لمن ينتظر فتح التقديم على الابتعاث !!

حنا بشهر 3 هالشهر موعد التقديم المرحلة الاولى ... ابي اعرف مقرهم في كلية الاتصالات فاتحين وﻻ مقفل ؟ ابي اروح استفسر ..


الزبدة قبل شوي فتحت رابط التقديم حق دورة الانجليزي ولقيتهم حاطين بوابة جديدة فيها قائمة ببرامج المؤسسة ومن ضمنها برنامج الابتعاث . يعني في امل باذن الله هذا الرابط https://ugate.tvtc.gov.sa/AFrontGate/

خبر يبشر بالخير على موقع المؤسسة

http://www.tvtc.gov.sa/Arabic/MediaC...ر-المؤسسة.aspx

مافي اخبار عن التقديم

الله يسهلها ان شاء الله

انا لي سنه ونص اتواصل معاهم يقولون لي موقوف وفي اخر شهرين قالو لي في دفعه جديده عاد ما ادري هي بتطول او قريبه هل احد عنده خبر عنها ؟؟


ضاع الوقت واحنا ننتظر وما تقدر تروح اعداد المدربين او البكالريوس لانه لو سلمت لهم اوراقك ما تقدر تقدم على الابتعاث ...

في شي جديد عن الابتعاث ؟؟

اعلنوا عن تاريخ الابتعاث راح يكون في 6 شعبان
بشروط نوعا ما تعجيزيه

الي درسوا برنامج اللغه الدفعه الي راحت والي قبلها ياخذون الشهادة ويبلونه ويشربون مويتها ، صارو يعتمدون على دجات اختبار الايلتس و التوفل و ستيب شي يقهر لكن الحمدلله على كل حال وان شاء الله مقبولين

ليش يقهر ، ترا هالاختبارين سهلين اذا استعديت لطريقة الحل كويس ، وناس كثير عرفتهم شخصيا استعدوا للامتحان بمجهودهم الخاص ومن غير معاهد و جابوا علامات كويسه جدا كبدايه، و لاتنسى انو الوزارة مهلتها انك تعمل ثلاث مرات هذا الاختبار ...


خليكم متفائلين و مافيه شي هتلاقيه بدون تعب ، لان وحدها الاشيا الي بدون قيمه هي سهلة الوصول ..

السلام عليكم جميعاً ..
الحمدلله زي ما توقعنا فتح التقديم الاخير بغض النظر عن الشروط اللي يشوفها البعض تعجيزيه .

اما بالنسبه للايلس ترى مامنه خوف والدرجه المطلوبه جداً جدا سهله ،يعني اتوقع معظمكم راح يجيب الدرجه باذن الله ، وعلى فكره الدرجه المطلوبه حتى تجديد الفيزه في بريطانيا ما يقبلونها ،يعني تعتبر تافهه .
تجديد الفيزه هنا مطلوب عليه ٥ .
بالتوفيق للجميع و أي خدمه انا حاضر .

السلام عليكم...
بالنسبه للي ما اختبر ايلس قبل اقترح انه يقدم من الحين ع اختبار ، عشان يكسب خبره ويعرف طريقته لان فيه وقت يختبر اكثر من مره .


اللي يحتاج مساعده بهذا يعطيني خبر .
بالتوفيق للجميع