اسـتـفـسـارات المرافقين (أخ - زوج - زوجة - أب - ...)

انا عندي استفسار
انا حامل وطلعت لي البعثه وموعدي في السفاره في ابريل ولما اروح الموعد يبكون باقي على ولادتي شهر وشوي
وموعد دراستي في جولاي
يعني انا بولد هنا في جون وبعدين بسافر في جولاي ومعاي زوجي والمولود
سؤالي هو: كيف اقدر اطلع الى ا لمولود فيزا علما ان جوازي حايكون مفيز وهل يكون الى الطفل جواز لوحده وفيزا لوحده ولا ايش ؟
هل احدد لي موعد جديد انا وزوجي بعد ماأولد ولا اكتفي بالموعد القديم؟
وشكرا
اتمنى مساعدتكم بلييييييييييييييز

السلام عليكم اخوي الساموراي

انا عندي استفسار الحين انا جاني قبول معهد برقم سيفس معين و وصلني اي تونتي للمرافق اللي هو ولدي برقم سيفس ثاني هل في هذا مشكلة؟ أو ان الافضل أن يكون رقم السيفس اللي تبع المرافقين مطابق لرقم سيفس الطالب؟

و طيب اذا كان موشرط التطابق
الحين في السفارة نسدد قيمة السيفس الأصلي فقط اللي هو لي ( المبتعثة ) أو نقوم بتسديد الاثنين ؟


وهل إذا سددنا مثلا يستطيع المرافق الابن ( 12 سنة) الدراسة في معهد اللغة بنظام فل تايم او بارت تايم
لان حسب معلوماتي ان اذا كان رقم سيفس المرافق مختلف عن المبتعث فهذا يعتبر قبول منفصل و يستطيع المرافق الدراسة بنظام ساعات كاملة

انا طبعا ادري استحالة ان يدرس الابن خاصة اذا كان في سن المدرسة بساعات كاملة لانه سيكون بطبيعة الحال ملتحق بالمدارس الامريكية العامة بس لأن هذا الأمر أتوقع يحدد نوعية الفيزا فإذا كان له رقم سيفس مختلف فمعنى ذلك أن فيزته ستكون اف 1 هل هذا صحيح؟


هذا وشكرا جزيلا لك

السلام عليكم ورحمة الله بركاته
يعطيك العافية اخويا الساموراي
انا عندي كم استفسار اتمنى اجد لها اجابات
1- بالنسبة ليا انا مرافق لي اختي ومتزوج وعندي طفله كيف اقدر اخذ زوجتي معاياوطفلتي مع العلم اني جبت قبول معهد بضمان مالي شخصي .
2- متى اقدر انضم الى البعثة خلال كم شهر.
3- ايش نوع تأشيرة الزوجة مرافق او سياحي.
4- لو ان زوجتي تبغى تنضم الى البعثه ايش الطريقة .
تحياتي ...

سلام يا الساموراي

سواااال :

هل افع السفيس انا المبتعث وادفع للمرافقين ايضااا ولا يكفي دفع السيفس للمبتعث فقط ؟
وبنسبة للرسوم السفارة الامريكية هل يحتاج دفع 498 ريال لكل فرد في البعثة ولا يكفي المبتعث فقط ؟
احتاج الرد يا الساموراي

اخوي رسوم السفاره اللي هي 498 ريال تدفع لكل فرد وبعدين الملحقيه بتعوضك

وبالنسبه للسيفيس يدفعه المبتعث فقط الا اذا كان المرافق طالع باي تونتي مستقل في هالحاله لازم يدفع السيفيس

مشكور اخوي بن نياز عالاجابه

بس مافيه غير هالطريقه؟؟؟صعب انو نرجع للسعوديه

اعتقد اني قرات في احد ردودك انو بامكاني ان احضر الان قبول لزوجي حتى بعد صدور فيزته نوع ف2 وبعد ذلك اذهب للسفاره بدون موعد ويغيرو لي نوع الفيزا

هل هالكلام صحيح؟؟؟اننا نروح بدون موعد وبدون مقابله

وكم يوم تقريبآ وتصدر الفيزا الجديده؟؟؟



بعد اذنك اجبت على مااعرف اجابته من الاستفسارات للتخفيف عنك ارجو مراجعتها للتأكد من صحة معلوماتي

لا يا اختي ارقام السيفيس ماتكون متطابقه وتسديد الرسوم يكون للمبتعث فقط عن طريق الموقع مو عن طريق السفاره


ولا يستطيع ابنك دراسة اللغه فل تايم حتى لو سددتي السيفيس الا اذا احضر قبول لغه منفصل عن قبولك

السلام عليكم..

انا ابي اغير المرافق وحابة اسأل.. اقدر اغيره في الملتقى او لا ؟

وشكرا

اولا الله يكتب لك حسن الخاتمة يارب حتى لو مارديت على رسالتي لنيتك وتفاعلك انا عندي اسئلة كثيرة وان شالله الاقي اجاباتها عندك انا مرافقة مع زوجي رايح يدرس دكتوراة في بريطانيا وودي اكمل دراستي شهادتي بكالوريوس تاريخ وودي اكمل ماجستير بالنسبه للتخصصات هل مفتوح لي المجال بان اختار اي تخصص انت عارف تاريخ مابينفعني بشي انا قريت انه لي الحرية في الاختيار هل اقدر ادرس تخصص طبي مثلا وايش هي الاجراءات اللي علي اسويها عشان ادرس لغة وماجستير غير كدا انا عندي ولد عمره 9شهور والان حامل وولادتي بعد 3 شهور تقريبا بنكون هناك انا مترددة اولد هنا او هناك اذا هناك كيف تعاملهم بيكون مع المسلمات العرب واذا بولد في بلدي اقدر اجيب اجازة بان اتوقف عن الدراسة وكم مدتها وغير كدا ادا ابغا اجيب شغالة او حاضنة لاولادي قد ايه رواتبهم او اجور الحضانة لطفلين انا اعتذر عن الاطالة بس والله حايسة لاني مااعرف ولاشي
جزاك الله خيروشاكرةلك جهودك

إستفسار لمن يستطيع أن يفيد في هذا الموضوع.....
أريد أن أسافر مع ابنتي كمرافق الى الولايات المتحدة الأمريكيه ولدي الإستفسارات التالية:
1- نوع التأشيرة المطلوبه حيث أنني لاأرغب في الدراسة
2- وفي حالة التأشيرة السياحيه ماهي مدة التأشيرة وهل هي متعددة السفريات ام يحتاج لكل دخول الى امريكا تأشيرة مستقله
3- خطاب الضمان المالي للمرافق هل يصدر من الوزارة أم يحتاج الى خطاب من البنك
4- هل احتاج الى مراجعة الوزارة قبل إستخراج التأشيرة أم أن هناك إجراءات يلزم القيام بها ، مع العلم أن ابنتي قد حصلت على I20 من المعهد الذي ستدرس به كما انها حصلت على خطاب مالي من الوزارة
5- هل يتم تحديد موعد الحصول على التأشيرة في موعد واحد للطالبه والمرفق
6- إجراءات تحديد المرافق للطالبه في الوزارة
.
.
المرجو من يستطيع المساعده في الإجابه على هذه الإستفسارات أن يتفضل بالإجابه للحاجه الماسه لي ولكثير ممن في هذه الحاله