حوار تجمع طلاب ايـرلـنـدا .. [ المرحلة الثانية ]

يا شباب ترى مستر اكرم لاتوجد لديه كافة وسائل الإتصال لكل الطلاب
فرجاء اللي ماوصله يرسله ايميل ويذكره لان لما ارسلت ايميل له رد علي بعدها

السلام عليكم ..
يعني بالله الى متى واحنا على هالمنوال مابنخلص من كثرة الوسوسة والقلق ..
اسمعوا عاد الكلام اللي يجمد ع الشارب .. بما ان بعض الشباب ماتعاونو معنا وسبقونا بالارسال مضطرين انا نرسل مثل ما ارسلوا ونعيد ارسال الرسالة ( الابلكيشن + الوثيقة + السجل الانجليزي )..عشان مايقول اكرم انه في اهمال من بعض الطلاب ..
ولاتنسون اضافة هالرسالة عشان تكون موحدة بيننا :

Dear, Akram
Re-send the message to you and attach academic record
At the request of TVTC
Thank you for your interest in Us

طبعا ترجمة الرسالة ( عزيزي اكرم .. تم اعادة ارسال الرسالة مع ارفاق السجل الاكاديمي بناء على طلب المؤسسة . شكرا لإهتمامك بنا )

ونا أولكم راح اعيد ارسال الرسالة الحين واتمنى الكل يتفاعل ويرسلها مايبيلها فلسفة حط السجل ع الاسكنر وارسلها .
ارجو ارجو ارجو ان الكل يتفاعل ويستعجل في اعادة الرسال الرسالة . خلونا نخلص ويجينا القبول ونرتاح من هالقلق حقين كندا بيسافرون بعد 10 أيـــــام واحنا باقي في وش نحط وش نكتب وش نرسل .. والمشكلة كل شي واااااضح ..

اما بالنسبة للرقم فهو الرقم الاكاااااااااااااااااااااااااااااااااااااااااااااد يمي حق الكلية اللي انت درست فيها ولو يبون السجل المدني كان كتبوا ID Number
وبعدين الاخ (المعتمد ) ارسله اكرم رسالة بخصوص الرقم وقاله الرقم الاكاديمي
( يعني لازم يحلف بالله مثلا عشان تصدقونه )..لان الرقم مطابق لرقمك في الوثيقة وفي السجل ..

أما بخصوص الاخت ( سنفوره ) ليش ما ارسلتي الى الحين وبعدين تقولين انه مرسلك رسالة يقلك استعجلي .. واصلا انتي مختفية عن التجمع لك فترة مانشوفك ..الكل هنا ارسل الاوراق وانتي ماسويتي اي شي ...
ياريت لو ترسلينها اليوم قبل بكرة (وثيقة التخرج + السجل الأكاديمي بالانقليش + الابلكيشن ) ..
اما بخصوص وش تكتبين في الابلكيش >>> الترجمة نزلها الاخ ksa واصلا واضحة مايبيلها ترجمة اهم شي بياناتك الشخصية وفي الاخير مكان التوقيع اكتبي اسمك والتاريخ .. طبعا زي ماهي في الوورد بدون ماتطبعينها ..

اخيرا اخواني( الوحيد ) و( ابن عبود ) ترى مافي الا انتوا اللي هنا اعتمد عليهم ولايهونون باقي الاخوان تكفووون استعجلوا في اعادة الارسال ..اليوم قبل بكرة .. ولاتنسون الرسالة اللي كتبتها لكم بالانقليش من شان تكون موحده بيننا ويعرف انا ارسلناها له قبل كذا ..
تكفووووووووووووووووووووووووووووووووووووووووووووووو ووون...

انا ارسلتها خلاص..

فمان الله ..
انا موجود هنا الى الساعة 7 الصباح ..

حبيبي فيصل شوف ...
كلامك على العين والراس وما قصرت وبيض الله وجهك ولا ودي اردك ...لكــــن.!
انا يوم اتصلت عليه قال انت ارسلت {الوثيقة قلت نعم وشهادة اللغة قلت نعم والابلكيشن قلت نعـــــــــــــــم}
وقال خلاص شكر ومع السلامه ..وطق وسكرت ...


لان اذا كل واحد ارسل رساله ثانية راح تسبب عليه زحمــــــــه في الرسايل ...
فأنا اقترح اللي باقي ما ارسل مثل {سنفوره } تطبق اللي قلت عليه انت ..
آما اللي ارسل ورد عليه اكرم برساله شكر فأتوقع ما يحتاج يرسل مره ثانية ...صح كلامي والا غلط .!
وبعدين المؤسسة نزلت التعليمات للي باقي ما ارسل او ما عنده خبر ...
واذكر اني اتصلت على ادارة البرنامج وقلت لهم اي شي يقول لنا المنسق نسوية على طول..قال ايوه
لازم تتبع المنسق ...والمنسق عنده خبره يعني لا تعتمد على المؤسسة اي شي يقوله المنسق سوه انت ..!

{على كل حال ما ودي اضيق بخاطرك وانت عزيز وغالي عندي ...الاختلاف في الرآي لا يفسد للود قضية .....}