تعرف على برنامج [ خادم الحرمين الشريفين للابتعاث الخارجي لأعداد المدربين التقنيين ]

التقديم اعتقد بشهر ٨ اخر الشهر يعني يمديك ان شاء الله

للاسف ماتوقع لان الاختبار 30مايو والتسجيل ف الابتعاث 24 مايو
يبدأ الاتسجيل وانا ماختبرت ..
هل فيه طريقة اخير موعد الأختبار؟؟

ما اعتقد بس اذا فيه اختبار قبله ممكن تقدمين عليه حتى لو كان بمدينه ثانيه. دراستك تستاهل

المشكله طلب اختبار الايلس هذا شي جديد ما اقدر افيدك فيه ، اقصد ما ادري اذا يطلبون منك درجتك بالايلس وقت التقديم ولا وقت المقابله .
لكن الارجح انهم راح يطلبون درجة الايلس وقت التقديم عشان القبول يكون بناءاً عليه

السلام عليكم

انا ابغا اسجل في ابتعاث المؤسسة 2015
وكل ما احاول ارفع الملفات المطلوبه يقولي فيه خطأ في رفع الملف ؟
مع العلم ان الملف مستوفي الشروط , رفعته pdf و jpg واقل من 4ميقا وجربت كل حاجه مع ذالك مانفع ؟

الي عنده حل يساعدني الله يعافيكم

السلام عليكم

الحمد لله تم اعلان عن اسماء المرشحين للابتعاث على الرابط

ط¥ط¯ط§ط±ط© ط¨ط±ظ†ط§ظ…ط¬ ط®ط§ط¯ظ… ط§ظ„ط*ط±ظ…ظٹظ† ط§ظ„ط´ط±ظٹظپظٹظ† ظ„ظ„ط¥ط¨طھط¹ط§ط« ط§ظ„ط®ط§ط±ط¬ظٹ ظ„ط¥ط¹ط¯ط§ط¯ ط§ظ„ظ…ط¯ط±ط¨ظٹظ†

الحمد لله اولا واخيرا

نرجو من الي عنده معلومات عن الاختبار و المقابله الشخصيه ووضعها كلها هنا ليستفيد الجميع ..

مبرووك لكل المقبولين ،، وعقبال القبول النهائي، اللي ما انقبلوا ان شاء الله خيرة ، يعوضكم الله باللي احسن بإذن الله.
اللي يحتاج اي مساعدة انا في الخدمه .
بالتوفيق للجميع

الله يبارك فيك اخ سليمان وان شاء الله خير للجميع

المقابله والاختبار بعد اسبوع تقريبا وياليت الي عنده معلومات عن المقابله او الاختبار نناقشها هنا حتى نكون مستعدين لها باذن الله

وبالتوفيق للجميع وشكرا مقدما اخ سليمان على المتابعه من قبل يفتح التقديم بسنه واكثر واحنا نستفيد منك والى هذه اللحظه معنا جزاك الله خير على حب المساعده

المقابلة امرها سهل ، ان شاء الله كلكم تعدون فيها ..
بس حاولوا ما تتوترون ولا تخافون ،، بالبدايه راح يسئلونكم ثلاث اسئلة تقدرون تقولون سخيفه . ما لها شغل بالتخصص ، اذكر سئلوني عن وش اثقل كيلو قطن ولا كيلو حديد وسؤالين رياضيات معادلة من الدرجة الاولى وقسمة بجذر تربيعي ،، طبعاً الاسئله تختلف من شخص لاخر لا يجي احد يقول ما سالوني نفسك، بس اعطيكم فكره عن المقابله
.... يتبع

بعدها تبدا اسئلة التخصص ،، راح يسالونك وش درست وش المواد ،، لا احد يتفلسف ويذكر مواد ما عنده خلفيه كافيه عنها ،، ترى راح يسالونك عن الاشياء اللي تذكرها بس انتبهوا للملاحظه هذي ترى مهمه !!.