طلب مساعده من كل المبتعثين

السلام عليكم,,,

اشكرك يامشاري على هذا الموضوع المهم والشكر موصول لكم
ياشباب لانكم شاركتونا الموضوع وأنرتونا والله يعطيكم العافية

أنا عندي حساب في الراجحي يعني أطلع (visa) من نفس البنك
وكمان ياشباب أحس إني ماني فاهم طريقة الفيزا هذي مع انكم شرحتوا
لكن هل هي مهمه مره؟؟
وهل إذا جيت أطلع من السعوديه لازم احط فيها مبلغ والا احطه في بطاقة الصراف
العادي والا احط فيها كلها؟؟
أفيدوني جزاكم الله خير,,,
وموفقين ان شاء الله

على طاري الراجحي صادق اخوي ولد سدير الراجحي تفيد بأنك تشتري عن طريق الانترنت وأي مكان وتقدر تسحب كاش من الصراف
اسمها فيزا الأفراد

اما الآهلي أسمها ماستر كارد اما مسبقة الدفع او بـسحب الرصيد بالسالب

- - - مشاركة محدثة - - -

شكلي شويات بروح اشقر على بنك الراجحي بس مدري الاربعاء اليوم فاتح الى الساعه 4 كالعاده أم انه يقفل بدررررررررررررررري

راح افيدكم عن " الفيزه " تســــوق .. بما آني طلعتها :
رسوم اصدار البطاقة الاساسية 100
رسوم تجديد البطاقة الاساسية ( للسنة الرابعة ) 100
اعاده اصدار 50
سحب نقدي داخليا من صراف الراجحي 16 ، وخارجيا 25
كشف حساب ورقي لمره واحده 10
الرســـــوم السنويه 100 يعني كل سنه 100 ريال كـرســوم البطاقة
اصدار بديل 50
رســوم الاعتراض 30 ( يعني لو اعترضت علي عملية او خطا ) لهم رصيد > سياسه البنك والشكــوى لله
كشف حساب ورقي لمده سنه واحده بـ 40 ريال

تســــتخدم هذه البطاقة للصراف الالي وتقبل السحب من الفيزه والماستر كارد او اي نقاط البيع وايضا مقبوله في موقع باي بال ولها انتشار واسع في كل الدول ..



انا اشــوف انها ممتازه وبكيفكم .. دعواتك يا شباب والمعلومات كلها مطلعها من الورقه الي جت مع البطاقة من البنك ..


شكرا لكم ..

اشكرك اخوي غربة وطن على المعلومات الثمينة

وايضاً اشكر اخوي coolman على المعلومات الثمينة

الف شكر لكم على افادتنا

وانا شكلي بطلع بطاقة الراجحي

بروح السبت للراجحي اطلع البطاقه بأذن الله أن شاء الله يطلعونا لنا في نفس الوَقت ... ^_^

علي ما اعتقد تقدر تطلبها من البيت عن طريق المباشر ..

اخوي غربة وطن عندي سوال

الان لو اطلع بطاقة فيزا تسوق من الراجحي

واحط فيها كامل المبلغ الي باخذه معي افترضاً 10 الف ريال

ولما اروح استراليا وافتح حساب هناك .. اقدر اسحب رصيدي كامل من بطاقة التسوق الراجحي

واودعها لحسابي بالبنك الاسترالي

^^^

الله يعطيك العافية اهم سؤال نحتاج اجابة له

شباب لقيت الحَل

افتحو حساب في الراجحي وراح تاخذون بطاقه صراف شخصيه واطلبو بطاقة فيزا التسوق للافراد راح تدفع

75 بطاقه صراف عادي الراجحي + 100 رسوم خدمه بطاقه الفيزا

طبعا بطاقة الصراف خلها مع اهلك عشان لاجو يحولون لك يودعون الفلوس بالصراف ومن الخدمات الي بالصراف تحويل الى بطاقة الفيزا الخاصه بي


طبعا هناك السحب 5000 ريال يومياً اقصى حَد تسحبه لاكن انت من ضمن الخدمات الي بالراجحي يوم تروح تفتح الحساب خل الحد الى 10000 يومياً وهذا من حَقك


يصير كل شخص ياخذ من اقصى مبلغ في جيبه 1000 دولار استرالي والباقي بـ الفيزا يودعه او يحوله فهمتم

ويصير يروح هناك وفي جيبه 1000 دولار مصاريف شخصيه حق سكن اول يوم فندق او تكس او شرب ماء او عصير او رسوم شريحة اتصال استراليه تصرف من هالمبلغ

والباقي بـ الفيزا لارحت تفتح الحساب بالبنك الإسترالي اسحب المبلغ الي بالفيزا وخل مثلاً 2000 ريال او 1000 ريال احتياط احتسابً لـو ضاعة بطاقه البنك الاسترالي او تبي تشتري شيء عبر الفيزا من الأنترنت

طيب يامشاري تقدر تاخذ بطاقة الصراف العادي
ويحولونك اهلك وتسحبها من هناك كلها وتحطها في
الحساب الاسترالي والا انا غلطان