حوار تجمع طلاب وطالبات المرحلة الثانية (2011) / الدفعة الأولى للأبتعاث الخارجي

الله يعطيك العافيه أخوووي محمد العـآني

ماقصرت والله

واتمنى لك التوفيق في حيـآتكـ إن شاء الله

أخوي محمد العاني

أنا عندي الأسم في الجواز و الوثيقة
أول شيء عندي اللقب وبعد اللقب في فاصلة
ماقدرت أضيفها لازم يكون في أسم بعدها عشان تضبط
هل مهم جداً أضيف الفاصلة؟
أو أكتب في الخانة الأولى اللقب و أسمي مع بعض عشان تجي ؟

أرجوا الرد

وشـــــــكراً

ياغالي هم معطينك خانة لاسمك الاول وخانة لاسم ابوك وخانة لاسم جدك وخانة للقب اللي هو اسم العائلة

كل فراغ اكتب فيه الاسم اللي يناسبه وخلاص الفاصلة وترتيب الاسم هذي من عندهم انت بس حط كل اسم بالمكان المحدد له

مثل خانة الاسم الاول تكتب نواف اسم الاب تحط اسم ابوك

لاتعقدها

انا ترتيبي

بريطانيا - استراليا - ايرلندا - امريكا - كوريا - كندا - نيوزيلندا

بريطانيا اخترتها لاني احب جوها اعشق اللهجه البريطانيه بالاضافه الى ان شهادتها قويه لكن عيبها غاليه
استراليا حلوه ورايقه جوها رايق مافيها تعقيدات وغاليه بس مو مره ومكافاتهم حلوه 3000 دولار استرالي افكر احطها الاوله
ايرلندا قويه في مجال الحاسب والشبكات الالكترونيات بشكل عام لكنها غاليه بعد بس اكيد كل مدينه تختلف عن الثانيه
امريكا ما أحبها بس فضلتها على كوريا اللي ما ادانيها و كندا اللي احبها بس مااتحمل بردها ونيوزيلندا لا تعليق

شباب و شابات المرحله هذي عندي كم معلومه جديده وصلتني من مصصصدرها

واتحمل مسؤولية هالكلام

أول شي بالنسبة للي يقول لازم الاسم يطابق الجواز بالانقليزي طبعا هذا صحيح باختصار الاسم الثالث يعني حرف واحد بس
ولو كانت وثيقة تخرجك الاسم الثالث مو مختصر عادي مو مشكله اهم شي الاسم الاول والثاني والعائله بس الهدف من مطابقة
الاسم للجواز بالانقليزي اللي في بيانات التسجيل هو على اساس ان يكون الضمان المالي بنفس اسمك بالجواز .

ثاني شي في واحد قالي اسالهم عن تعارض برنامج اللغه و برنامج الابتعاث فـ لو كنت مسجل ببرنامج اللغه وسجلت ببرنامج الابتعاث
ماتقدر لازم تسحب اوراقك كلها مايعطونك نسخه ف راح تتورط ممكن مايقبلونك بعدها تخسر الاثنين فنصيحتي لك انتظر لين تخلصها
لان بعد 5 شهور راح يفتح التسجيل بالبرنامج مره ثانيه .

ثالث شي برنامج الابتعاث النسخه الجايه اي واحد ما عنده برنامج لغه حق الكليه الموقع تلقائيا يرفض تسجيله مايسجلك اصلا
فـ نصيحتي لكم سجلوا ببرنامج اللغه للنسخ الجايه واللي مسجل فيها الحين لا يخاطر ممكن يخسر الاثنين على طول .

رابع شي اللي هو برنامج التهيئه ممكن في اول يوم او ثاني يوم او حتى ثالث يوم يكون فيه اختبار لغه مثله مثل التوفل وزي كذا
لكنها ما تحدد قبولك ورفضك بالبرنامج لا طالما انت تجاوزت المقابله الشخصيه خلاص انت وضعك فالسليم

بس الهدف من الاختبار انا اقولكم لو جبت 4 او 4 ونص وفوق تقدر تروح بريطانيا كندا امريكا يعني الدول القويه , لو جبت اقل من هذي الدرجة راح تكون كوريا نيوزيلندا والدول هذي

بناء على الدرجة راح تطلع الفيزا على سبيل المثال واحد جايب 3 ويبي يقدم على الفيزا البريطانيه السفاره ترفض على طول
وتدخل في تعقيدات وتأخر على نفسك وقت انت محتاجه فـ هم وش يسوون من نفسهم يشوفون الدول اللي تقبل درجتك ويودونك لها
و هذا رد على اللي يقول المؤسسة يودونك على كيفهم لكن فالواقع درجتك وخبرتك الانقليزيه هي اللي توديك

و طبعا لو تعديتوا 4 او 4 ونص راح يودونكم بناء على الرغبات اللي اخترتوها

ف النصيحه اللي يطمح لدوله كبيره ماله الا انه يستغل هالفتره ويثقف نفسه اهم شي القرمر


وأيضا المؤسسة في صدد توقيع اتفاقية مع الصين وكم دولة ثانيه يعني احتمال الاسبوع الجاي تشيكون على الرغبات تحصلون
الصين موجوده واحتمال كبيره تكون في النسخ القادمه ..


هذا والله اعلم ..

مصدري الخاص ..

دعواتكم بالتوفيق

والله يوفق الجميع

يعطيك العافيه اخوي

تسسسلم أخوي على هالمعلومـآت المهمه

وإن شاء الله يستفيدوا منهـآآ المتقدمين

يعطيك الف عافيه يالغالي

الحمدالله طلاب كلية الجبيل الصناعيه وينبع ماعندهم مشكله في اللغة

والدورة المكثفة مو مطلوبه منهم

بس المشكله انهم مايخذون الا من كل تخصص واحد

الله يوفق الجميع ان شاء الله

ربي يعطيك الف عافيه اخوي على هالمعلومات الحلوه

الله يوفقكم ان شاءلله وترا الامور تمشي

زي اللوز وياكم لاحد يشيل هم

اخوكم مبتعث الى بريطانيا مدينة داربي