بخصوص ورقة الاحوال المدنيه

وعليكم السلام
اخي العزيز واجهت نفس المشكلة!
بس رحت لمدير الاحوال وفهمته الوضع
وبعدها طلعت البرنت عادي
بس بصراحة لما وصلت للملحقية انا قدمت الورقة من عندي ماطلبوها!
يمكن كانو يحطلبوها لا اعلم..
بس روح للمدير وفهمه انك مبتعث
الله يكون في عونك

عادي روح وأشرح لهم شوتبغى بالبرنت
وأنصحك بالأحوال المدنية خارج الرياض بالمدن والمحافظات
أسئل مجرب

صباح الخير
ايش سالفة البرنت هذا بعد يا كثر طلباتهم ... بس مين الي يطلب البرنت
عشان اخوي مرافقي وودي اعرف سالفة البرنت هذا
الله يعين

الاحوال رفضت تعطي مرافقي ذو ال19 عاما برنت يفيد انه لايشغل عمل بالسعوديه ولا يستلم مرتب من الحكومه

بحجه انها تريد خطاب من جهة مسؤوله تطلب هذا الشي

وللاسف قرات رد احد الاعضاء يفيد ان الوزارة رفضت ايضا تعطيه هذا الخطاب

فما الحل اذا كان هذا البرنت ضروري لفتح ملف مرافق لدى الملحقيه ؟؟؟؟؟؟؟؟؟؟؟

البرنت ضرووووووووري مرررررررره من تجربتي وتجربة اخوان زوجي ..
انا زوجي مرافق لي و الملحقية رفضت تعطية ضمان مالي في امريكا للغة بحجة انه مامعاه شي يثبت انه غير موظف حاليا مع انه معاه استقالتة من شركة خاصه لكن رفضوها وسألناهم قلنا وش اللي يثبت قالوا لنا برنت الاحوال وجلسنا مراسلات حنا والسعودية لين جبنا هالبرنت وبطلعة العيون بعد شهرين اعطونا الضمان المالي ..

التجربة الثانيه اخت زوجي واخوي زوجي طلعوا بعثة اخت زوجي هي المبتعثه واخوه هو المرافق واصلا طالب عمره ١٩ وطلبوا منه برضوا في واشنطن بالملحقيه برنت الاحوال عشان اثبات انه غير موظف مع انه كان معاه ورقة تأجيل من الجامعة لدراسته .. لكن الحمدالله كانت معاهم برنت الاحوال لاننا علمناهم قبل يجون انها مهمه ولازم يطلعونها وفعلا اعطوه ضمانه المالي وهو واقف طبعا مع اكتمال اوراقه الرسميه من قبول معهد وفيزا دراسيه وصور بطاقه الاحوال والشهادات و و و ...

بالتوفيق

اذا انت بالرياض وعلى حسب تجربتي .. انا رحت احوال الدرعيه بالاول .. على اساس انهم بيطلعون لي البرنت اسرع وبلاش قروشه
احوال الرياض على كلام الشباب هنا .. لكن بالعكس كرشوني وقالو تبطي نعطيك الا بخطاب موجه لنا .. طنقرت انا وكتبت موضوع هنا وهيك يعني .. المهم رحت احوال الوشم ( بالرياض ) وعلى كلام الشباب انه تكلم مدير الاحوال ويتفهم موضوعك .. طلعت الدور الثاني وكلمت السكرتير بخصوص اني ابغى برنت من الاحوال عشان الملحقية يبونه .. وكانت معي صوره من بطاقه الاحوال .. ابد وقع على صوره الاحوال وكتب يعطى برنت يوجه الى الملحقيه الثقافيه بامريكا .. ونزلت عند حقين البرنتاات وطبعوه لي .. ورجعت وقعته ومشيت ..وبس عاد انت حاول انك تكلم المدير او السكرتير يشخبطون لك على ورقه انه يصدرون لك البرنت ..

الله يسعدكم عالتوضيح والله يسهل لنا مثل ماسهل لك يا اخ اسامه ويبارك لك يارب

وعليكم السلام والرحمة

ممكن تطبع ورقة التعهد اللي موجودة في موقع الملحقية ومكتوب فيها انه مطلوب برنت وتروح الاحوال وتعطيهم اياها
ويطلعونها لك
أخوي سوى كذا وطلعت له