f-1 للمرافق وخطوات استخراجها

السلام عليكم ورحمه الله وبركاته
بخصوص المرافق الي حاب يطلع بـ فيزا اف 1
يفضل انه ياخذها وهو في السعوديه
يجيب ضمان مالي أو شهاده بنكيه ويقدم على الجامعه او المعهد ويجيب القبول ويطلع الفيزا من السعوديه،، واذا سافر الملحقية تعطيه ضمان مالي ويقدمه للمعهد وبس
انا هذا الي سويته .. طلعت شهاده بنكيه وجبت قبول وطلعت الفيزا اف 1 .. ويوم وصلت واشنطون ورحت للملحقيه .. عطوني الضمان المالي وقدمته للمعهد والامور تمام . اهم شي الي يبي فيزا اف 1 لايطلع من السعوديه الا وهي معه .. يفتك من القروشه والحوسه

كلام سليم.....

المشكله دائما للمرافق الضمان المالي او الشهاده البنكيه.


اولا لازم نعرف وش الفرق بينهم.....طبعا كلهم يقومون بنفس الدور.

ولازم كلهم يكون في الحساب مبلغ 60000 او اكثر.

الضمان المالي ............يكون المبلغ محجوز ولا تقدر تسحبه.

الشهاده البنكيه.........تقدر تسحب المبلغ بعد يومين( وهو الافضل).

طبعا الي(طفران زي حالتي ) الله يعينه ويدبر 60000 اواكثر ويحطها في حسايه يومين او ثلاثه ايام حتى يطلع شهاده بنكيه ولا ينسى كشف حساب 3 شهور.

يعطيكم ألف عآفية
مآ قصرتوآ ^^

بس الشهآدة البنكية لآزم من حسآب المرآفق ؟! يعني عآدي لو من حسآب ابوهـ ؟!
وكشف حسآب حق ثلآث أشهر ضروري بعد ؟! ..{ يعني إذآ لآزم من حسآب المرآفق بيعرفوآ انه خلآل هالثلآثة أشهر حسآبه فآضي وإلآ وش الطبخة فهموني

وش هو كشف حسآب ثلآث شهور ..{ أشك إني فآهمة غلط :$

والله يجزآكم خير

طيب لية مايعطوننا الظمان من هنا ويفكونا وجع الراس؟؟؟

يعني الوزاره عارفه ان الازواج المرافقين اكيد بيكملون دراسه بنسبه 90% ليش ما تعطيهم ضمان مالي للمعهد اقل شي وتريحهم

والا يكتبون في الضمان المالي حق الزوجه انه يشملها ويشمل الزوج وانتهينا


وانا من خلال قرائتي لمواضيع المرافقين تبين لي الأتي:


بعض الدول مثل كندا الوزاره تعطي ضمان مالي للزوج وهذا الكلام اكيد 100% ويطلع بفيزا دراسيه مو مثل امريكا f1 و f2 لان الشي هذا مو عندهم والله يستر لا تجي فيزا دراسيه ثالثه f3


لكن بأذن الله هالسنه يتلافون الشي هذا ويعطون الضمان المالي للمرافقين اقلها للأزواج

وحتى لو ما طلع الضمان المالي للمرافقين

اول ما يطلع الضمان المالي للمبتعثه تدبر 60000 الف ريال او اكثر وتحطها في حسابك وتطلع فيها شهاده بنكيه مو ضمان مالي انتبه وكشف حساب اخر ثلاث اشهر بعدها تروح للمكتب اللي بتقولك عليها الوزاره ومعاك الضمان المالي حق الزوجه والشهاده البنكيه حقتك وتدبرون قبول في نفس المعهد بعدها المكتب يجيبلك i20 لك و i20للزوجه بعدها تسوي حجز موعد في السفاره لك انت وزجتك في نفس اليوم بعد ما تجيب الصور اللي هما طالبينها وتقولهم في السفاره والله ما اطلع الا ب بf1 اذا قالولك خلصت قل والله ما اطلع الا ب f1 ههههههههههههههه بعدها يجيلك ال f1 وبكذا تكون احسن مرافق في العالم وتدرس full time مو مثل ال f2 ثلاث ساعات دراسه بس

وقول انشاء الله انهم يطلعون لنا ضمان مالي ويفكون من وجع الروس


تحياتي

المفروض مثل مرافقين كندا
ولاكن اتمنى احد يروح للوزاره ويستفسر عن الموضوع لمكتب الموسى او يعطيهم الاقتراح

الله يسهل امورك

السلامـ عليكمـ
أنا قدمت لأخوي في المعهد بشهادة بنكية $6,900.00
المعهد ردوا This is only enough to do an I-20 for one term, or 2 months.
السؤال ..!
عادي أخليهمـ يجيبون أي تونتي بس لشهرين
هل السفارة تتطلع F1 للمرافق بـ I-20 ترم واحد في المعهد
وإذا رحنا هناكـ يعطونا الملحقية ضمان مالي له كمرافق
وبعدين يدرس سنة كاملة ؟!

يعطيكم العافيه الجميع على ردودكم واهتمامكم

الله يعطيكم الف عافية