الدفعه الثانيه المرحله الرابعة للابتعاث المتدربين التقنيين

ان شاء الله اليوم طالع الخبر وبسكن مع قروب كلنا مقبولين في البرنامج ..
الساعه 7 :15 نكون في المعهد ونسلم الاوراق وعلى كلامهم انه راح نداوم كامل ابتداء من بكرا .. هذا والله اعلم



Sent from my GT-I9100 using مبتعث mobile app

حلو حلو المشكلة ما اعرف ولا واحد هههه

المهم خلهم يشاركونا الموضوع هذا ما فيه الى انا وانت الظاهر ههههههه

طيب يا إخوان البرنامج ذا الأسبوعين فيه إجازة جمعه وسبت أما لا

هههه افا عليك شوف في ناس تراقب بالخفاء .. انتبه لا تقط كلمة ترا تشوف الجمس الاسود *_*

اكيد في اجازة ..

والان مع اخر التحديثات والاخبار
..
اليوم رحنا للمعهد ومكانه في الخبر طبعا رحنا مثل ماقالو النا من 7:15
وما شاء الله كانت البوابة مغلقة بأحكام وبسلاسل وانتظرنا الى سبع ونص وفتحت البوابة طبعا حر وتوهم يشغلون المكيف خشينا وشفنا قاعتين D و E
الطلاب توزعو انا كنت انتظر صاحبي جا ورحت للقاعات شفت قاعة مكتوب D خشيت وجلست وجا شخص وشاف ورقة في باب القاعه مكتوب عليها القاعه E والاسماء وخش واسمع شخص يقول تعال حنا في قاعهE واطالع فيه واقوله يالطيب هذي D وهم عاكسين الاوراق في البوابات *_* وتناقشنا وسولفنا .. واجت الساعه 8 جا شخص وشاف الاوراق اخذ الورقة وراح بدلها مع الورقه في القاعه الثانية وقال الي هنا ينقل هناك والعكس .. والله ياني ضحكت على اخوياي مو مصدقيني ههههه المهم جاو ومصخرتهم وسلامتكم
بدينا جاو اشخاص ووزعو علينا اوراق العقد وتعهدات والعفسه كلها .. وشرح النا كم بند واسئله واستفسارات .. بعدها قال جات جانا اتصال وبنخلي اليوم وبكرا مشان استلام اوراق بس .. الي يخلص تسليم الاوراق يمشي ويجي يوم الاحد وراح نداوم من ٨ الى ٢ .. واسبوع الي فيه اجازة اليوم الوطني راح نداوم من ٨ الى ٣ مشان نعوض اجازة اليوم الوطني ..
وخلصنا اوراقنا ومشينا والوعد يوم الاحد


وسلامتكم

Sent from my GT-I9100 using مبتعث mobile app

حقين الرياض < والله من التعاسة

دخلنا 7:15 وشفنا الاسماء والقاعات A - B - F

طبعا كل واحد راح قاعته الكلام هذا الساعة 7:30 الى الساعة 8:50 دخل علينا مصري وفهمنا الاوراق والتعهدات والزحمة

انا بالنسبة لي خلصت الساعة 2 الظهر يوم كان كئييب رغم ان فيه شباب عسل بس كذا كئيب

بغيت استفسر الحين انا بوضيفة سعودة وبطلع منها عشان امر اركاب

هل اقدر ارجع لوضيفتي بعد امر الاركاب او لا ومشاكل

والله مادري يابوداحم .. لان على ماسمعت انه امر الاركاب يجيك قبل سبوع من موعد السفر .. هذا والله اعلم

Sent from my GT-I9100 using مبتعث mobile app

بسم الله اول يوم دراسي في برنامج التهيئة



Sent from my GT-I9100 using مبتعث mobile app

[QUOTE=the pearl;1062394893]بسم الله اول يوم دراسي في برنامج التهيئة


ماشالله و بالتوفيق
يا ليت تخبرنا وش صار معكم وش نظام التهيئة

يا لبييه قاعتكم فله

حنا قاعتنا 4 في 4 وفيها 20 واحد انواع الزحمة والضيق والحر

اليوم جانا مدربين الثنين دكاترة

طبعا مرحين والسلوبهم محبب حتى رغم ان الوقت طويل والقاعة مشكلتها مشكله لكن الوقت يمشي

الاول اسمه الدكتور نايل عزام فلسطيني الاصل امريكي الجنسية

حلو فيه اسلوبه شبابي تكلم لنا عن تجربته في امريكا والانضمة هناك

طبعا اليوم يكون فيه 4 محاضرت من 8 الى 9:40

بعدين بريك من 9:40 الى 10:00

ثم محاضرة ثانية عند نفس الدكتور

من 10:00 الى 11:40

بعدين بريك الى 12:00

ثم محاضرة ثالثة عند دكتور ثاني نسيت اسمه لكن اسلوبه حلو وتخصصه كان علم نفس

فيكون فاهم للموضوع

المحاضرة الى 1:20

بعدين بريك من 1:20 الى 1:40

ثم المحاضرة الرابعة الى الساعة 3:00

عطونا خمس مذكرات اتوقع اكبر وحدة فيهم ما تتعدى 100 صفحة طبعا بين المؤسسة العامة و ااكادمية الجزيرة

اسمائهم

1_ المحور التوعوي

2_ المحور الاكاديمي

3_ المحور الاجتماعي

4_ المحور النظامي

5_ اعرف وطنك

يقولون " يقولون " فيه اختبارات !؟

عنها عاد ما ندري تونا اول يوم وباقي 8 ايام نشوف ايش تخفي لنا الايام

بالتوفيق للجميع

الي بيسأل عادي ترى خلونا نستفيد من خبرات بعض