تعرف على برنامج [ خادم الحرمين الشريفين للابتعاث الخارجي لأعداد المدربين التقنيين ]

هلا اختي ..
اتوقع الاخوان جاوبك علي .. راجعي رد الاخت شرفة امل .. فما في خاطري لك مشابه لما اجابت عليك به ..

يسلمكم ربي اخواني ..
ونحن هنا لتقديم العون والمساعدة لكم ..

يا هلا اخوي ..
تسلم يا بعدي ..
انا من مبتعثين المرحلة الثانية الى استراليا وبأذن الله كلها كم يوم واسافر ..
لاتنسانا من دعواتك ..
لا شكر على واجب ..
شاكر لكم مروكم هنا =)
هلا بحبيبي علي ..
تسلم يا اخوي وصديقي =) ..
وابششر لعيونك تم تثبيت الموضوع ^_*

يعافيك ربي ..
ومشكور على مروركم هنا =)

الكلمات تعجز عن شكرك اخوي محمد على مجهودك

اوضحت لنا الخطوات المتبعه في اجرائات الابتعاث اثناء التسجيل والمقابلة وبعد القبول النهائي وحتى مايستلزم علينا بعد التخرج وانهاء الابتعاث

وحصرت التساؤلات التي يكررها الاعضاء بالمنتدى

موضوعك هذا يعتبر مرجع لكل من اراد ان ياخذ تصور عن الابتعاث او يفكر يلتحق بالبرنامج

اسال الله ان ييسر لك امورك اخي وامورنا كما يسرت علينا هذا الموضوع الشيق


واتمنى اذا تكرمت لي تذكر لي الاجرائات من تاريخ فتح البوابة حتى صدور امر الاركاب كم تاخذ من شهر؟

هلا اخوي ..
تسلم لي اخوي .. واتمنى ان يكون هذا الموضوع مثل ما وصفت ..

بالنسبة للوقت الي اخذته الاججراءات ..
14 يوم تم فتح البوابة الالكترونية للتسجيل ..
بعدها بيومين تم طرح اسماء المقبولين للمقابلات الشخصية .. وكانت المقابلة الشخصية بعد 4 اسابيع تقريباً لان كان وقت اجازة رمضان ..
بدأت المقابلات بتاريخ 16\10 يوم السبت .. الى اخرر يويم في نفس الاسبوع .. ونزلت نتائج الي عدوا المقابلة باخر يوم من المقابلات الي هو يوم الاربعاء .. 21\10

برنامج التهيئة بدأنا فيه على ما اذكر بعد المقابلات بأسبوعين .. اتوقع بتاريخ 5\11 ..
وخلصنا بتاريخ 2\12 ..

بعدين هنا يجي كل واحد على موعد بدأ دراسته في الجامعة الي ترشح لها ..
يعني كندا سافروا اول ناس لان دراستهم تبدأ في شهر 1 انجليزي .. وبعدهم نيوزيلاندا وكوريا يبدأون في نص شهر 1 ..
يعني بعد برنامج التهيئة خلاص كل ناس يتواصلون مع المنسق حقهم وهو بنفس راح يقول لهم متى موعد بدأ دراستهم ومتى موعد سفرهم المتوقع ..
لان انا المنسق حقي قالي من ايام برنامج التهيئة ان السفرر تقريباً في 14\2 .. وفعلاً صار بنفس الوقت ..

واقولك شي اذا انقبلت بالمرحلة الجاية بأذن الله .. اتوقع خلال شهرين فقط راح تكونون خلصتوا كل شي بأذن الله ..

بالتوفيق لك

مشكور على رحابة صدرك وتجاوبك مع استفساري

اجابتك ريحتني كثير والله يكتب لنا اللي فيه الخير

يعطيك العافيه

استفدت من هذا الموضوع ما قصرت يا الغلا

عندي استفسار

انا خريج كلية تقنية وما دخلت دورة الانجليزية لانها 3 أشهر يعني يجي موعد التقديم للابتعاث وانا باقي ما انتهيت الدورة فلذا لم اقدم

هل سيتم قبولي أو لا بسبب الدورة الانجليزيه ؟

--

وبالنسبة للمرافق سيكون باذن الواحد الاحد مرافق معي قريب لي ما المطلوب منه ؟

--

لك ودي واحترامي

يعني البرنامج يتفح مرتين في السنه في شهر ربيع وشهر رمضان ؟؟؟

اذا يفتح في رمضان راح انتظر واخلص دورة الانجليزي واقدم في المرحله الثانيه اضمن لي من اقدم الحين بدون برنامج اللغه ؟؟

وياليت تفديدني وتعطيني النصحيه ياخوي محمد والف شكر لك

وعليكم السلام ورحمة الله وبركاته
راح يتم قبولك اذا لم يكون هناك اشخاص اعلى منك بالمعدل اخوي ..
وبالنسبة للمرافق .. المبتعث ما ياخذ معاه مرافق .. بس زوجته وعياله ..
اما المبتعثه تاخذ معها محرم لها .. سواء اب او اخ او عم او خال ..

بارك الله فيك عالتوضيح الأكثر من رائع،

شباب أبي أسأل بالنسبة لمراحل الإبتعاث المسبقة

كم واحد من طلاب كلية الجبيل وينبع الصناعيتين أنقبلوا في البرنامج؟

لأن سمعت ياخذون من كل تخصص طالب واحد فقط

من لدية علم في هالموضوع أتمنى يزودنا بالمعلومات

وشكراً