ابتعاث الزوجة عبر برنامج خادم الحرمين أم إرفاقها ببعثتي الحالية؟

ألف شكر اختي على هالمعلومات الوافية .. فتحتي عيني على أمور كنت أجهلها..

الله يوفقك ويسهل دربك

تقدم على ابتعاث,و تقول ان مرافقي يدرس في بريطانيا..و تجيب قبول و تعمل اجراءاتها على على اساس انها تروح بريطانيا..
اكيد 100% باذن الله يوافقو ..لأنك اساسا هناك و هي لازم تشرح اسبابها من الان,و عندها فرصة يوم الملتقى
اما لو جات مرافقة حتضطر انها تخلص سنة اللغة+تاخد 9 ساعات من الجامعه+اجراءات كثيرة انتو في غنى عنها..
و رايي انها ماتسافر مع اخوها في مكان ثاني لأن النقل حيكون اصعب بكثير هذا اولا(اتكلم عن نقلها الى بريطانيا,لكن لو انتو الاثنين نقلتو امريكا سهل)
ثانيا كونها مرافقة مع زوجها افضل بكثير من مبتعثه مع اخوها في الغربة مع احترامي الشديد للاخوة..و انا اتكلم من واقع تجربة لأني متزوجة و الحمد لله مع زوجي..الغربة صعبة خلقة,وجود الشخص ضمن عائلة افضل..
المضمون..في الحالتين تقدم اوراقها و الفيزا و القبول على اساس تروح بريطانيا..قبلوها بعثة كان بها..ما قبلوها تسير مرافقة لك..
الله ييسر الي فيه الخير,

خذ النصيحة من أهل التجربة.. أنا وضعي كوضع زوجتك بالضبط إلا أن الفرق بيننا أنها لا زالت في السعودية أما أنا فموجودة الآن مع زوجي في مقر بعثته..وقدمت على برنامج الابتعاث واترشحت ومتفائلة إن شاء الله إنه بتمشي أموري تمام لولا عقبة حضور الملتقى والدورة الإلزامية...أتساءل كيف أحضرها وأنا برا وما أقدر أنزل للسعودية قبل 6 أو 7 شهور أو يمكن أكثر بعد.

فانا أرى إنه الأفضل إنها تكمل إجراءاها دامت لسا بالسعودية وما تفرق إن شاء الله معكم كم شهر دامت من اول ما هي معك.. وتخلي محرمها زوجها مثل ما انا سويت وإذا هي كتبت لهم بالأول إنه محرمها اخوها تغيره إذا ممكن تغيير المحرم وبعد ما تجيها البعثة وتتم أمورها تعمل تحويل باسم إنه محرمها مبتعث في هذا البلد بس هذا كله بعد ما تنتهي من الترشيح النهائي وبعد ما تحضر الملتقى والدورة الإلزامية.
أو تقدر إنت تحول بعثتك لمقر ابتعاثها هي وبكذا تنتهي المشكلة.
اما أنا فمشكلتي أعوص من كذا والله يسهل وييسر للجميع.

الله يعطيكم العافية على هالمعلومات الوافية وييسر أموركم جميعا

موضوع انتقالي لامريكا غير موضوع في الحسبان لان هذا يعني الفصل من جامعتي والابتداء من جديد في البحث عن جامعة ومشرف وموضوع وتوصيات وفيز ووو.. الخ هذا غير التأخير الي بيصير بهالسبب.

الان الحيرة الوحيدة هي الان لو طلبت تحويلها إلى بريطانيا لسبب تواجدي فيها هل سيحرم أخوها من مرافقتها كمحرم؟ وهل فيه إشكال لو كان أخوها لا ينوي الدراسة الجامعية .. فقط دراسة اللغة كم شهر وبعدها يرجع للسعودية.