نقطة تجمع طلاب استراليا للاهميه

والله ياخوي مشاري الفكرة حلوه جدا جدا , لاكن نبي نشوف نهايتها مع اسامة اذا كان السعر مبالغ فيه مرة مره يعني السعر ماعجبني فسجلني معك هذا انا موافق
لان بصراحه احس ان اسامة يسوووق امها ذاك اليوم كلمته ويقولي المكتب ماياخذ اي رسوم على الطلبة من ناحية السكن وسالته بخصوص المبلغ يعني كم يكون تقريبا قالي الاجمالي 800 دولار يعني تقريبا 2800 هذا كلامه لي اول لمن عبيت الورقة حقت السكن وارسلتها له والان الشباب يقولون من 6000 الى 7000
لاكن نصبر ونشووووووووف نهايتها معه وبعدين اعطيك القرار النهائي
تقبل مروري,,,

انا يا مشاري بنتظر اسامة الى الاربعاء الجاي زي ما وعدني

وبشوف وضعه اذا اوكي .. ولا بكون معك انشاء الله

لاني بصراحة ما اظمن جلستنا هناك ااننا نلقى سكن

اذا المعهد يقولك خاطبني قبل وصولك بشهر .. فهذا يدل على ان امور السكن شوي معقدة

الله يعين بس .. بصراحة هم هالسكن ههههه

اهلا بكم مجددا
بعد نوم طوييل من التعب ابي اطمنكم ترا انتم مكبرين الدعوة مرة
بخصوص اسامة اذا تبونه هو اللي يجيبلكم السكن واللة راح يجيبه لاتخافون بس لية تدفع 8000 على شي انت ماشفته هل هو كويس السكن اونظيف ماتدري
انا اللحين بادلايد وياخي السكن هنا عد واغلط مارح تبلش فيه وانا الحمد الله لقيت سكن بس ماخذة اسبوع موقت ورخيص جدا بدون تامين ولا خرابيط والسكن ذا قريب من جامعة فلندرز على كلام واحد من الشبا ب ويبعد عن جامعتي 15 دقيقة بالباص
ومن ناحية البنك برضو خلصت امورة وفتحت حساب بنفسي بس باقي اخذ من المعهد ورقة المباشرة وافتح ملف بالملحقية واي سؤال او استفسار تحت امركم يشباب

واعيد واكرر لاتشيلون هم

كلامكم سليم . واعرف كيف تحاتون وودكم تخلصون امور السكن من السعوديه.

واسامه او اي مكتب ما راح يسكن في السكن . هو بس بيبحثلك وما همه لا نظافه ولا راحه . همه فلوسك .بس والله اعلمم بذممهم.

والفندق لمده 3 ايام. او كما فاد احد الاخوان انه اخذ سكن لمده اسبوع بدون لا تامين ولا خرابيط فممتاز جدااا كذلك .

فتوكلوا على الله. واحجزوا بفندق.
لاكن قبل ما تحجزون قووقل المعهد واعرف منطقته والعنوان بالظبط وبعدها دور اقرب فندق له.
وإذا بغيتوا انسخولي رابط المعهد او ادرس المعهد وادورلكم في بوكينج واعطيكم روابط الفنادق.

وفي شباب وصلوا لمدينتكم ما راح يقصرون معكم وبيظبطونكم.

واهم شييييييي انتبهووا انتبهووا من العقود يا شباب . ولا تدخلون بعقود طويله. اقل شي تاخذونه شهر بالسكن.
لا يدبسونكم بعقد ووتوهقون فيه.

والشباب الي وصلوا استراليا في مواقع تعلمكم عن السكن مثل قم تري. وفي مكاتب عقارات بربرتي ديلرز شوفولكم سكن او مرووا المعهد.

وبالتوفيق

الله يعطيكم العافيه انا مسجل نفسي انسحاب من أسامه


اخوي احمد الله يعطيك العافيه عطني رقمك الاسترالي او الي تتصل فيه او السكايبي عشان اتكلم معك



اخوي دعم فني هذا رابط المعهد iele

Intensive English Language Institute

ياريت تشوف لنا موقعه واسم الشارع والفنادق القريبه عليه

اخوي احمد ياليت تعطيني موقع السكن الي انت فيه بالضبط

لاني ابي اشوف البعد بينه وبينه جامعة فليندرز

واذا حصلت شي قريب من فليندرز بلغنا بة (اذا ما عليك كلافة)

احتمال اني احجز مثلك اسبوع .. واشوف الوضع

والله يوفقك ما قصرت وطمنتنا ان الامور سهالات ... الله يسهل لك امورك يالغالي

والله يـ شباب انا ماني متخوف من ناحية السَكن
اول اسبوع او اول 3 ايام بسكن مع الي يبي يسكن معي عشان نتقاسم الخساره

وان حصلت سكن كان بها ماحصلت بكمل بالسكن الي انا فيه يكون قريب على الجامعه اول اسبوع او اول اسبوعين لين احصل سكَن

السلام عليكم ورحمه الله وبركاته ,,

قاعد اشتغل حاليا على موضوع السكن في استراليا. ومعهدكم خصوصا. وباذن الله راح انزله بعد دقائق باذن الله ^_^
شفت الشباب يقرون الموضوع قلت اعطيكم خبر . وما ودي انني اظيع في الردود . وبخلي هالموضوع خاص بالسكـن.
بما اني حاليا متفرغ ودي انفعكم واكسب اجر من وراء دعواتكم .
تحياتي لكم

يعطيك الف عافيه وطولة العمر وعمر والديك انشالله
الله يوفقك محل ماترووح انشالله يابدر الزامل
دعوة صادقة بعد صلاة الفجر وانشالله تستجاب

تفضلوا . بحثتلكم عن السكن والفنادق القريبه من الفندق
وهذا الموضوع فيه كل ما يهمكم باذن الله ^_^

دعواتكم لي .
http://www.mbt3th.us/vb/forum128/thread324615-4.html

- - - مشاركة محدثة - - -

قصدي قريبه من المعهد خخخ

- - - مشاركة محدثة - - -

اخر صفحه بالموضوع بحثتلكم عن الفنادق القريبه من معهدكم + سكن عوائل