مساعدة تجمع شباب بريطانيا. لاي استفسار تفضل هنا وبنساعدك باذن الله

الف عافيه يالغالي والله تساعد كثير بهال موضوع
العفو واجبنا يا بعدهم.

اول شي الحمد لله على كل حال وتم قبولي بـ بريطانيا مع انه كانت الرغبه السادسه لي .
الف مبروك والحمد لله على كل حال وبريطانيا دوله رائعه للدراسه.

بالتحديد بـ مدينة CARDIFF
جامعة cardiff metropolitan
ابي اسئل اذا فيه احد سبق ودرس بنفس الجامعه او بجامعه اخرى بنفس المدينه .
اي نعم في شباب ابتعثوا على كاردف السنه هذي واعرفهم شخصين ولو حبيت تتواصل معاهم من عيوني .
اما بنفس الجامعه والله ما اذكر بس الي اعرفه انهم في كاردف.
ابي معلومات عن المدينه غاليه رخيصه اهلها عنصرين حسب ماسمعت ..!
لا ابدا اهلها غير عنصرين. وكل الي تشوفه من عنصريه هو كلام فاظي وتشوف واحد من مليون يمكن. وفي ناس يبهرون المواضيع وتحس انك لو تمشي بالشارع ان الكل يناظرك باستحقار
والله ببريطانيا لو تطلع بسروال وفنيلا محد درا فيك ولا احد عطاك وجه . شعب ما همه الا نفسه وبس.
سواء في كاردف او غيرها.
واعرف بريطانين من كاردف وكلهم عسل واعرف عرب في كاردف وما يشتكون من اي عنصريه.

المدينه ماهي غاليه وتشبه كل مدن بريطانيا.
السكن مع عائلة 450 إلى 500 . سكن طلاب ب 400 إلى 350 . مواصلات باص اسبوعيا 10 باوند. تكسي مشوار صغير 4 باوند. سينما 5 باوند. وجبه غدا او عشاء ب 10 او 8 باوند
يعني الاسعار معقوله جدا.
المكافئه تكفي ولا ماتكفي وكم المبلغ المطلوب اخذه معي اول الشهور اذا المكافئه ماتكفي .
اول شهر اتوقع مبلغ 6 إلى 8 آلاف ممتاز . والمكفاه حوالي ال 1160 باوند . وتكفي اكيد اهم شي اول ما تجيك المكفاه ادفع السكن واشترلك الثلاجه واشتر بطاقة الباص وخلاص لا طفرت مو مشكله ^_^. وبعد شهر وشهرين بتتعود على العيشه وتعرف كيف تقسم فلوسك. وبنساعدك خطوه بخطوه واعلمك وين تشتري وين تروح وين تجي لا حبيت. بس اسال ومن عيوني.
نظام المواصلات [ قطارات او باصات ] جيده فيها ولا راح احتاج لسياره .؟
الباصات بكل مكان. القطارات فقط للتنفل بين المدن الخارجيه مثل لندن او مدن قريبه لكاردف . فما في قطارات داخل المدينه كلها خارجيه. والسياره ما اشوف لها اهميا في اول جيتك
لان نظام السواقه الجهه الثانيه فيبيلك فترته وبعدها بتتاقلم ^_^
ادري الاسئله كثيره مع اني نسيت بعضه ^_^
ع العموم الف عافيه واي سؤال اتذكره راح يكون لي عوده ان شاء الله
كل الشكر

الله ييعطيك الف عافيه ماتعرف قد ايش طمني كلامك اقل شي لقيت واحد اسئله اذا عندي اي سؤال ^_^
الله يسعدك حبيبي تسلم وحق وواجب وقولي معك ومع كل إخواني الطلاب
< مايعرف احد سبق ودرس بـ بريطانيا او راح بريطانيا ^_^
بالنسبه انه بلد حلوه للدراسه مثل ماقلت ماعرف احد شخصيا راح له بس اغلب من قلت له قال اعرف شخص راح ويشتكي من الاسعار .!
صحيح بريطانيا بلد غالي لاكن اذا الواحد عرف وين وكيف يصرف راتبه راح يرتاح نفسيا وكذلك يقدر يقتصد لو حب لاكن للان ما عرفت اي واحد من الشباب قدر ينهي الشهر ومعه ٢٠٠ باوند زياده خخخ
بخصوص الشباب الي يدرسون بكاردف اذا ماعليك كلافه ولا فيها احراج ابي اي وسيلة تواصل معهم سواء فيس بوك او سكايبي او واتساب يقولك اسئل من جرب ولا تسئل طبيب ^_^
من عيوني تامر امر تقدر تظيفني على الفيس بوك Bader alzamil
للمعلوميه في اكثر من حساب مثل اسمي راح ارفق لك صوره من الفيسبوك الخاص فيني
وعلى فكرة الاسعار الي قريته مره مقبوله ومو ذلك الغلاء كنت شايل هم من هال ناحيه ,
اخوي بدر مانيب عارف كيف اشكرك غير الله يوفقك وين مارحت .
الف شكر

الله يسعدك يا مهندسنا الكبير ريان تسلم يا غالي وكلامك وسام على صدري وعلمني باي دوله وبأي مدينه انت وباذن ألله اقدر أفيدك او أوجهك لاحد الاخوان
بالمنتدى تعرفت على إخوان وأخوات يتمنون ان يمد العون والنصيحه لاخوانهم ويكسبون الاجر

اذا عندك اي سوال او استفسار سواء في بريطانيا او خارجها تامرني امر

- - - مشاركة محدثة - - -
اسف جدا بعض الاخطاء الاملائيه بسبب الايباد