم قرار في حياتي راح اتخدو ,,شاركوني

مبرووك اخوي
اولا الدورة التأهيلية بسيطه جدا لا تحتاج اجتهاد درااسي لكــن تحتاج ( التزام بالمواعيد وحضور الدورة كاملة ) لانها إذا غبت يومين خلاص راحــت عليك ، يعني بسيطه انشاء اللـه مافيها اي عوااقب

و استخير وش خسراان
لكن من رايي انك تستقيل و تكمل اجراءات البعثـه لانها فرصه ماتتعووض ع الاقل راح تجي بشهاده قووية
و من ناحيه المكافئات كل الاخوان اللي موجودين يقولون الحمد لله مكفيه و زود ( ع حسب صرفيه الشخص و دقه حساباته )

الله يسهلك امرك اخووي

الله يبارك فيك يا غالي

ويتمم امرك على خير

وانا انشاء الله ابغى استخير وا اشوف

انا خايف اذا رجعت ما الاقي وظيفه

..............

ممكن احد يقولي كم ممكن تكون المكافئه

وعليكم السلام ورحمة الله وبركاته
اقبل من بالبداية هذي المشاركة بقرارك ولكن أسأل الله لك الخيره من امرك

بالنسبة لتخليك عن وظيفتك .. انت ما راح تتخلى عنها من اجل شي تافه ..!
انت راح تتخلى من اجل تطوير نفسك والحصول على درجة علمية اعلى ..

انا اشوف الحياة مليئة بالتجارب .. ومن واقع الحياة الشخص الناجح هو من يأخذ القرارات الصعبه بحياته
من اجل الحصول على شي افضل .. وهذي تجربة مفيده لنا بأذن الله وما وضعت الا لناس طموحين امثآلنا ولله الحمد

بالنسبة لقبولك او رفضك من برنامج التهئية .. هذا الشي الي ممكن تقول انه يرجع على نفس الشخص
لان الي يحضر ويجتهد ويحرص هذا بأذن الله مقبول ومرشح نهائي
لان الدورة التأهيلية سبب الرفض منها .. الى الان ما شفنا الا سبب واحد من خلال المرحلة الاولى
وهو : عدم الحضور .. لان غياب يومين فقط يعرضك للأبعاد ..

وبالنسبة لمكافأة المبتعث .. هي نفسها من سلم المكافأت التابع لوزراة التعليم العالي
وهذي المكافأت ما وضعت الا بمراعاة المبالغ الكافية للمبتعث ..

والي يقولك ما تكفي .. معاه حق .. لكن ممكن ما تكفي شهر .. شهرين .. 3 شهور ..
لكن اكثر من كذا ما اتوقع .. الا اذا كان المبتعث يلعب بايدينه ورجوله ويحسب انه يستلم المكافأة من رصيد ابوه .. !!

لاني اتوقع تمر شهور تكثر فيها حاجتنا للمكافأت .. مثل ما يصير هنا مع الموظفين بزيادة الصرفية بأيام الاجازات
او المواسم المعروفة ..

بالاخير ..
انصحك باخذ الاستخارة من عالم الغيوب .. هو وحده من يقدر يفيدك بهذا الشي سبحانه وتعالى
صلي الاستخارة وشوف الي قلبك يطمأن له .. وتوكل على الله ..

دمت بكل خير .. والله يرزقك الخيره من امرك .. ^_^

شكرا اخوي محمد على المشاركه المفيده والرائعه

وبصراحه استفدت من كلامك الكثير ربي يوفقك

بس زي منتا عارف الايام هذه صعبه اللي يتخلى عن وظيفتو في سبيل حاجه مجهوله

بقول مجهوله لاني لحد الان ما عندي شيء رسمي اقدر اتسند عليه

.............

بس والله اتمنى اني اسافر واكمل دراستي وارجع متفوق

يارب ساعدني

الله ييسر لك امرك
مثل ماقالوا لك الاخوان
الحل الوحيد الاستخارة

اخوي انا مثلك بديت باجراءت استقالتي وللامانه راتبي الحمدلله كويس ووظيفتي كويسه

بس بالمقارنه مع الابتعاث اختار الابتعاث

بس انت حط ببالك بما انك راح تتخلى عن الوظيفه حط كل جهدك بالدوره بالحضور والاجتهاد

وترا الناس يصعبون الامور انا مع اخواني استخير ماخاب من استخار

وانا كثيررررررررررر اعرفهم يدرسون برا مرتبين امورهم ومكافاتهم تزيد عن حاجتهم ومبسوطين وامورهم كويسه

بس اكيد اللي بيسافر ومافي بباله دراسه فلوسه بتضيع بيومها

الله يطمن بالك ومني انا انصحك الابتعاث دامه جاك لاتتخلى عنه

ياحبيلك ترا الاستخاره معناتها انك سلمت امرك لله يعني ربي ان شاءالله يصرفك للخير لك ,, انبسط بعد ماتستخير لان ربي بيدلك على الخير لك ,, اتمنى لك الخير بالتوفيق لك ولجميع المقبولين

في بعض الجهات يعطون اجازة دراسية .. هذي الاجازة تاخذها لتكمل دراستك .. بشرط انه يكون الراتب ينزل لك .. وبدون استقاله !!
شوف اذا جهتك يعطون هالنوع من الاجازات .. اذا يعطون اشوف انها افضل لك من انك تستقيل وتروح بعثة .. لأن بيكون الراتب نازل لك وترجع تلقى وظيفتك جاهزة ؟؟

المشكله هي أن المؤسسة حفظها الله لا تقبل مثل هذا بل يلزم عليك ان تحضر لها اخلاء طرف من عملك كي تضمن أنك ترجع مدرب في نفس المؤسسة ولا أتوقع أن عملك الحالي هو أفضل من أن تكون مدرب في المؤسسة ..

وما عليك وأنا اخوك توكل على الله ربعك كثير نفس حكايتك بس ما لنا غير إنا نخوض المغامره وتوكلنا عليه سبحانه وتعالى ...

فلن يضيع تعب امرئ مسلم يريد أن يرفع الجهل عن نفسه وعن امته و وطنه ...