انا مرافق وعلي قرض متعثر فيه / هل يمنعني من السفر ؟

معليش يا اخوي هل هذا يمشي مع كل البنوك ولا هذا نظام من مؤسسة النقد يعني الي عندو اجازة بدون رابت ما بستقطع الين يرجع العمل وشكرا وارج الرد لو تكرمتو

سلااااااااااااام اود الرد لليعندو علم عن الاجازة الاستثنائية او التقاعد او طريقة التسديد للقرض اذا الواحد راح وما سدد القرض ولكم مني جزيل الشكر

سبحان الله وبحمده سبحان الله العظيم

يااخووووان توكلوا على الله ولا تتعبوا روووسكم بكثر الاسئله الشغله بسيطه جدا ترشيح من الوزاره للمبتعث الاساسي + قبول للمبتعث وللمرافق + اجازه للمرافق = السفر وترك كل الباقي مع وقف التنفيذ الى حين العوووووده )))))))))))) موفقين

صااادق abomonef
شاكر لك الرد المميز والمختصر المفيد..

شيء حلو إنه الوآحد يفكر بـ مستقبله لسنوآت قآدمة خصوصاً بعد عودته من بلد الإبتعآث إذا كتب الله لنآ ولكم العمر ..

أمآ الهروب من الديوون , وتأزيم الأمور هنآ والسفر وتركهآ هذآ أبداً مو بمصلحة أحد .. فـ من الأفضل للجميع أن يدرس كلاً وضعه إذا استطاع سدآد ديونه أو بعضهآ لتخف عليه بعد عودته .. لأن بالتأكيد ستكون من سنتين لـ 4 عايش في بلد آخر , ورح تتغير أشياء كثيرهـ في حيآتك والأغلب هو الرجوع للسعودية والطموح يملأ القلب ويتفاجأ الوآحد بـ الديون اللي تركهآ وفوق كذآ قد يكون على القآئمة السودآء , أو ظلم أناس آخرين ( خآصة للذين عندهم كفيل في بعض الأمور ) ..

لا أقول أن يوقف الشخص طموحه وأحلامه , بل يفعل المستطآع إن قدر أن يخفف من وطأة الديون والقروض .. وإن لم يستطع فـ دعواتنآ للجميع بالتوفيق وتحقيق أحلامهم ومن يحبون ..

الله يسهل امورك وامورنا

جزاكم الله خير والله استفدت كثير

السلام عليكم اخواني استفسار والله لا يهينكم وربي يرزقكم الجنه
انا مرافق مع اختي وعلي قرض بخمسين الف من سامبا سددت سبع شهور من مبلغ متبقي في حسابي والحين خلص المبلغ والبنك اشتغلني ازعاجات وحتى رقم زوجتي في السعوديه ما ادري من وين جابوه المهم انا حاط يدي الحين على قلبي من نقطتين
1-هل في حال الانقطاع عن السداد راح يأثر على انضمامي للبعثة مع العلم اني في سنة اللغه الحين ؟؟
2- لو نزلت السعوديه اجازه وحبيت ارجع هل يكون علي منع سفر من قبل البنك ؟؟

ارجوكم ارجوكم احد يبرد على قلبي ويجاوبني لأني اليوم بعد ما دريت انهم جابو رقم زوجتي ضاعت علومي

السلآم عليكم ..
هذآ الرد كتب لأجلكـ
أنا أخوك مبتعث للصين .. أو ملتحق بالبعثة بمعنى أصح
خرجت من السعودية وعلي دين في البنك الأهلي بقيمة 75 ألف ريال
وفاتورة في شركة الإتصالآت بقيمة 1400 ريال
وفاتورة في شركة موبايلي بقيمة 800 ريال
وفاتورة في شركة زين بقيمة 450 ريال
ومخالفات مرورية بقيمة 5200 ريال
وعليك الحساب ..
"لآ تحط في بالك أني شخص مهمل أو أي شيء آخر" ..
والان انا مبتعث ولله الحمد والأمور زي السكر
بالنسبة للبنك ..
هذي الحركة لبث الرعب في قلبك ..
عندي البنك يتصل على قريب لي .. فقط للسؤال عني
ولسيت لدى البنك صلاحية لعمل أي شيء
فالاتصال بك او باي من معارفك .. هي حيلة العاجز
خل زوجتك تغير الرقم .. وكان الله بالسر عليم
تقبل تحياتي
وفقك الله لما يحبه ويرضاه