نصائح قبل دخولك لمرحلة التهيئة قبل الابتعاث.

اهلا وسهلا حبيب قلبي

خليك في التامينات إلى ان يطلبون منك استلام امر الاركاب من الكلية بالرياض .
وقبل استلام امر الاركاب روح للتامينات وشيل اسمك وخذ منهم برنت انك غير مسجل بالتامينات.

لان بعد انتهاء دوره التهيئة بتجلس فتره لا تقل عن شهرين.

الا بالنسبة للتامينات علمني وش الفايده يا خوي ؟ ترا ما عندي اي خبره بهالشي واسمع عنها؟

وللمعلومية بعد امر الاركاب بشهر ولا شهرين تقدر ترجع اسمك بالتامينات. هههه

اهااا ماعدك مشكلة لكن متى بالعادة يطلبون امر الاركاب .؟
الله يسلمك في شيئين
-التأمينات الاجتماعية
- الموارد البشرية

يتسجل اسمك في التأمينات اذا كنت موظف في القطاع الخاص وراتبك يكون نازل جزء منه من الشركة وجزء منه من التأمينات .. وكما تعلم فالان الشركات يحتاجون موظفين سعوديين مشان يقدرو يوظفون الاجانب ف بعض الشركات تاخذ اسمك ع اساس انت موظف عندهم وبالمقابل يقدر هو يوضف اجنبي واحد او 2 . وبما انه اسمك مسجل في الشركة ف ينزل لك راتب انت وعلى حسب الشخص الي نسقت معه يعطيك جزء ءمنه ( ينزل لك راتب وانت جالس في البيت ) .

التأمينات الاجتماعية . هي نفس الموارد لكن هذي يكون راتبك اكثر ويسحبون منه مشان راتبك التقاعدي لكن مشكلتها انه اذا تميت في وضيفتك اكثر من 6 شهور او سنة ماتقدر تطلع الا بعد 5 سنوات وهم مسوين النظام كذا مشان الاشخاص مو كل شوي يطلعون من شركة ويخشون في ثانية .
ف وقت كنت ادرس بالكلية كنت موظف في شركات المطاعم السريعه اطلع من الكلية و ع طول اروح لوظيفتي وماخلص الا اخر الليل وحمد الله كان راتي 2800 غير المكافأة لكن طلعت منهم قبل لا اكمل 6 شهور ..
وبعد فترة جاتني سعوده 500 ريال في الشهر اثناء دراستي .. وبعد ماخلصت طلعت منهم وقبل فترة قليلة من الان جاتني سعوده حوالي 1500 في الشهر اثناء دراستي في برنامج اللغه وبديت اجمع لي مبلغ مشان الابتعاث وحمد الله الخطة ماشية معي

هذا المعلومات الي عندي وممكن تكون خاطئة ف اذا كانت خطأ وفي شخص بيصحح المعلومات يعطيه العافية

وش وضعكم في بريطانيا !؟
كلمنا عن وضعك والمواقف الي صارت
<<<< بو الشباب انت في منتدى مو واتس اب *_*

ماشاء الله , الله يزيدك يا رب.
والله الخطه ممتازه وتوفير جيد جدا واجتهاد عالي الله يوفقك ويفتحها بوجهك دوم يارب.

شكرا لك على الشرح الاكثر من رائع وافدتني كثيرا.
ممكن الشي الوحيد الي بيخليني اسجل في التامينات الاجتماعيه انهم يسجلون لي سنوات خدمه فقط . وعلى ما قريت في موقعهم ان بعد 25 سنه خدمه لك الحق في التقاعد على ما اظن.
انا كنت موظف سابقا واشتغلت حوالي ال 4 سنوات وبعدها فصلت من التامينات بسبب البعثه.


بالنسبة لامر الاركاب ماله وقت معين لاكن غالبا بعد اكثر من شهرين او ثلاث شهور. وفي شباب ياخذون امر الاركاب بعد سنه وفي شباب ياخذون امر الاركاب بعد اكثر من سنه.
هذه كله يعتمد على القبول الجامعي والفيزا.
فلذلك اول ما يجيك قبول الجامعه وتطلع فيزتك اشوف انه افظل وقت لسحب اسمك من التامينات.

المنتدى هو متنفس للجميع وافضل من الواتساب فالقرأ بالمنتدى ليسوا محدودين. وخذ راحتك ياخوي.

مشكله من مشاكل ببريطانيا ان الحياه سريعه جدا. ويكفي ان مدينتي تقفل بها المحلات الساعه 6 المغرب.
يعني ما الحق اطلع من الجامعه الا كل شي مقفل للاسف. طبعا لندن تختلف نوعن ما والاسواق تسكر يمكن ع 10 مساء .

امم موقعها ممتاز في الخريطه ويخليك تزور اروبا وقت الفراغ والاجازات.
الدراسه مممتعه ومتعبه بنفس الوقت. ممتعه لانها تعتمد على العمل الجماعي غالبا. ومتعبه لان فيها كتابة كثير ممكن في السمستر الواحد تكتب 10 آلاف كلمه كحد ادني.

الرواتب بالملي متر. ولازم تقتصد عشان تكفيك.

يالله تحملها ( هذي لندن وماتسوي لندن ) >_<
اهم شي تزور اوربا .. جاتني ضحكه ... قديما بين الشباب اذا يتمازحو يقولو بنسافر اوروبا او لندن او ... الخ وكل واحد يقول خف علينا ومن هالكلام الفليلي
الان حتى الفكرة تخليك تضحك على الايام الي طافت وتعيش اللحضة
المكافأة بالملي معروف بريطانيا غالية والسكن يذبح

اخواني بعد برنامج التهيئة متي راح يكون السفر للدوله المبتعث له لاني اخاف افصل من الوظيفه واتوهقً.

للاسف ماراح يعطون الشخص المعلومة هذي الا بعد ماتتحدد الدولة .. لان بتسافر على حسب الدولة ومتى بداية السمستر عندهم

الله يجزاك خير شاكر ومقدر لك اخوي بدر

على جهدك ووقتك

لكن عندي كذا استفسار لا هنت

وبيزورونكم مندوبين لمكاتب حصول على القبولات


النقطة هذي ما فهمتها المؤسسة هي الي راح تجيب القبولات ولا .؟ < الى اذا انا طلبت اني اجيب القبول بنفسي

وبتجيكم عقود الموسسة


عقود ايش بالظبط

وبغيت استفسر عن شيء ثاني ما له علاقة بالموضوع

الي هو ما بعد مرحلة التهيئة وش يصير

لان عندي سفر لمدة اسبوع تقريبا عشان اشوف وضعي هل اسافر او اكنسل السفره

شاكر لك مرة ثانيه وبالتوفيق

في خلال ايام الدوره يمرونكم مكاتب حصول للقبولات كمثال مر علينا مكتب للحصول على القبولات بالسويد وكان يسوق لدوله السويد ويعلمنا عنها. وكان وجوده فقط للتسويق للدوله والمكتب وكذلك للاجابه على الاسئلة الموجه من الطلاب عامه لان في طلاب كانوا بيبتعثون للسويد لاكن ما ابتعثوهم للسويد. ودفعتي ابتعث الطلاب إلى امريكا وبريطانيا فقط
ونعم الموسسه تجيب القبولات للطلاب . ولاكن الموسسه تخيرك قبل وتقولك تبي تجيب القبول لنفسك او نجيبه لك .
ولاكن حسب ما اعرف انه الشباب الي تخرجو من الكليات الاخرى مثل كليه الجبيل وينبع يجيبون القبول لنفسهم .

وبالنسبة للعقود. راح يوزعون على الطلاب عقود ويطلبون منهم التوقيع والعقود فيها كلام كثير اهمها هل تريد توفير القبول بنفسك ام تتكفل به الموسسه. وكذلك انك ملزم بالتدريس في الموسسه بعد عودتك على حسب المده الي درستها .
ولاكن لن يتم توظيف اي شخص بعد تخرجته الا اذا احتاجت الموسسه او كليته لخدماته فقط .

ما بعد برنامج التهيئة خذها مني وازهل الموضوع. لم يتم ابتعاث اي شخص بعد برنامج التهيئة بشهر. واقل مده كانت بعد شهرين او ثلاث شهور . وفي ناس امتد انتظارهم للسفر إلى سنه .
فلذلك إن كان عندك سفره لمده اسبوع او اسبوعين فاستغلها بعد برنامج التهيئة مباشره. ولاكن خلك مشيك على ايميلك وجوالك دائما .

فبعد اعلان دولتك وجامعتك بتجيك رسايل من الجامعه يطلبون منها اوراق وتوقيعات حتى يصدرونلك القبول النهائي.
وبعد اصدار القبول النهائي تاخذ موعد للفيزا.
وبيزعجونك منسقين الموسسه والمكاتب الي متعاقده معهم بالاوراق والتواقيع والاتصالات والايميلات
وهذه الامور كلها هي الي تاخر موعد السفر.

- - - مشاركة محدثة - - -

اهلا وسهلا حبيب قلبي عبد الرحمن .
وشاكر لك على الكلام العسل ودعواتك الطيبيه

وتم الاجابه على استفساراتك .
واي سوال لا يردك الا الكيبورد يا بعدهم