استفسار عن بريطانيا جامعة ( Leeds Met )

لا لا لا في خلل بالموضوع !!!!!

كيف 24 مشاهده ولا واحد عنده خبره ولا نصيحه ينصحني ؟

ياشباب الملتقى ماكان كذا وين المشاركات والنصايح الي كانت للناس الي قبلنا ؟

اتمنى من الكل يشارك , لو معلومات بسيطه ممكن تنفعني بغربتي . والله يوفقنا جميعاً

تم التواصل معك بو حميد وتامر امر

راح اظع ردودي بالموضوع لتعم الفائده للجميع.

بالنسبة لاقرب سكن للمعهد االمعهد له فرعين واحد يبعدون عن بعض مسافة 30 دقيقه مشي.
الفنادق الي جمب المعهد سيئة جدا . وافضل لك انك تسكن في الستي سنتر .
وراح اعطيك لسته بالفنادق لو حبيت.

فتح الملف إذا كان وصولك قبل 10 ايام من نزول الرواتب فروع للملحقية وافتح الملف بنفسك.
ولو وصولك قبل 20 يوم من نزول الرواتب فقدم اون لاين وانتظر الرد إذا طول ردهم وبقي اقل من 10 ايام للرواتب روح للملحقية بنفسك.

افضل نصيحه لك ولكل مبتعثين بريطانيا والعالم.
إنه روحو للملحقية بانفسكم افضل لفتح الملف حتى تاخذون القبول تلقائيا. واحجزو تذاكر القطار مبكر لان التذاكر تطلع عليكم من 10 إلى 20 باوند. وخصوصا هالفتره في خصم على تذاكر القطار.
وإن تاخرتو في حجز التذاكر اسعار التذاكر للحجز الغير مسبق تصل إلى 90 باوند .

واي سوال تامرون امر
بريطانيا من اغلى دول العالم إذا لم تحجز اي شي مسبق.
ومن ارخص دول العالم لو تحجز كل شي مسبقا وقبل فتره.
سواء من فندق وسكن عائلة او سكن خاص وقطارات وطيران كل شي بالحجز المسبق .

الله يبارك فيك استاذنا بدر ، شكرا على النصيحه

سلام عليكم شباب انا موعد دراستي 1 ابريل
ابي اسكن بسكن الجامعه كيف وهل يوجد سكن خاص للغه الانجليزيه
علما اني طالع لغه جامعه ليدز
ياليت تفيدوني يالغالين ولكم جزيل الشكر

انا للحين ماطلعت ولا عندي اي خلفية ، اتمنى يجي احد ويفيدك

بالتوفيق ،

الله يعطيك العافيه محمد انشالله يردون علي
لاني والله مدري ايش العمل

Sent from my GT-I9500 using مبتعث mobile app

اخوي سليمان سكن الجامعه على ما اظن انه ممتلئ حاليا ويجب عليك مراسله الانترناشونال اوفس للتاكد.
في سكن في ليدز تابع للجامعات ومبلغ السكن فيه ما يتعدى ال 300 باوند. ويكون مختلط مع الاجانب وقريب من الجامعه ومركز المدينه.
ولا يوجد سكن خاص باللغة الانجليزية ابدا في ليدز ولا عمري سمعت بهالشي للاسف.

واي خدمه تامر امر

السلام عليكم كيف الحال يا شباب انا ان شاء لله مبتعث الى بريطانيا معاك اخوي محمد بمعهد leeds English وبنفس والجامعه leeds met راح ابدا الدراسه في 3/3/2014
ياليت احد يفيدنا كم اخذ معاي كاش احولها من هنا الى جنيه إسترليني او فيزا افضل ؟
لما أوصل لمطار مانشيستر وشلون اطلع الى ليدز ؟ اسف ع الاطاله والف شكر