الدفعه الثانيه المرحله الرابعة للابتعاث المتدربين التقنيين

وعليكم السلام

الحمدالله على السلامه ..

حبيت أسالك عن الأوضاع هناك كيف اقصد من ناحية السكن هل حجزتوا بفندق اول الأيام بعدين بحثتم عن سكن او حجزتوا السكن من السعوديه ؟

ياليت تتكلم عن إجراءات الشرطة وايش هي الأوراق المطلوبه ؟

هل ذهبتم للملحقيه في لندن لفتح الملف او فتحتوا ملف الطالب من الموقع؟

الله يعطيك العافيه وبالتوفيق ان شاءالله..

الاخت وردة الصفا. هذا رد مني على احد الاخوات. اتمنى انه يفيدك.


وعليكم السلام ورحمه الله وبركاته .
مساكم الله بكل خير.
هذه افضل خطه من وجهة نظري للاخوان المبتعثين القادمين لبريطانيا.


1- تحجزون شخص يستقبلكم من المطار او تاخذون الاندرقراوند.
ويوصلك لفندق بجوار الملحقية. وتجلسين في الفندق لمده يوم واحد . مهم كل الفنادق تنحجز بسرعه فانتبهي لا تروح عليك هذه الفنادق. بعد ما تحطون شنطكم . جمبكم الاندرقراوند تاخذونه وتروحون للاماكن السياحية بلندن. الاندرقراوند ليوم كامل بيكلفكم 7 باوند للشخص . وبياخذكم لكل مكان تريدونه.
اقترح عليكم الذهاب إلى محطه Piccadilly Circus, London, United Kingdom
واول ما تطلعون من المحطه في مطاعم على امتداد الشارع حلال وجميله جدا.
وجمبكم كذلك اماكن سياحية مثل M&MS world
وكذلك الشاشات الكبيره الموجوده هناك.
وفي مطعم جميل اكل ياباني خذو فيه قهوه او اطلبوا شي بحري احلى ما في المطعم انك تقدرين تطلبين من الطاوله وتشوفين الشيف وهو يطبخلكم وكل شي بالطاوله
والطاوله على شكل ايباد كبير اسم المطعم
Inamo, Wardour Street, London, United Kingdom
والمطعم مشي من المحطه ما ياخذ 10 دقايق بالكثير.
وبعد ما تتعشون اخذو الاندرقراوند وروحو إلى محطه
Westminster Station
وراح تشوفون البج بن اول ما تطلعون.
وتشوفون لندن اي. عين لندن. واخذولكم قهوه من جمب الستيشن ولا تنسون في جسر جميل يطل على كل لندن.

وبعدها اخذو الانردقراوند مره ثانيه وتوجهو إلى محطه Charing Cross Station
وراح تشوفون ميدان ترافلجار وفيه ناس جالسين هناك وفيه بعض العروض بالشارع من ناس متجولين.

وفي اماكن حلوه ثانيه ممتازه .
لو تاخذون الاندرقراوند مره ثانيه وتروحون شارع اوكسفورد.
او تاخذون الاندرقراوند وتروحون للنايت برج وتشوفون هارودز بالليل فمنظره جميل.


2- اليوم الثاني من الساعه 8 صباحا او 9 تروحين للملحقية وتخلصين اوراقك وتفتحين ملف لك ولاخوك. وراح من المتوقع تخلصين على الساعه 3 عصرا. ولا تنسين تاخذين ورقة من الملحقية خاصه بفتح الحساب النكي. عشان تفتحين حساب من البنك المجاور للملحقية وتختصرين الوقت. البنك 10 دقائق مشي وراح نكون على تواصل معك في البنك.
حاولي تفتحين حساب اسلامي. عشان ما ياخذون عليكم فوائد .
والبنوك المصرح التعامل معها هي HSBC , LOYDS , BARCLYS
وكلها جمب الملحقية. اهم شي افتحي من جمب الملحقية ولا تنسين تاخذين معاك جوازك وقبول جامعتك . وورقه من الملحقية.
بعد ما تخلصين من البنك تقدرين تروحين لكولشستر لاكن ما انصحك لانه ماراح تقدرين تسوين اي شي.
راح توصلين على الساعه 5 مساء او 6 مساء وكل شي مسكر لا دكتور ولا شرطه ولا اماكن اجار ولا شي.
فانصحك تجلسين بلندن وتروحين للاماكن التالية.
holland park حديثه روعه من احلى حدائق لندن . وما يعرفها الكثير من السياح وماهي مشهوره. افضل ما فيها البحيره فتشوفين السمك الصيني. وتشوفين الطاووس وطيور كثيره تمشي بجوارك ودخولها مجانا
camden town سوق ممتاز ومحلاته اشكالها عجيبه
edgware road شارع العرب كله عرب ومطاعم عربية
hyde park حديقة جميله لاكن ما اشوف فيها شي. وسياحية جدا وخاصه للعربز
london bridge جسر لندن المشهور جميل خصوصا بالمساء.

3- اليوم الثالث صباحا من الساعه 8:30 او 9 صباحا. (ارجو تاكيد الوقت) راح يستقبلكم مندوبنا من الفندق وياخذكم إلى كولشستر وتبعد كولشستر عن فندقك. حوالي الساعه و 40 دقيقه.
يوصلونك إلى الجامعه . وانتي تخلصي امورك هناك.
ورائد والمندوب راح يروحون يشوفون شقتكم ويخلصون العقد.
المطلوب منكم هو جوازاتكم وصور شخصيه. وكذلك صوره من خطاب الابتعاث الخاص بكم واطلبوا من الملحقية ورقه للسكن. وتوضح كم راتبكم

وبعدها بياخذه للدكتور ويسجلكم
يحتاج إلى جوازاتكم كذلك وعنوان شقتكم. وبتواجهه اسئلة للتبرع بالدم لا يوقع للتبرع بالدم في بريطانيا لانهم بيزعجونكم مكالمات ورسائل. وقبول جامعتك عطيهم صوره احتياط

تكونين انتي باذن الله خلصتي وبياخذونك من الجامعه وتروحون للشرطه ويسجلكم مندوبنا.
الشرطة يحتاجون إلى جوازاتكم وعنوان سكنكم ومبلغ حوالي ال 40 باوند لا تنسون تاخذون فواتير عشان تاخذون تعويض من الملحقية
وبعدها يوصلكم لسكنكم. وينتهي عمل مندوبنا.

الملحقية لا تنسين تاخذين منهم هذه الاوراق :-
1- تعريف انك مبتعثه من الملحقية . وان اخوك او ابوك مرافقك . للسكن والبنك ونسخه احتياطيه لك
2- كل ملفاتك المهمه حطيهم في صيغه بي دي اف. ولا ينسى رائد صوره من بطاقة احواله وانتي كذلك إن وجد لديك
3- بعد خروجك من البنك دخلي رقم حسابك على موقعهم او ارجعي للملحقية إن كان في وقت عشان تلحقين تستلمين راتبكم لان بعد وصولكم بتنزل الرواتب بعد6 ايام فحاولي بشتى الطرق انهم ينزلون راتبك مع هالراتب الجاي. الرواتب تنزل كل تاريخ 25 هجري.

الله يجزاك خير اخوي دعم فني معلومات مهمه راح تفيدني ان شاءالله...

الله يبارك فيك .
اي والله وهقونا قالو في شهر 3 وفجأة رسلو القبول وقالو خلصو اموركم باقي اقل من شهر على موعد بداية الدراسة
بالتوفيق يالغالي عندك وقت جهز نفسك واشتر الاشياء الي تحتاجها لان الاغلب هنا غالي واهتم لوزن شنطة السفر .

حنا كنا 4 طلاب
2 من الشرقية
2 من المنطقة الوسطى
رحلتي انطلقت من الدمام -20 دقيقه - البحرين \ البحرين - 7 ساعات- لندن
الاغلب انك راح تنزل ع لندن ومن لندن الى مدينتك هذا والله اعلم . التذاكر استلمناها قبل موعد السفر ب 4 ايام . اتصلت على المؤسسة اسألهم ع الاقل كم وزن الشنطة مارضو يعطوني اي معلومة قلت رسلو نسخه من التذكرة ع الايميل قالو ممنوع و 4 ايام كافيه وزياده مشان تسوي كل حاجه .

ماقصر الاخر دعم فني كنت اتواصل معه وعلمني ع كل حاجه الله يعطيه العافية . تتتواصل مع المعهد ع الايميل مشان يرتبو لك حد يستقبلك من المطار الى السكن حقك واذا ماكان عندك سكن ف احجز لك في فندق عن طريق الانترت وروح ع طول هناك . لاتركب الطيارة الا وانت عندك عنوان تنزل فيه
.

موضوع السكن راح اكتبه كامل مشان الكل يستفيد
كنا نتواصل مع الملحقيه بخصوص موضوع السكن والملحقيه تواصلت مع المعهد مشان يوفرو سكن عايله لاكن المعهد ماكان عنده مكان متوفر ف اجلو رحلتنا و دراستنا الى سبوع واحد , وماوصل النا شي وبعدها جانا خبر يقول انتو حجزو الكم فندق كم يوم واذا جيتو المعهد راح نرسلكم الى مكتب وهو بيجيب لكم سكن وان سكن العايله ماراح يوفروه واذا تبي ابحث بنفسك وكذا . طبعا اتكلم عن مدينتي ومن مكان الى مكان يختلف الوضع . ف تمينا في فندق 3 ايام وكلفنا 59 باوند كل يوم وبعدها رحنا ع المعهد وكنا نبحث ونبحث واصحابي اخذو سكن مشترك مع طلاب وانا رفضت وقلت بتحمل اقعد في الفندق لمن اتخذ قرار لاني كنت ناشب للمعهد مشان سكن العايله . وفي الاخير كنا بنروح مشان نسجل جوازاتنا في الشرطة لان المعهد حدد موعد مع الشرطه وكان في مدينه ثانيه ف كان لابد اني اخذ سكن واقتنعت ورحت للمكتب واخذت سكن .
السكن في مدينتي سكن طلاب يتراوح من 300 باوند الى 500 باوند. ولابد توقع عقد لا يقل عن 6 شهور بعضهم يقبل تدفع شهري وبعضهم يقولك ادفع حق 3 شهور ع الاقل . وماننسى التأمين لازم تدفع تأمين سنوي وراح تدفعه مع العقد ويتراوح مابين 300 باوند الى 600 باوند سنوي واذا كان كل شي سليم راح تسترد المبلغ يعني ع الاقل مشان تاخذ سكن طلاب مشترك راح يكلفك في البداية 700 باوند ف اخذو حسابكم بالنسبة للمبلغ المالي ع الاقل ع الاقل لاتجي الا ب 1000 باوند ونصيحه خلي في حسابك السعودي احتياط لا يقل عن 3000 ريال وجيب البطاقه معك مشان تسحب من هنا . تم التجربه بنك الراجحي والرياض شغالين تقدر تسحب لاكن على كل سحبه ياخذو مبلغ .

ملاحضة : صرفت من الرياض ( البطحا ) في محلات الصرف (1باوند = 6.20 ريال ) وهذا كان ارخص سعر حصلته

ربي يسلمك

ماقصر الاخ دعم فني <<< هذا انسان ولا اروع التعامل معه وهذي كلمه حق
هذي معلومات ان شاء الله تكون مفيده
الرد السابق فيه معلومات مفيده حول السكن . ومعنا بنت ومعها المحرم وهم حمدالله حصلو سكن عايله واخذوه قبل لا نسافر ف وقت وصولنا استقبلنا تاكسي ونزلنا في الفندق وكمل طريقه مشان يوصلهم الى مكان سكن العايله ولابد تخلي معك العنوان ورقم صاحب المنزل . والفنادق ماراح تحصلين مثل السعودية هنا غرفة وحده فيها سرير دبل او سريرين ف اذا بتحجزو فندق خلو في بالكم هذي الفكرة . يفضل تحصلو سكن قبل موعد السفر مع العلم انه بورتسموث في هذي الفترة صعب جدا تحصلو سكن عايله .
اجرائات الشرطة : لابد من تسجل الجواز في الشرطه خلال 7 ايام الاولى من دخولكم الى المملكة المتحده . بعد الوصول الى بورتسموث وتبي الدوام في المعهد هم راح يحجزو لكم في الشرطه ويعلموكم ع كل شي لابد يكون عندكم عنوان وتودون معكم الجواز والفيزا وختم الدخول وورقة من المعهد تثبت انكم طلاب في بريطانيا و34 باوند و يعطوكم بعض الارشادات وياخذو صورة لكل شخص وبعدها يعطوكم ورقه ويقولو لكم هذي ورقه مثل الاثبات ف اذا مثلا رجال شرطة طلبو ثبوتات لاي سبب كان تعطوهم هذي الورقة ومايحتاج تحملو الجواز معكم بعد ماتاخذو هذي الورقه .
قرب مركز شرطة لتسجيل الجواز في وينشستر وليس في بورتسموث ف تروحو تاخذو تذكرة قطار بيكلف حول 7 باوند ذهاب وعودة . وان شاء الله ماكون ناسي شي .

لندنا بس شمينا ريحه الشارع عند المطار *_* . كان في شخص استقبلنا من قاعة الوصول ماسك لوحه مكتوب LSI STUDENTS ف من المطار ع طول على بورتسموث .
فتح الملف يكون عن طريق النت تعبون جميع البيانات المطلوبه ثم تحفضوها واذا وصلتو الى المدينة وتحدد السكن وطلعتو رقم جوال ( في المعهد يوزعو على الطلاب شرايح اتصال مجانا ف لا تشترو شريحه . لاكن مافيها رصيد ) وخلصو باقي البينات تقدرو ترسلو الطلب واخذ معنا حول يوم وشوي واستلمنا ع الايميل ان الطلب مقبول ومو لازم ترسلو الطلب بعد ماتفتحو الحساب البنكي تقدرو بعد مايجيكم القبول تدخلو على تعديل الطلب واضافه بيانات الحساب البنكي واسغرق معنا كذلك يوم وشوي وجانا الطلب مقبول .
وبالتوفيق للجميع

سألت سؤال قبل يومين والظاهر انه سحب علي

( تمت المشاركة باستخدام تطبيق مبتعث )

معليش لان ماعندي المعلومات الكافية لكن بقول رايي الشخصي
اتوقع انه راح يقبلو الفيزا بسبب وجود ضمان مالي ومالهم دعوة ضمانك ينتهي متى وافضل حل انك تنتظر تطلع الفيزا وتروح تسألهم لان حتى لو رحت الان بيقولو انت عندك طلب انتظر حتى يخلص .
واذا خايف تتعطل او حاجه افضل شي تروح الهم وتسألهم وممكن لا والله ماعندي علم بس حبيت ارد عليك برايي الشخصي .

الله يعافيك اخوي وماقصرت

( تمت المشاركة باستخدام تطبيق مبتعث )

اهلا وسهلا بك مهندس المستقبل .
بالنسبة للضمان المالي غالبا إن كان فيه اي مشكله السفاره نفسها بتكلمك وبتتواصل معك واشرحلهم الموضوع.
وإن تم رفض فيزتك في اسواء الاحتمالات سيكون بسبب الضمان وبيقولونلك ارفق الضمان وقدم مره ثانيه.
اعرف ان السفارات كلها ما عندها اليه واضحه لاستقبال اي طلب.
لذلك لو تقدر تروح للمكتب الفيز وتكلم المدير بسبب الضمان المالي ممتاز جدا والمحاوله ما تظر.

الي يلتقتون عليه دائما هو قبول معهدك او جامعتك والضمان المالي يعرفون ان الضمانات الماليه تاخذها من الملحقية وقت وصولك مره ثانيه.
هذا ما عندي والله اعلم وطمنا لو ظبطت معك الفيزا.
وللمعلومية اسهل فيزه هي ال6 اشهر واتوقع انها بتمشي يا رب.
بالتوفيق لك

معلومه اخرى يا شباب للجميع .
لا احد يفتي عليكم بموضوع الفيزا ابداااا ابدااااااااااا. فيه اوراق وشروط تسلمها . واي خلل باي ورقه ما احد يقدر يحل المشكله الا السفاره نفسها فقط
وهم من يقررون برفض او قبول طلبك .
واي رفض للفيزا لا تنسون ان تاخذون ورقه كامله تشرح اسباب الرفض .

وانشاء الله ما تشوفون الرفض ابدا