المشاركة الأصلية كتبت بواسطة شرفة أمل
السلام عليكم .... الأعضاء الكرام .. .
ممكن تقولولنا وين نروح لهم ؟ أبي كروكي لهم !!
بحثت عن كروكي للمؤسسة طلع لي هذا /
حي المربع تقاطع شارع الوشم مع طريق الملك فهد
هل هو صحيح ؟؟
وشكراً ,,
طريق الملك فهد تستطيعين الوصول إليه من أي مكان في الرياض لأنه ممتد من جنوب الرياض إلى شمالها
وإذا تقصدي كلية الاتصالات والمعلومات
خليك مع طريق الملك فهد حتى تكون على يدك اليمين الفيصلية ثم المملكة وإذا عديتي الفيصلية والمملكة بعدها خليك متابعة مع اللوحات الإرشادية التي بالأعلى حتى تقرأي طريق الامام سعود بن عبد العزيز بن محمد
راح توضح لك اللوحة الإرشادية إن طريق الإمام سعود بن عبد العزيز مخرجه يمين بعد كذا كيلوا
تخرجين معاه ومن ثم تواصلين السير وخليك على الخدمة راح تجيك الاتصالات السعودية بعدها تجيك الكلية
هذا إذا لم تخونني ذاكرتي والله أعلم .
بالنسبة لموقع المؤسسة العامة سهل أيضاً من خلال طريق الملك فهد تستطيعين الوصول إليها
إذا كنتي من خارج منطقة الرياض عندي لك طريق مختصر وسهل وريحي دماغك من الاشارات وزحام السير
أول ما تدخلين الرياض راح تشاهدي الكبري المعلق يمين وسيده طريق يوصلك لحي السفارات وهو الطريق السريع اللي يوصلك الدمام .
المهم خذي يمين على الكوبري المعلق وخليك معاه على طول بتمشي مسافة طويلة بس ما يهم طول المسافة
تدرين ليه ؟
لأنه طريق سريع لا زحام ولا وجع راس بس انتبهي من ساهر
المهم بعد ما تمشي مسافة راح بيجيك على يمينك سوق الهرم كبير
بعد سوق الهرم بتعدي من تحت ثلاث كباري بعد ثالث كبري راح يجيك تفرع للطريق السريع اللي انتي ماشيه فيه وراح يكون كالتالي :
يمين / سيده \ يسار
يمين يوصلك حي الشفا
سيده يوصلك لحي العزيزية والنقل الجماعي
ويسار ينزلك لطريق الملك فهد
بعد ما تنزلين طريق الملك فهد خليك ماشيه راح تشوفين مبنى المؤسسة على يمينك واضح أطلعي مع أول مخرج بعد ماتشوفين مبنى المؤسسة وأعتقد إنه مخرج الوشم والله أعلم
المهم أول ماتشوفين مبنى المؤسسة من بعيد وهو كالتالي
أطلعي مع أول مخرج
بعد ما تطلعي مع المخرج راح تجيك إشارة عديها سيده وخليك سيدة راح يكون مبنى المؤسسة على يدك اليمين خذي أول دخله يمين وراح تواجهين البوابة الرسمية للمؤسسة وهناك مواقف داخلية ومواقف خارجية وبالتوفيق .
هذا إذا كنتي جايه الرياض بر بالسيارة .
لكن إذا كنتي جايه جو ( طيران ) الوضع يختلف لكن شيء بسيط وهو كالتالي :
أطلعي مع المطار وخليك سيده وسيده في سيده وقولي ياليل مطولك طبعاً بتجيك اسواق آخر سوق هو سوق المجد ممكن ما تعرفيه لكن اول ماتشوفين مسجد الراجحي مسجد كبير راح يكون على يدك اليسار
( الحمد لله ماشاء الله لاحول ولا قوة إلا بالله العلي العظيم اللهم زد وبارك ).
مثل ماذكرت راح يكون على يدك اليسار وانتي جايه
خليك سيده بعدها خليك مراقبة اللوحات الإرشادية التي باللون الأزرق بالأعلى أول ما تقرأين مخرج 18 على طول اطلعي معاه يمين <<< لا تسيدي وتتوهقين ما يردك طال عمرك إلا وادي الدواسر !!!
المهم بعد ماتخرجين من مخرج 18 خليك سيده لين يجيك كوبري برضه خليك سيده من فوقه وخليك ايضاً سيده راح يجيك على يدك اليمين سوق الهرم كبير وبعده سوق الشامل الشامل وعلى يدك اليسار سنتربوينت خليك سيده في خطك راح تطلعي فوق كبري برضه خليك سيده بعده بشوي راح يتفرع الطريق اللي انتي فيه إلى ثلاث تفرعات :
يمين / سيده \ يسار
خذي يمين طريق الملك فهد وخليك سيده ومثل ماقلت لك أول ماتشاهدين مبنى المؤسسة اطلعي مع اول مخرج راح تواجهك إشارة عديها سيده وخليك سيده راح يجيك مبنى المؤسسة على يدك اليمين أول دخله على يمينك أدخلي منها
هناك البوابة الرسمية للمؤسسة ، وبالتوفيق .
إذا الشرح مو واضح أو هناك أي استفسار فنحن مستعدون ونتمنى من زملائنا أهل الرياض يوضحون لنا أكثر .
بالإمكان أن أختصر مجمل ما كتبت سابقاً بذكر أسماء الطرق والمخارج فقط التي توصلك إلى المكان المقصود ، ولكن ذلك لن يجدي بكم نفعاً إلا إذا شاء الله عز وجل .
بالتوفيق للجميع . وكونوا دائماً سيده ..
حسام الغامدي January 30th, 2011, 12:25 AM
LinkBack URL
About LinkBacks
كل يوم اقول بكره ... لكن عن التحويل احول من المطار واريح راسي لكن الكمبيوتر انا اشتريت كمبيوتر جديد ...
يسعدلي ايامك يا اسماعيل بس في (ملاحظة ما قيرتها في الطلبات
ما قالولنا من فين نأخذ التذاكر او وين نروحلهم ما قالو شي)