المرافقين وهضم حقوقهم ومالهم وماعليهم والاجابة عن جميع الاستفسارات بشأن المرافقين

اختي الغاليه

السلام عليكم ورحمة الله وبركاته

هل المرافق لكي موظف ام طالب ؟
اذا كان موظف ومعاه اجازة استثنائية باديه او طالب معاه برنت من الاحوال المدنيه يثبت انه غير موظف
ثانيا اذا وصلتي للملحقية خليه يفتح ملف مرافق اذا الاوراق المطلوبة متوفره واذا وصلتي للمعهد اللي تدرسي فيه تاخذي منهم قبول لاخوك وماراح ياخذ وقت مجرد يوم او يومين بالكثير ثم ترسليه لقسم المرافقين لكي يرسلوا للمرافق ضمان مالي وراح تتسهل اموره ولا تطولي في واشنطن لان جلستك في واشنطن راح تكلفك مبالغ السكن وتاخذ منك وقت بامكانك تستغليه بالبحث عن سكن والاستقرار بالمدينة اللي راح تروحي لها .

والله يوفقكم

واذا تحبي اوريك مراسلاتي للملحقية بالايميل الموجود عندي ارسلي ايميل aorifj عالهوتميل عشان اخليك تطلعي على مراسلاتي لقسم المرافقين


تحياتي لك

السلام عليكم أخباركم يامرافقين؟؟؟؟؟؟؟؟

والله انا خايفه بعد من موضوع الضمان المالي زوجي راح للأحوال ومارضوا يعطوه برنت بحجة نبغى خطاب موجه لهم

ف ايش الحل ؟؟؟؟

وانا سمعت انه الي راح وتعهد بأنه غير موظف مشت أموره فماأدري هذا الكلام صحيح ولا لا ؟

ويعطيك العافيه أخ ون شانس على سعة صدرك

وال عنده خبره لايبخل علينا موفقين

اولا حياك الله يالغالية

طيب خلي زوجك يمر على التعليم العالي ويطلب منهم خطاب موجهه الى الاحوال المدنية .
انا بقولك سالفه واحد جاء الى امريكا وهم عارفين انه توه متخرج من كلية يوم استقر الولد وقفوه عن الدراسه ووقفو راتبه بحجه انه لم ياتي ببرنت من الاحوال بانه ليس بموظف يعني ما ودي تصيرون بالموقف هذا ويعكر الاجواء عليكم في الغربة يعني مو مشكلة يتحمل زوجك يروح للتعليم العالي ويطلب منهم خطاب .

بالنسبة لساعة صدري هذا واجبي واقل شي اقدمه لاخواني واخواتي بالموقع لاني مريت بالمرحلة هذي


تحياتي لكم والله يوفقكم

وعليكم السلام اخويه :

بالنسبه لمحرمي وهو اخويه .. طالب واح يعتذر عن الدراسه مؤقتا ... وانا جبتلوا قبول من نفس معهدي على حسابي الخاص وبشهادة بنكية ..


المهم القبول جاهز والاي توني موجود بس باقي الفيزة ..
انا لمن بروح هناك بقلهم هاتو ضمان مالي موجه للمعهد ..باسم اخويه
وادفع كم مية دولار في واشنطن ولا اني ادفع الوف للمعهد ..

خاصه ان المعهد تابع للجامعه والدراسه كل ترم .. يعني تقريبا طالبين مني 9000 دولار لازم ادفعها في الشهر الاول من دراسة اخويه ..

وبعدين الضمان المالي لازم يكون معانا قبل لانروح المعهد .. وانا راح اجي قبل الدراسة باسبوع يعني لو ما اعطوني هوا خلال الاسبوع الاول متى راح يعطوه لمن ابدء الدراسه .. فشيله اقلهم ماعندي فلوس خاصه اني موقعه في الاوراق اني راح اتكفل بكل مصاريف اخويه ..

حسبي الله ونعم الوكيل .. انا بس الي ابغا اتاكد منو الاخ ممدوح الي ما وصلوا الضمان المالي شو كان السبب هل الاجازة الاستثنائيه مثل حالتك ولا شو ..

بس مايصير كدا يرمي كلام ويمشي والله محيرني ..

بس الله يكون في عون الجميع ..

ومعليش اخويه حطيت حرتي كلها في موضوعك ...

والله شايلتيني هم كبيررررررررررررررررررررررررررر لانو وضعي زي وضعك ويمكن اسوء من وضعك

انا مرافقي اخويا وموظف وراتبه كويس راح يحاول ياخذ اجازه اذا رفضوه راح يستقيل عشان يطلع معايا ويكمل دراسته

وكمان يبغى ياخذ زوجته وبنته وراح يتحمل مصاريفهم انشاالله لين يصير مبتعث وينصرف له راتب مثل المبتعثه

انا كمان في مرحلة الفيزة وبعبي الاستماره للسفارة وبجيب شهادة بنكيه وكشف حساب ععشان قبول في المعهد

واطلع له فيزة طالب

وبصراحه الموضوع مقلقني كثيرررر والله خايفه اروح واتوهق واوهق اخويا ومرته وبنته وبعدين الملحقية ماتعطيني الضمان المالي باي حجة خايفه مرررره ومرعوبه والله

يعني انا امام مجازفه ومسؤليه كبيره على عاتقي لانه اخويا قال على مسؤليتك ببب ماعندي محرم ممكن يروح غيره

اختي الله يفرجها عليكي وعليا يارب بس لو سمحتي قوليلي متى تبدا دراستك؟ هل اذا سافرت وضبطت امورك ممكن تتطمنيني لو برساله خاصه ؟ انا دراستي في اوكتوبر في يوم 4
بعدين عندي سؤال لاخوي عبدالعزيز

هل كل شخص اعبي له ابليكشن؟ يعني انا واخويا المرافق وزوجته وبنته اللي عمرها 4 اشهر

لو عندك خلفيه افيدني الله يسعدك

المرافق زي ماقال يعطى ضمان مالي بس لازم برنت من الاحوال وبالنسبه للتأخر كم يوم ترى عادي المعاهد تصبر الى شهر لانهم عارفين بالنهايه بيجيهم ضمان مالي للمرافق

بالنسبه لي الضمان المالي ارسلوه على المعهد اخذ اسبوع تقريبا ووصل المعهد حتى مادريت تنه وصل المعهد واصلا المعهد لما درى انه مرافقي ماسأل عن الضمان المالي لانهم عارفين انه بيجي يعني لاتقلقون اهم شي اثبات انه مو موظف واو اجازه

وبالتوفييق

وادعوا لي الله يوفقني بدراستي

الله يوفقك ويوفقني يارب وينولك اللي ببالك ويسهل امرنا وامرك

حتى انا كثير اسمع انو يترسل .. ولاكن لو ما ترسل او صار في تأخر .. زي ماصار للاخ ممدوح ...

انا دراستي في 30 اوغست .. وبحجز دحين موعد في السفاره يعني قبلك بقريب شهر ونص ..

ان شاء الله اخبرك بكل شيء .. والمنتدى بيناتنا ..

والله يعيننا جميعا ..

اللي اعرفه بما اني مرافق فيه ابلكيشن خاص بالمرافق واعتقد من ضمن البيانات اللي يعبيها المرافق الزوجة والبنت وترى الامور سهالات يعني لا تشيلوا هم الاوراق
بالنسبة لاخوك اذا هو في قطاع حكومي ياخذ اجازه استثنائية وهذا الشي بقرار من مجلس الوزراء واعتقد ينطبق على الشركات الكبيرة


تحياتي لكم والله ويفقكم ويسهل اموركم

الله يوفقكم ويسهل اموركم ولاتنسي تبلغينا باللي يصير معاك عشان يستفيد الغير من معلوماتك