تجمع طلاب نيوزلندا .. [ المرحلة الثانية ]

الا يا ابو معن

ابي اسئلك عن الرحلة هل هي تعب

ولا الطياره راحة

لاني حاس انها سالفه رحلة يوم كامل

وشركة الطياران الي رحت فيها وش فيها من عيوب ومن مميزات ..؟

بالنسبة لطلاب نيوزلندا الدفعة الاولى كنا على الخطوط الصينية كاثي باسيفيك الطيران جديد وجيد ومريح ومسلي ولكن اللي يغثك المدة الوقت جدا طويل ويوم ونص تقريبا
انا عن نفسي كنت جدا مرتاح في الطايرة ليش لاني ركبت الطايرة وانا مواصل واعطيها نومه للصين ونزلت في هونج كونج وكان عندي انتظار 10 ساعات تقريبا لفيت في مطار هونج كونج ولا قدرت كبيييييير مدينة ومن طلعت الطايرة لاوكلاند وااعطيها نومه لنيوزلندا
المشكلة انه تنام وتصحى وتاكل وتشوفلك فيلم وتنام وتصحى وتشرب وتمشي شوي تطلق رجلينك وباقي ماوصلو
وسلامتك

ابو معن الله يسعدك يا رب

والله ما قصرت

انا اقرا في ردودك

واشوف ان ما عاد في مجال للاسئله

لان كل شئ واضح

ربي يوفقك

وتصير محافظ المؤسسه

hamodi-a2 تسلم يالغالي ...
لا نحن بس نمزح ونمرح هو عنده اجااازه ويغير جو ..
وأنا عندي ملل واغير جو معاه ههههه

تسلم يالغالي ...
خلاص اول يوم العشاء على حسااابك >>> ولف هههههه امزح معك
بس لا تعيد الاحراجااات هذي
والله اتمنى لك كل التوفيق يااارب ...

شباب وين يصير معهد Wintec ؟؟

السلام عليكم شباب انشاء اللة الامور متيسرة
يشباب فلوووووووووها ماطولكم هني استانسو وطلعوووووووووالي بصدوركم وشي الي ماسويتة سوه مادام انك طالع ورايح برا خربها
وخربوها شوي
مهو متلي خربتها وخشيت التوقيف سبوع
بس تساهيل يعني لاحد يهمم
ويعطيكم العافة

اهداء لكم هاذي القصيد وسعووووووووووووصدوركم













قصيده فلله..ههههههههههه‏











حــتــى وردنـي تالـي الـليـل جــوال

وانا على شاهي وبسكـوت ديمـة

الرقم بايخ لكـن الــصــوت قــتـال

كنــه مثل صـوت المذيعـة حليمـة







قــالت مساء الخير يـا طيّـب الفـال


قـلـت ارحــبـي تــرحيبـةٍ مستديمـة

بـالـعــود والصفـري ودلـة وفنجـال

واجـبـك يا بنت الأصـول الكريمـة

وردت بضحكة ثم قالت وش الحـال؟

قلت اشهد إن الحال عقبك سقيمـة

قالت وهي تضحك بعد مثل الأطفال

وانـــا بـعـــد كــنــي بــدونـك يتيمـة

مـــن يـوم قـالـتهـا تزلزلـت زلـزال

مــن فجعتي كنـي مسـوي جريمـة

قلت ارفعي صوتك ترى مابه ارسال

كـــذاب لــكـنّ المصيبـة عظيمـة

قالت أقول اسمع ترى هرجنـا طـال

مــمكـن تصاحبنـي ترانـي وسيمـة

واسمي الحقيقي أول حروفـه الـدال

لــكـــن يسمّونـي البنـات الزعيمـة

صحيح أحب الفخفخة واعشق المال

لكـن ترانـي طــاهــرة مستقيـمـة

ما عندي امغازل ولا( لعب يهّـال (

ما عندي إلا في الشرف والحشيمـة

بس الصراحة قلبي لشوفتـك مـال

واصبحت وحدك جالسٍ في صميمه

فكّر بعقلك واترك القيـل والقـال

واحذر تطيع اهل العقـول العقيمـة

وارسل علي الحين خمسميـة ريـال

أشحن بهـا جـوال أختـي غنيمـة

أو طقم غالي فيه خاتـم وسلسـال

أروح بـه فـي عـرس ولاّ عزيمـة

قلت الحقيقة مانيب رجـل أعمـال

ولانـي بتاجـر والمـوارد عديـمـة

أنا الصراحة شبـه عطّـال بطّـال

وعلاقتـي بالفــقـــر جـداً حميـمـة

والراتب الله يرحم الحـال مـا زال

محـدود والمصـروف ربـي عليمـه

والــديـن بـالآلاف والبنـك شغّـال

يــاكـل فـلـوسـي بالربـا والظليمـة

والسوق طايح والغلا ضيّـق البـال

والموت والله صايـر اكبـر غنيمـة

قالت تحمّل بـس والحمـل ينشـال

خلك شديد الباس صلـب العزيمـة

ياخي تصرّف جعلك اتصيـر نشّـال

أهـــــم شــي إن النوايـا سليـمـة

لابــد تـفـهمني علـى كـل الأحـوال

ما دمت من أهل العقـول الفهيمـة

قلت إيه والله فاهم اللي على البـال

لــكــن تــرى هـذي علينـا قديمـة

يــا بـنت هـذا صايـر اليـوم مـوال

للي تبي تلعب علـى ابـن اللئيمـة

يا بـنــت ما تدرين كـم فيـه محتـال

يلعب على الحبلين وانتـي غشيمـة

يا بنت كم من جاهلة دمعها سـال

من عقب ما جات العواقب وخيمـة

والبنت لا اقتفى عرضها بيد الأنـذال

والله مــا يــبـقـى لهـا أي قيـمـة

قالت تبي ولاّ فـ خـلّك علـى جـال

مهوب ناقصـني نصايـح حكيمـة

عز الله إنك للأسف منـت رجّـال

وانك قليل الذوق ما فيـك شيمـة

يا لعنبو اللي مـا يسطّـرك بنعـال

حــتـى يـعـلمـك الغـزل يـا بهيمـة

)تفو ) عليك وصكّت الخط في الحال

مدري ( تفو ) هي مدح ولاّ شتيمـة

^
اللـه يصلحك بس
النـاس تفكيرهـم بدرااسـه وطموح وانت بهالسوالف استر ع نفسك ياخووي