استفسار بخصوص الكشف الطبي اللي قبل الابتعاث

السلام عليكم ورحمة الله وبركاته ،،،
بالنسبة تحاليل دم بخصوص الجامعات الأمريكية طالبين النسب بالملي ورحت وزارة الصحه سولي 3 والباقي حولوني على مختبرات البرج والاخير الدرن قالو ماندري
ممكن بمستشفى الزهراء .... أبي أحد سوى التحاليل في الابكيشن من مداين الفهد ولا الدرن بطريق مكة القديم ولا لازم أدفع .... وهل الملحقية حتعوضني ؟
ارجو الرد والافادة عاجلاً .
وبالتوفيق للجميع

اخوي اي شي تدقعه قبل الأبتعاث يعوض لـك اذا خرجت فحص طبي + فيزا

الله يشفينا ويشفي جميع مرضى المسلمين قولو آمين

اللهم اميــن.
ومثل ما ذكر الاخ مشاري يعوضونك الملحقية كل شي يا طويل العمر

أخي نواف هل أنت مبتعث لأستراليا أم غيرها من الدول..

لأن أستراليا لديها بالسعودية عدد من المستشفيات المعتمدة فقط...

ربي يعافيك وتقدر تقدر تبتعث

السلام عليكم ورحمة الله وبركاته
يا شباب بالنسبة للفحص الطبي هل في نموذج أحمله أو بس اروح و اسوي فحص عام؟
و اذا في نموذج احمله ممكن تعطوني الرابط لاني ماني قادر ألاقيه

هذي مشاركة من المواضيع السابقة اتمنى تفيدك
شباب بالنسبه لمن تم قبوله واعطوه الكشف الطبي والادله الجنائيه. كل الي عليك تسوي التالي:-

1- الكشف الطبي.
ترووح لاقرب مستوصف حكومي او مستشفى . يفضل ان يكون صغير وما فيه زحمه. وحاول تتكلم معا الدكتور وتقوله انه من شروط البعثه وانك سليم.
وإن سالك عن فصيله الدم موجوده بالرخصه . وخذ معاك صوره شخصيه وصوره الاحوال والرخصه(احتياط فقط)
وإن عطوك وقت تعجزي كمده اسبوع او 9 ايام. (اشرحلهم ظروفك وان مافي وقت ) (اهم شي يجب ان يكون المركز الصحي حكومـــي)
اكثر شي راح ياخرك هو تحليل الدم .

2- الادلة الجنائيه:-
ترروح لشرطه المحافظه . وتسال عن قسم البصمات لاصدار صحيفه جنائية . وبيقولك لازم عندك خطاب موجه وريهم الخطاب الي من اداره البرنامج. بيطلب منك صوره بطاقة الاحوال + صوره شخصيه. بعدها راح يمسك اصابعك واحد واحد ويحطها بالحبر وويبصمك.
قبل كل شي اشرحلهم ظيق الوقت وانهم محددينلك مده معينه اتوقعها 9 ايام لبدء برنامج التهيئه. وحاول يمين يسار. اقل مده يقدرون يخلصونها لك بيومين.
لا تنسوون الصوره الشخصيه وصوره بطاقة الاحوال اهم شي يا شباااب.