تعرف على برنامج [ خادم الحرمين الشريفين للابتعاث الخارجي لأعداد المدربين التقنيين ]

السلام عليكم

عندي استفسار ، الاتن اعلنوا اسماء المرشحين لبرنامج التهيئه وفيه مقابله قبل دخول البرنامج ؟ وش بتكون عنه المقابله لغه؟ عن التخصص ؟ اذا فيه احد جربها ياليت يفيدنا .

- - - مشاركة محدثة - - -

قبل شهر تقريبا انتهينا من المقابلات الشخصية ^ اخ سليمان .

مين قالك في مقابله قبل البرنامج ؟

المقابله والاختبار خلصنا منها ولله الحمد وبرنامج التهئية عباره عن تتعرف على الدول وعن الابتعاث الخ..

بس الي بعرفه ان برنامج التهئية وش يحتاج اوراق؟ ومتى الكشف الطبي والادلة الجنائية؟

مكتوب ياخوك موعد المقابله ومحدددين يوم .. للامانه مادري هل فيه او لا .. يمكن تصفيه ويمكن لا ، بس ننتظر يرسلون على الايميل او بنكلمهم بعد العيد نتاكد .. العاده يطلبون لااادله وجواز هالمره لا .

نسال الاخ سليمان عن برنامج التهئية وش يحتاج اواق وكم مدته ومتى سوو الكشف الطبي والادلة الجنائيه وهل في تصفية ومفاضلة ؟

السلام عليكم ،، اسف ع التأخير انشغلت الفتره الاخيره. كل عام وانتم بخير وتقبل الله صيامكم وقيامكم.

برنامج التهيئه عبارة عن دوره لمدة اسبوعين ، زي ما تقول دوره تعريفيه عن البعثه واذا صار لك ضرف لا سمح الله وش المفروض تسوي ، وراح يعلمونك بعض اطباع الناس براا ومن هالكلام.
راح يكون فيه اختبار بالاسبوع الثاني لكن لا تخافون لانه تقريباً مافيه رسوب.
اهم شي بالدوره هذي هو الحضور ، احتمال غياب واحد تلتغي بعثتك فكونوا حذرين.

اما بالنسبه للكشف فالوضع امره سهل ان شاء الله فحوصات روتينيه وكشف ع الصدر . بالنسبه للفتره اللي تحتاجها عشان تسوي الفحص فهو يعتمد ع المدينه اللي انت فيها ، فيه ناس سووه بثلاث اسابيع وفيه ناس بيوم واحد مثل وضعي .
اما بالنسبه للادلة الجنائيه فهو سهل وبالكثير راح ياخذ ثلاث ايام اعتماداً ع المدينه بعد لاني رحت الساعه ١١ وخلص بعد صلاة الظهر .

اما بالنسبه للمفاضله والتصفيه فهذا مافي منه شي ، انا ابشركم جميعاً حالياً تعتبرون مبتعثين الا!! اذا صار تقصير منك يعني الرفض يجي منك مو منهم .

بالنسبه لمتى سوينا الكشف والادله ، انا سويته بعد المقابله الشخصيه .
فيه شي ضروري لا تنسونه، اللي هو الاسم بشهاداتك الثانويه والتقنيه لازم تكون مطابقة للجواز ترى هذا شي ضروري .
اما بالنسبه للي يبغى يعدل شهادة الثانوي ، هذي من ادارة التعليم التابعه لمدينتك تروح قسم الخريجين وتعلمهم ، راح تاخذ منك يوم تقريباً.

بالتوفيق للجميع و اي اسئله انا بالخدمه.

السلام عليكم ..
يا جماعه بشروني كيف اوضاعكم

بالنسبه لخرجين كليات التميز ، هل تشملهم البعثه ؟

على حد علمي ان الابتعاث لخريجي الكليات التقنيه وكليه الجبيل وينبع الصناعيه فقط

كليات التميز او الكليات العالميه تابعة للمؤسسة العامه للتدريب التقني والمهني .. حتى شهاداتنا من عندهم ، وبما اننا اول دفعة تخرج مافي اي امل نلتحق بالبعثه ؟

سؤال ثاني ، هل فيه اي رقم تواصل للمؤسسة ممكن يفيدني من هالناحية ؟

اذا كانت تابعه للمؤسسه ، ممكن يكون مسموح الابتعاث لكم .
هذا ايميل برنامج الابتعاث للمؤسسه
kasptt@tvtc.gov.sa
ممكن يفيدونك
بالتوفيق للجميع