حوار تجمع طلاب وطالبات المرحلة الثانية (2011) / الدفعة الأولى للأبتعاث الخارجي

عيد حبيب قلبي والله آسف ما انتبهت لتهنئتك المره الاولى . طالبك العذر والسموحه . قسم ما انتبهت . لاني مدووش ومخبص اموري خلها ع ربك ههههههه
الله يبارك فيك حبيب قلبي . وعسى الله يعوضك خير . والله جالس ادعي لك بضهر الغيب ان ربي يرزقك بأفضل من البعثه. وترا حنا متوترين عايشين حالة هلع والله احرمتنا من لذة النوم. لسى ما تحقق شيء
يعني انا قسم حاط نسبة 80 بالمئه ما اجتاز. بس يالله دام الامل موجود نمشي معاه.
الله يبارك فيك . الله يبارك فيك

خخخخخخخخخخ لالا عادي مقدرين القروشة اللي انتم فيها يلا عقبال مانبارك لجميع المقبولين باجتياز المقابلة باذن الله

سلااااااااام عليكم ....
كيفكم شبااااب ... ؟
..
.
الحمد لله انقبلت وسويت مقابلة شخصية .... ان شاء الله ... نكون من المقبولين بأذن الله .... ( دعواتكم )
..
.
بس فيه شي انا مستغرب منه ( اختبار الانقلش ؟؟؟ ) ما كان موجود مع ان اصحابي الي طلعو فالدفعة الاولى يقولون فية اختبار تحديد مستوى وماني عارف ايش - المرحلة الاولى ( الدفعة الاولى - والثانية ) كان عندهم اختبار وش وضعنا الآن من ناحية الانقلش ؟؟؟؟؟

و

المقابلة الشخصية احس انها مجرد روتين انا اظن الجميع الي حظر المقابلة راح يتجاوزها ان شاء الله ... ليش يعطونك اوراق الادلة والكشف الطبي دام هم ما اقبلوك ممكن اذا انت كنت السبب في عدم قبولك بسبب عدم حظور الدورة التأهيلية وعدم الالتزام فالمواعيد وغيرها اسباب تكون ضدك
..
.
وفية شي ثاني
الكشف الطبي وين سويتوة ؟؟ وكم ياخذ وقت ؟؟
والادلة الجنائية كم تاخذ وقت مع العلم انا قريت رد او موضوع تكلم عن الادلة الجنائية يقول لازم تجيب صور شخصية ما عندي خلفية انا باروح بكرة فيا ليت الي عنده خبر يفيدنا

..
.

شاكرين لكم

أسسمي :
رآئد الحربي ..~

تخصصي :
برمجيآت ..~

معدلي :
4.84 ..~


مدينتي :
بريدهـ ..~



طبعاً ولله الحمد عديت من المقابله .. وأسف جدا على التأخر في التسجيل .. لكن هذا أول يوم أعرف عن الملتقى المخصص لبعثآت المؤسسة ..

عندي نصيحه لأخواني الي رآح يسوون مقآبله ..

أولأً : لآتنجرف خلف الاستفزازات نهآئيآً .. لأنه احد الشخصين مخول لاستفزاز الطالب
ثآنياً : كن هآديء وواثق من اجاباتك .
ثالثا : اجعل اجوبتك محكمه وصادقه .. لكي لاتقع في فخ الاسئلة المبطنه .
رابعا : حاول التحدث عن نفسك في اللغة الانجليزيّه .. ( هذا السؤال طلب مني بشكل مفآجيء ولكن الحمدلله عندي خلفية بسيطه في التحدث باللغة الانجليزيّه بحكم عملي في سابك ) ..

أتمنى لجميع اخواني التوفيق في المقابله ..
وأي سسؤال عن المقابله انا جآهز وتحت امركم ..


دمتم بود

المظهر مهم في المقابلة صح
يعني يركزون على المظهر بالقوة
يعني لازم شماغ و إلا ايزي الوضع
ياليت اللي سووا المقابلة يجاوبوني

يالغالي نصيحتي لك تركز عالمظهر

وخذها قاعده مني ونا خوك المظهر يساعدك حتى من الناحيه النفسيه
سواء في نفسيتك او في نفسية الشخص الي قدامك
فلو تحط نفسك مكان الشخص الي بيسوي لك المقابله
ودخل عليك واحد مرتب ومظهره جميل وريحة العطر تفوح منه

أكيد راح تختلف نظرتك له عن الشخص الي بيدخل عليك مبهذل وحالته حاله
وحتى لك انت شخصياً لما تكون مرسّم ومجنتل عالآخر ماراح تكون شايل هم مظهرك

أتمنى لك التوفيق يالغالي واعذرني عالإطاله

الله يعطيك العافية اخوي
ما قصرت وان شاء الله
نكون من المقبولين جميعا

السلام عليكم ,,,
بخصوص برنامج التهيئة علمت ان مدته شهر كامل لكن احد عنده خلفية عن عدد الساعات في اليوم ومتى يبدأ ؟(صباحا او مساء)
ولو كان فترتين هل استطيع ىالاختيار بينهما ..؟

صديقيني الف الف مبروك لكل المقبولين وان شاء الله عقبال القبولات النهائيه والتخرج ونفرح فيكم
وتوصلون للي ماقدرنا نوصله

لكن عندي استفسار بسيييط

انا قررت ادرس على حسابي وانضم من هيناك ابي اروح كندا فانكوفر
وحفففففففففففففرت ماحصلت تخصصات حاسب في فانكوفر

ياليت تشوفون لي حل تكفون تعبت وانا ادور من جد ولو يكون بشكل عاجل افضل
لاني ابي اسجل اليوم او بكره بالكثير شوفوا لي حل وين خبراء فانكوفر

شكرا لكم

ياشباب فيه احد راح للادله الجنائية ..؟؟

كم تاخذ وقت المعاملة..؟؟ لانهم قالو لي 4 ايام

وهل هو تبصيم بس..؟؟ لاني احس الي اخذ اوراقي مايديره