نقطة تجمع طلاب استراليا للاهميه

دعواتك وبالتوفيق.

هناك يتعاملون بـ الدولار الاسترالي = 2.27 ريال سعودي
هل من افاده بـ عملة استراليا الي راح نتعامل فيها على طول هناك
وكم مكافئات الطلاب بـ استراليا لان للحين ماني عارف كم المكافئة والعمله الي راح نتعامل فيها وكم تساوي العملة

أخواني نصيحتي لكم أنكم تحتفظون بالأيصالات والفواتير الخاصة بالفحص الطبي ورسوم الفيزا لأنه الملحقية تعوض عنها وأما أتعاب المكتب فلا تعوض عنه الملحقية.

الشئ الأخر إذا كانت المؤسسة ماتقيدكم في التعامل مع المكتب في حالة القبول الجامعي والفيزا فاانصحكم ماتلتزمون فيهم كثير من ناحية المعادلات وقبول الجامعات لأنه أي مكتب قبول راح يكون متعامل مع جامعات تعطيه نسبة على كل طالب يجيهم عن طريقهم وهذي أحد الأشياء اللي لربما تشوفونها في تعامل المكتب معاكم لمن ترغب في جامعة معينة يحاول يصرف نظرك عنها لأنه مايتعامل معهم ويوديك للجامعة اللي تعطيه النسبة ولذلك خذ منهم القبول اللي بيجيبونه لك وقدم بنفسك على جامعات أخرى وفاضل بينهم في البرنامج ومستوى الجامعة والمعادلة لشهادتك السابقة.

بالنسبة للفيزا اقرأ انه البعض يوكل المكتب في امر الفيزا وهذا شئ راجع لهم في الأول والأخير لكن من منطلق حرص وخوف على إخواني اللي راح يجون لأستراليا إن شاء الله في القريب ومن إنسان مجرب وعاش في أستراليا الأن قرابة 5 سنوات حرام تعطون المكتب اتعاب 700 ريال او اكثر عشان يسويلكم شئ سهل وبسيط وكل ماعليك تروح مكتبة وتجيب اوراقك ومستنداتك وتسويلها سكان وتحطها بصيغة PDF وتقدمون بعدها على الفيزا أون لاين وب 30 دقيقة بالكثير وأنت مخلص رافع أوراقك COE ورقم الإرسالية للكشف الطبي وفي خلال أسبوع او اقل تجيك الفيزا على ايميلك من دون مراجعة مكاتب ومن دون ماتكلم جهاد ولا أيمن ولا شلة حسب الله ويطلعون لك حجج من كل مكان وتلقى الفيزا بمخباته بس عشان يعطيك فكرة انه السفارة معقدين وهو سوا شئ مو سهل عشان يستخرجها لك ويصعب الامور عليك وعلى الطلاب اللي بيجون بعدين عشان مايفكرون يروحون لغيرهم.

تفضلوا هالمواضيع اللي تشرح طريقة التقديم للفيزا اون لاين:

http://www.e-moh.com/vb/t99279/
http://www.mbt3th.us/vb/forum111/thread369594.html
http://www.mbt3th.us/vb/forum111/thread76923.html
http://www.mbt3th.us/vb/forum111/thread80035.html
http://www.mbt3th.us/vb/forum111/thread147766.html

أتمنى لكم جميعا التوفيق.

خذ العلم من واحد طب ديارهم وحول مبالغ
من السعودي للدولار الاسترالي
دولار واحد فيه 4 ريال المكأفئة 3050 دولار شهريا = 12200 سعودي
واعتقد انهم زادوها لاني مرة سمعتها بالاخبار زيادة مكأفأئة المبتعثين ...

الدولار الأسترالي = 2.27 ريال هذي أخي مشاري سعر الصرف اللي مثبته عليه وزارة التعليم العالي عشان تصير مكافأت طلاب أستراليا ثابته لا تتأثر بإرتفاع أو نزول العملة.

بالنسبة للمكافأة فهي للطالب الأعزب 3052 دولار أسترالي ثابته.

بالتوفيق.

اشكر اخوي صالح واخوي احمد على انضمامهم وتفاعلهم معنا

بخبرتهم وثقافتهم عن استراليا مما يعطي الموضوع اكثر جاذبية واكثر استفادة للكل

اشكركم من كل قلبي والله يوفقك في دنياكم يارب

لاتحرمونا تواصلكم معنا .. فنحن بحاجة لكم

مع كل الشكر والتقدير لكم

اخوي صالح بخصوص الصورة الي مو لأدليد .. انا بصراحة انبهرت منها واعجبني كثير .. وكبرت بعيني ادليد كثير

لكن دام الصورة مو لها هههههه فالشكوى لله
ــــــــــــــــــــــــ
بالنسبة اخوي للمبلغ المالي الي ناخذة معنا

ماهي الطريقة الامثل .. هل نفتح حساب هنا بالدولار وناخذ بطاقة فيزا ونصرف فيها هناك؟

او ناخذ مبلغ بسيط يمشينا لين نوصل ونفتح حساب في استراليا ونطلب من الاهل يحولون عليه؟
ـــــــــــــــــــــــــــــ
بخصوص الفيزا المكتب بياخذ مننا 2500 ريال .. 500 ريال للمكتب هل السعر مبالغ فية ؟

واشكرك اخوي .. وانشاء الله تفيدني وتفيد الاخوان الي معي

زي ماقال اخوي صالح لو نسويها اون لاين افضل بكثير ان المكتب يسويها
انا سويت visa سياحية عن طريق النت بنفسي نص ساعة وجتني بس الدراسية 3 ايام الى اسبوع
ومايبيلها شي بس الشكوى للله تافينا تافينا المكتب .

- - - مشاركة محدثة - - -

بخصوص الصورة اللي تقول انها ماهي في ادليد
صراحة مادري للاني لقيت الموضوع صور لمدينة ادليد واخذتها .

الجولد كوست عاد شئ ثاني ديرة سياحية بصحيح وبتشوف الفرق الشاسع بينها وبين ادليد .

بالنسبة للمبلغ أنصح يكون معاك مبلغ كاش وبرضوا إذا وصلت بالسلامة تفتح حساب والأهل يحولون لك.

بغض النظر عن تكلفة اتعاب المكتب فاانا اشوف انهم مايستاهلون يعملون شغل انت ممكن تسويه وتوفر دراهمك بعد بالاضافة انه مافيه فورمات او ورق كثير تعبيه مثل السابق ويتخوف منها اللي يتقدم للفيزا ويضطر يتعامل مع مكتب بالعكس الان الاون لاين سهل اشياء كثير واختصر المدة والاجراءات مع بعض والاهم من هذا انه تقديم خطوة بخطوة وماتسلم معاملة الفيزا الا وانت حاط كل معلوماتك وملفاتك وهذا بصالحك.

وحنا بالخدمة بأي وقت, دعواتك وبالتوفيق.

أخوي كيف؟؟ والله ما فهمت !؟ وش قصدكـ ان الوزارة مثبت سعر الصرف على دولار استرالي = 2.27 ريال ؟
وكل مواقع صرف العملات وباقي مواضيع المنتدى يقولون يسآوي تقريبا 4 ريآل !؟؟

الحين المكافأة عارفينها 3052 دولار استرالي ..
طيب سعر الصرف هنا او هناك كم , يعني المهم لو جينا نحولها للريال السعودي ,,
تطلع 2.27 × 3052 = 6928.04 ريال سعودي
أو
تطلع 3.90 × 3052 = 11902.8 ريال سعودي

الحين اي وحده هي مكافأتنا !!؟؟