تجمع المبتعثين لبريطانيا للمرحله الثانية

السلام عليكم ورحمة الله وبركاته

جامعة داربي من ضمن الجامعات الي كانت مستهدفه من معظم الطلاب الخليجيين في بريطانيا .. لعدة أسباب

الجامعه تساهلت في مسئلت شرط القبول وهو الشرط الاساسي الي يكون عقبه لجميع الطلبه في الدخول للجامعه

الجامعه زادت شهرتها بالسهوله والتهاون ابتداء من قسم الهندسه عندهم اول دفعه كانت تملك نصيب الاسد كانو طلاب من دولة الكويت

دخلو جميعهم الهندسه من غير اي تحقيق لشرط اللغه والجامعه كذلك تمتاز في المعادله بشكل خرافي اي بمعني انت حاصل على دبلوم

راح تاخذ السنه الاخيره مباشره ومن غير اي نقاش وكذلك لو كنت دارس مواد سابقه في اي جامعه مهما كانت يتم معادلت المواد لك

بالنسه للهندسه والحاسب الالي الدراسه بالبركه معظم الطلاب يقولون يالله السلام وجميعهم تخرجو الا من كان في حالة استثنائيه

عدم حضور اختبار او اي مشكله اخرى لكن مجرد حضورك واختبارك راح تنجح.

بالنسبه للأقسام الاداريه عندهم مثال ادارة اعمال او ماليه الخ .. القسم هذا مشدد نوعآ ماء لكن كل ماعليك الالتزام في الحضور

وان شاء الله امورك ميسره.

طبعآ الضجه الي طلعت على داربي من ناحية القبول نعم صحيح هذا الشي بناظر عيني ولا انقل من احد السنه السابقه تم قبول معظم

الطلاب من غير شرط ايلتس او اي شرط اخر فقط كانو يعملون حاجه مثل التغطيه ويقولون لازم تتجاوز الاختبار المخصص في الجامعه

طبعآ كان الوضع ( كوسه ) يعني يجمعون الطلاب المتقدمين في المكتبه ويكون المشرف عليهم الدكتور المسؤال عن الطلاب العرب

وهو دكتور سوري الجنسيه ولا يحتاج شرح اكثر اتوقع واضح الوضع ..

طبعآ الجامعه عانت السنه الاخيره من عدة مشاكل منها عدم حضور الطلاب شكاوي عديده من قبل الطلاب الاجانب اعتراض على

الطلاب العرب بسبب عدهم فهمهم وعدم تحدثهم اللغه الانجليزيه ولا بشكل اساسي ...

الجامعه هدفها تجاري ولا يعنيها مايقال وماذا يدور طالما فيه دخل مادي فهذا الاهم ...

السنه هاذي تم توقيفها من قبل اللملحقيه السعوديه ضمن اللسته التي تتم طرحها من قبلهم ..

الجامعه من دخلها اعتبره متخرج أنا ان شاء الله دون اي شك حتى لو كان فيه رسوب راح يعمل ريست وينجح..

معظم الطلاب منصبين على اقسام الهندسه بشكل لايصدق بجميع تخصصاتها ..

الطلاب العرب الي تم تخرجهم من الاقسام الاداريه فقط 2 للسنه الي راحت شخص سعودي وشخص كويتي..

الطلاب العرب الي تم تخرجهم من اقسام الهندسه عدد لايحصى حقيقه ولا عندي معلومه كم لكن عدد كبير ..

الطلاب العرب الي تم تخرجهم من الحاسب الالي برضو عدد لايحصى ..

بشكل اوضح واسلوب عامي الجامعه تعتبر اي كلام وفرصه للي يبي يتخرج ويخلص يلجاء لها فهي الخيار المناسب..

المدينه مثل ماتفضلو الاخوان سلفا جميله وصغيره واحلى مافيها جايه سنتر يعني مابين لندن ومانشيستر ..

لندن 1:15 بالقطار .. نوتنقهام 15 دقيقه بالقطار .. برمنقهام 45 دقيقه بالسياره وكذلك القطار تقريبا .. ليدز 1 ساعه تقريبا ..

المصدر: http://www.mbt3th.us/vb/forum66/thre...#ixzz14KKjG0ze
حفاظاً على حقوق الكاتب نرجو عدم حذف المصدر مبتعث