نقطة تجمع طلاب استراليا للاهميه

يا شباب من رائي الشخصي بقول لكم شي / المكتب هذا راح يزرفنا في السكن يعني بمعنى آصح راح يآمن لنا السكن والاستقبال من المطار وحنا " سعوديين " اكيد بنقول ايه ايه ايه نبي نسكن واستقبال ونشـــوفها وكانها قضيه فلسطين السكن والاستقال .. معا انو راح يآمن لنا السكن لمده شهر طيب خلونا نضع افتراضيه

لو آمن لنا السكن فـ نحن هنا بالسعوديه ما راح تكون لنا حرية الاختيار ، يعني علي طول من المطار علي السكن ، بس لو كنا باستراليا اكيد راح نختار السكن وندخل البيت ونعاين ونشــوف عجبنا اخذناه ماعجبنا سحبنا عليه
الشي الثاني والمهم " المكتب " راح يكلم المعهد بخصوص السكن ، يعني نحن مضطرين ندفع حسن والسكن + رســوم المعهد والسبب هذا لآن ماعندنا خبره بس لو مضى علينا وقت في استراليا بنعرف اننا انزرفنا


فآليكم التخطيط الآتي : طبعا الجميع يريدون السكن معا عائله ومتحمسين بعد حاب اقولكم انه من اسهل الاشياء انك تدور لك سكن باي طريقه سواء من النت او من اخوياك في الكلاس او حتي تقدر تتشرط ابي العائله كذا وكذا وكذا معا العلم اني كلمت المندوب علي السكن قال ما تشترط الا شياء بسيطه " النظافه " وبس غيرها انسى يعني يمكن يحطوننا معا زنوج المهم خلونا من الـكلام هذا

الشي المهم نسكن في سكن الجامعه اول اسبـــوع ومن الاسبوع هذا راح تكون الانطلاقه الي يبي يكلم المعهد يكلمه وتقدر تشــــوف عن طريق المعهد اذا كنت باستراليا قوائم بالسكن معا العائله ونت تختار بس المكتب والله ان يطس بنا في كهيل اربع وعشرين ساعه سكرانه او نائمه ..

والشي المهم نقدر نحسب المتوسط في الرنت " الايجار " يعني الي يبي يدلع نفسه يدلع نفسه مو مشكله في الرنت ، بس المكتب المهم راح ياخذ لنا يمكن غالي يمكن رخيص يمكن متوسط ..


ارجع اكرر واقــــول السكن اموره سهله ومتيسره حتى لو درتها اول يومين في فندق ترون عايدي بتحصلون سعوديين كفو راح يزبطونكم وحتي يمكن يسكنونكم اول اسبوع عندهم ترون السعودي كفو بكل محل راعي فزعات

والشي الاخر الاستقبال من المطار / يا معشر السعوديين لا تشيلون هم بلاكم انت كانكم بوش ولى اوباما لازم استقبال من المطار ترون الاستقبال بدراهم يعني الحاسبه بتحسب والميزاينه ادري فيها ماشاء الله مرتفعه

وبعدين العنوان عندك وعنوان المعهد عندك والشــوارع وكل شي ماعليك الا آن تنقز معا التكسي وتقوله " اي دونت سبيك انقلش " وتدز له الورقه وترون استراليا اغلبها عرب حتي التاكسي يمكن يطلع مصري تونسي سوري اي شي


وفي الاخير حبيت بس اوصل لكم معلومه مهمه لان المكتب الان راح يبدا بالحجز للسكن والاستقبال وكل شي المهم نستقبل نقاشاتكم هنا

دمتم بود

بنظري ان توفير السكن من المعهد كبداية شي جميل

ولما توصل هناك تقدر تغيير السكن اذا ما عجبك

وفقط

اتفق معك اخوي

لابد ان الواحد يعتمد على نفسة ويبحث عن السكن الي يبيه

لكن بما اننا اول مرة نطب استراليا ولا نعرف شي

فخلي المعهد يدبر لنا السكن .. وتسكن شهر او اسبوعين وبعد كذا تقدر تدور على السكن الي تبيه



المكتب ما راح يأخذ رسوم على توفير السكن


الاستاذ اسامة قال لي راح تدفع مبلغ للي راح يبحث لك عن سكن + قيمة السكن

راح تدفعها هنا .. او لما توصل هناك
ــــــــــــــــــــــ
وسئلتة بالنسبة للشروط

قالي اكتب شروطك بنفس الورقة ..

وانشاء الله انهم يوفرون لك السكن حسب شروطك

ـــــــــــــــ

بنظري ان توفير السكن من المعهد كبداية شي جميل

ولما توصل هناك تقدر تغيير السكن اذا ما عجبك

وفقط

يـ مبتعثين استراليا الي يقول اول مايوصل راح يروح للملحقيه انا اقله لايتعب عمره
لان المندوب حق المؤسسة الي جانا في دورة تاهيل المبتعث في جده قال ماتروحون لا سفارة ولا ملحقية كلها online
وصلى الله وبارك على سيدنا محمد عليه افضل الصلوات وأتم التسليم


بعدين السكن اسكن مثل ماقال اخوي غربة وطن في فندق يوم او يومين قريب على المعهد لين تحصل لـك سكن حلو وبشروطك
مايحتاج انك تكلم المنسق اسامه
بالنسبه لي انا اخترت سكن في المعهد سبوع اسبوعين شهر لين اضبط اموري في السكن وبعدها انقل مع عائلة او لحالي